بۇگىنگى كۇنى وندىرىستەگى قايعىلى وقيعالاردىڭ سالدارىنان بولاتىن ءولىم-ءجىتىم الەمدە جۇرەك-قان تامىرلارى جانە ونكولوگيالىق اۋرۋلاردان سوڭ ءۇشىنشى ورىندا تۇر.
فورۋم وندىرىستىك جاراقات, كاسىبي اۋرۋ-سىرقات پەن جۇمىس ورنىندا بولاتىن ءولىم-ءجىتىم كورسەتكىشىن ازايتىپ, ەڭبەك قاۋىپسىزدىگى مەن جۇمىسشىنىڭ دەنساۋلىعىن جاقسارتۋ بويىنشا ءتيىمدى سۇحبات الاڭىنا اينالدى. فورۋمعا كاسىپوداقتار فەدەراتسياسىنىڭ باسشىلارى, الەۋمەتتىك سەرىكتەستەر, باستاپقى كاسىپوداقتار ۇيىمى, حالىقارالىق ۇيىمداردىڭ وكىلدەرى, مەملەكەتتىك ورگاندار مەن كوممەرتسيالىق ەمەس ۇيىمداردىڭ وكىلدەرى, ەڭبەك قاۋىپسىزىگى جونىندەگى ساراپشىلار مەن عالىمدار قاتىستى.
بۇعان قوسا, فورۋم كەزىندە قازاقستاندا كاسىپوداق قوزعالىسىن دامىتۋعا ۇلەس قوسقان ەلوردانىڭ كاسىپوداق بەلسەندىلەرى ماراپاتتالدى. شارا سوڭىندا قاتىسۋشىلار رەزوليۋتسيا قابىلدادى.
ايتا كەتەيىك, اتالعان فورۋمدى بيىل 10 قازاندا ەلىمىزدە العاش رەت اتالىپ وتىلەتىن كاسىپوداقتار كۇنى قارساڭىندا نۇر-سۇلتان قالاسىنىڭ قوعامدىق دامۋ ىستەرى باسقارماسى مەن ەلوردانىڭ كاسىپوداقتار ورتالىعى ۇيىمداستىردى.
