«تۇستەن كەيىن قاسىم-جومارت توقاەۆتىڭ رەسەي فەدەراتسياسىنىڭ پرەزيدەنتى ۆلاديمير پۋتينمەن كەزدەسۋى جوسپارلانعان. سونداي-اق «ۆالداي» حالىقارالىق پىكىرتالاس كلۋبىنىڭ حVI وتىرىسىنا قاتىسادى. بيىلعى شارا الەمدىك ساياسي قۇرىلىمداعى شىعىستىڭ ءرولىن تالقىلاۋعا ارنالادى. پلەنارلىق سەسسياداعى قازاقستان پرەزيدەنتىنىڭ سويلەگەن ءسوزىن «حابار 24» تەلەارناسىنان نۇر-سۇلتان قالاسىنىڭ ۋاقىتىمەن شامامەن ساعات 20:00 مەن 21:00 ارالىعىندا كورە الاسىزدار. پىكىرتالاس بارىسىندا قازىرگى الەمدەگى گەوساياسي جاعدايلارعا شىعىستىڭ ىقپالى, ەۋرازيا كەڭىستىگىندەگى ساياسي جانە ەكونوميكالىق ءوزارا ءىس-قيمىلداردىڭ پەرسپەكتيۆالارى, تاياۋ شىعىس ماسەلەلەرى بويىنشا ءسوزجارىستار بولادى. پلەنارلىق سەسسيالار بارىسىندا قازاقستان مەن رەسەي باسشىلارىنان باسقا ازەربايجان پرەزيدەنتى يلحام اليەۆ, يوردانيا كورولى ءىى ابداللا جانە فيليپپين پرەزيدەنتى رودريگو دۋتەرتەنىڭ ءسوز سويلەۋى جوسپارلانعان», دەپ جازدى بەرىك ءۋالي.
ەسكە سالا كەتەيىك, بيىل «ۆالداي» حالىقارالىق پىكىرتالاس كلۋبىنىڭ جۇمىسىنا 37 ەلدەن, 140-تان استام ساراپشى قاتىسىپ جاتىر.
