ءبىلىم مەن تاربيە سالاسىندا كورسەتكەن جوعارى جەتىستىكتەرى ءۇشىن ەلوردانىڭ ۇزدىك ۇستازدارىنا ارنالعان مەرەكەلىك كەشكە نۇر-سۇلتان قالاسى ءبىلىم باسقارماسىنىڭ باسشىسى ءانۋار جانعوزين قاتىستى. باسقارما باسشىسى ۇستازدار قاۋىمىن كاسىبي مەرەكەلەرىمەن قۇتتىقتاپ, جىلى لەبىزىن ءبىلدىردى.
كاسىبي مەرەكە قارساڭىندا ەلوردانىڭ 200-دەن اسا مۇعالىمى قازاقستان رەسپۋبليكاسىنىڭ ءبىلىم جانە عىلىم مينيسترلىگىنىڭ قۇرمەت گراموتالارىمەن, العىس حاتتارىمەن ماراپاتتالادى. ايتا كەتەيىك, مۇعالىمدەر مەن پەداگوگيكا سالاسىنا ەڭبەگى سىڭگەن ارداگەر ۇستازداردىڭ ەسىمى «ەلوردالىق ءبىلىمنىڭ التىن قورى» اتتى كىتاپقا ەنەتىن بولدى. ۇستازدار قاۋىمىنا ارنالعان سالتاناتتى شارا قر ەڭبەگى سىڭگەن قايراتكەرى ارداق بالاجانوۆا مەن ساكسافونشى ەرجان دۇيسەنبين, قازاق ۇلتتىق حورەوگرافيا اكادەمياسى ارتىستەرىنىڭ, م.وتەمىس ۇلى اتىنداعى وقۋشىلار سارايىنىڭ بالالار شىعارماشىلىق ۇجىمىنىڭ كونتسەرتتىك باعدارلاماسىنا ۇلاستى.
