ايماقتار • 03 قازان، 2019

تۇركىستاندا ازىق-ت ۇلىك بەلدەۋى قالىپتاستىرىلۋدا

114 رەت كورسەتىلدى

تۇركىستاندا 2500-دەن استام جاڭا جۇمىس ورنى اشىلىپ، جىل سايىن قوسىمشا 30 ملرد تەڭگەلىك اۋىلشارۋاشىلىق ءونىمى وندىرىلەتىن بولادى. وسى ماقساتتا بۇگىندە جالپى قۇنى 62،9 ملرد تەڭگە بولاتىن 7 ءىرى ينۆەستيتسيالىق جوبانى جۇزەگە اسىرۋ جۇمىستارى قولعا الىنعان. 

وڭىردە وتكەن جىلى ۇكىمەت تاراپىنان بەكىتىلگەن «تۇركىستان وبلىسىن الەۋمەتتىك-ەكونوميكالىق دامىتۋدىڭ 2024 جىلعا دەيىنگى كەشەندى جوسپارى» اياسىندا اگرارلىق سالاعا باسىمدىق بە­رىلىپ وتىر. ونىڭ ىشىندە تۇركىس­تان قالاسى اۋماعىندا 11 مىڭ گەكتار القاپتا ازىق-ت ۇلىك بەلدەۋىن قالىپتاستىرۋ جانە اعىن سۋ تاپ­شىلىعىن جويۋ ماقساتىندا سۋ نىساندارى قۇرىلىسىن جۇرگىزۋ باستى مىندەت سانالۋدا. تۇركىستان قالاسى اۋماعىنان راديۋسى 15 شاقىرىمدا ازىق-ت ۇلىك بەلدەۋىن قالىپتاستىرۋ 2 كەزەڭ بويىنشا قارقىندى تەحنولوگيالاردى قولدانا وتى­رىپ جانە عالىمداردىڭ سۇيەمەل­دەۋىمەن جۇزەگە اسىرىلا باستادى. كەشەندى جوسپار اياسىندا جەر­­گىلىكتى بيۋدجەتتەن 2،5 ملرد تەڭگە، رەسپۋبليكالىق بيۋدجەتتەن 25 ملرد تەڭگە قاراستىرىلعان. ال 37،9 ملرد تەڭگە سوماسىنداعى جۇ­مىستار جەكە ينۆەستورلار ەسە­بىنەن ىسكە اسىرىلادى. ازىق-ت ۇلىك بەلدەۋىن قالىپتاستىرۋ ايا­سىندا جۇزەگە اسىرۋ كوزدەلگەن جوبالاردىڭ ىرگەتاسى قالانا دا باستادى. مىسالى، جۋىردا «تۇركىستان-اگرو XXI» جشس-نىڭ 1200 باسقا ارنالعان تاۋارلى ءسۇت فەرماسىنىڭ ىرگەتاسىنا وب­لىس اكىمى ومىرزاق شوكەەۆ كاپ­سۋلا ورناتتى. بۇل جوبادا ««Rota Guido» يتاليالىق تەحنولو­گيا­سى قولدانىلماق. قازىرگى تاڭ­دا يتاليالىق كومپانيامەن كەلى­سىمشارت جاسالىپ، العاشقى قار­جى جارنالارى تولەنگەن. جوبا قۇ­نى – 3،7 ملرد تەڭگە. ونىڭ 600 ملن تەڭگەسى تۇركىستان اگرارلىق-الەۋ­مەتتىك كاسىپكەرلىك كورپوراتسياسى ارقىلى، قالعان 3،1 ملرد تەڭگە اگرارلىق نەسيە كورپوراتسيا­سى ارقىلى قارجىلاندىرىلاتىن بولادى. سەرىكتەستىك جوبانىڭ القاشقى كەزەڭىن 2020 جىلدىڭ تامىز ايىندا تولىعىمەن ىسكە قوسۋدى جوسپارلاۋدا. جىلىنا 4500 توننا ەكسترا كلاستى ءسۇت ون­دىرەتىن فەرمادا 100 ادام تۇ­راق­تى جۇمىسپەن قامتىلادى.

بۇدان بولەك، ازىق-ت ۇلىك بەل­دەۋى شەڭبەرىندە 10 مىڭ باس مالعا ارنالعان بورداقىلاۋ الاڭىن، جىلدىق قۋاتتىلىعى 20 مىڭ توننا ەتتى باعىتتاعى قۇس فابريكاسىن، 500 گەكتار زاماناۋي جىلىجاي كەشەشىن سالۋ جوبالارىنا ينۆەس­تورلار انىقتالىپ، قۇجاتتارى دايىندالۋدا. سونداي-اق جىل باسىندا «تۇركىستان-اگرو ححI» جشس-نىڭ باستاماسىمەن 131 شارۋا قوجالىعى بىرىگىپ، «ىنتىماق – 2019» كووپەراتيۆى قۇرىلعان بولاتىن. جالپى اۋماعى 1445 گەكتار كووپەراتيۆ جەرىنىڭ 733 گەكتار القابى تو­لىعىمەن 18 جاڭبىرلاتىپ سۋارۋ تەحنولوگياسىمەن قامتاماسىز ەتىل­مەك. اتالعان تەحنيكانىڭ 4-ءۋى بۇ­گىندە 163 گەكتارعا ورناتىلعان. قۇ­نى – 500 ملن تەڭگە بولاتىن جو­با امەريكالىق تەحنولوگيامەن جابدىقتالادى. وسىلايشا جاڭ­بىرلاتىپ سۋارۋ تەحنولوگياسى ارقىلى ونىمدىلىكتى 2-4 ەسەگە ارت­تىرۋ كوزدەلىپ وتىر. مىسالى، داندىك جۇگەرىدەن ورتاشا ونىمدىلىك گەكتارىنا 48،5 تسەنتنەر بولسا، جاڭا تەحنولوگيا ارقىلى 115-130 تسەنتنەر، جوڭىشقادان ورتاشا ونىمدىلىك 130 تسەنتنەر بولسا، تەحنولوگيا ارقىلى 250-300 تسەنتنەر ءونىم الۋ مۇمكىن بولادى.

كەشەندى جوسپاردا اعىن سۋ ماسەلەلەرىن شەشۋ جولدارى دا تولىق قامتىلعان. بۇل ماقساتتا جالپى قۇنى 29،3 ملرد تەڭگە بولاتىن سەرپىندى 4 جوبا جۇزەگە اسىرىلا باستادى. جوبالاردى جۇزەگە اسىرۋ ءۇشىن رەسپۋبليكالىق بيۋدجەتتەن 24،7 ملرد تەڭگە، جەرگىلىكتى بيۋدجەتتەن 4،6 ملرد تەڭگە قاراستىرىلعان. وبلىستىق اۋىل شارۋاشىلىعى باسقارماسىنىڭ مالىمەتىنە سۇيەنسەك، قازىرگى تاڭ­دا اتالعان جوبالار بويىنشا جەرگىلىكتى بيۋدجەتتەن ءتيىستى قۇجاتتاردى ازىرلەۋگە 652 ملن تەڭگە بولىنگەن. وسىلايشا تۇر­كىستان ماگيسترالدى كانالىن بە­­تونمەن قاپتاۋ جۇمىستارىن جۇرگىزۋ ارقىلى قوسىمشا 60 ملن تەكشە مەتر اعىن سۋدى ۇنەمدەۋ، ارىس-تۇركىستان ماسسيۆىندە جارامسىز بولىپ قالعان 134 دانا تىك ۇڭعىمالاردى قايتا قالپىنا كەلتىرە وتىرىپ 34،7 ملن تەكشە مەتر قوسىمشا اعىن سۋمەن قامتاماسىز ەتۋ مۇمكىن بولماق. سونىمەن قاتار سىيىمدىلىعى 10 ملن تەكشە مەتر بولاتىن «كەڭساي-قوسقورعان-2» سۋ قوي­ماسىن سالۋ جانە «سىرداريا وزەنىنەن تۇركىستان ماگيسترالدى كانالىنا ماشينالىق ادىسپەن سۋ بەرۋ» جوباسى ارقىلى قوسىمشا 80 ملن تەكشە مەتر اعىن سۋ جەت­كىزۋ كوزدەلىپ وتىر. بۇل جوبالاردى ىسكە اسىرۋ ناتيجەسىندە شارۋالارعا جەتكىزىلەتىن اعىن سۋ كولەمى 196 ملن تەكشە مەترگە ۇلعايىپ، جاڭادان 15 مىڭ گەكتار سۋارمالى جەر اينالىمعا قو­­سىلادى. جانە 34 مىڭ گەكتار سۋار­مالى جەردى سۋمەن قامتاماسىز ەتۋ دەڭگەيى جاقسارادى. ال «تۇر­كىس­­تان قالاسىنىڭ شوشقاكول كولدىك جۇيەسىن جاڭعىرتۋ» جانە «شاعا» اۋىلدىق وكرۋگىندەگى ­
5 كانالدىڭ كۇردەلى جوندەۋ» جوبالارىن جۇزەگە اسىرۋ ارقىلى شاعا اۋىلدىق وكرۋگىنە قاراستى 4 802 گەكتار جەردىڭ سۋمەن قام­تاماسىز ەتىلۋىن جاقسارتا ءتۇ­سۋ جوسپارلانعان. تۇركىستان قالا­سىندا اگروايماقتى تولىقتاي سۋ­­مەن قامتاماسىز ەتۋگە ۇكىمەت قاۋ­­لىسىمەن رەسپۋبليكالىق مەن­شىك­تەن وبلىستىق مەنشىككە وتكەن 6 سۋ نىسانى دا ءوز سەپتىگىن تيگىزەرى انىق. بۇل سۋ نىساندارىن ءتيىمدى پايدالانۋ ورداباسى، وتىرار، بايدىبەك اۋداندارى جانە ارىس، كەنتاۋ قالاسى وڭىرلەرىنىڭ 78،8 مىڭ گەكتار سۋارمالى جەرلەرىن اعىن سۋمەن تۇراقتى تۇردە ۋاقتىلى قامتاماسىز ەتۋگە مۇمكىندىك بە­رەدى.

جالپى، جوعارىدا اتالعان ىرگەلى جوبالار ارقىلى تۇركىستان قالاسى اۋماعىندا ازىق-ت ۇلىك بەلدەۋىن قالىپتاستىرۋدان بولەك، جاسىل بەلدەۋ جۇيەسىن قۇرىپ، كليماتىن جاقسارتۋ، وبلىس ورتالىعى تۇرعىندارىنىڭ ءومىر ءسۇرۋ دەڭ­گەيىن كوتەرۋ كوزدەلىپ وتىر.

 تۇركىستان وبلىسى

سوڭعى جاڭالىقتار

دوللار ارزاندادى

قارجى • بۇگىن، 15:58

ۇقساس جاڭالىقتار