قازاقستان • 03 قازان، 2019

پرەمەر-مينيستر جۇمىس ساپارىمەن شىمكەنت جانە تۇركىستان قالالارىندا بولدى

25 رەت كورسەتىلدى

پرەمەر-مينيستر اسقار مامين تۇڭعىش پرەزيدەنت – ەلباسى نۇرسۇلتان نازارباەۆتىڭ جانە مەملەكەت باسشىسى قاسىم-جومارت توقاەۆتىڭ شىمكەنت قالاسىن جانە تۇركىستان قالاسىن دامىتۋ جونىندەگى تاپسىرمالارىن ورىنداۋ بويىنشا وڭىرگە جۇمىس ساپارىمەن كەلدى.

شىمكەنت قالاسىندا اسقار مامين «بادام» تۇرعىن ءۇي الابىنىڭ ينجەنەرلىك ينفراقۇرىلىم جاعدايىمەن تانىستى. ۇكىمەت باسشىسىنىڭ مۇندا كەلۋىنىڭ وزىندىك سەبەبى دە بار.  تۇرعىن ءۇي الابىنداعى ماسەلەگە، ياعني ونىڭ ەلەكترمەن جابدىقتاۋ پروبلەماسىنا وراي مەكتەپ مۇعالىمى گۇلناز ءابدىروۆا Nur Otan پارتياسىنا جۇگىنگەن بولاتىن. ماسەلەنى Nur Otan پارتياسىنىڭ قوعامدىق قابىلداۋىندا ازاماتتاردى جەكە قابىلداۋ بارىسىندا جەتكىزگەن. ۇكىمەت باسشىسى گ.ابدىروۆاعا تۇرعىن ءۇي الا­بىنداعى 195-ورام ۇيلەرىن ەلەكتر­مەن جاب­دىقتاۋ جۇمىستارىن وسى جىلدىڭ جەلتوقسان ايىندا اياقتاۋ قاراستىرىلعانىن، سۋ قۇبىرى جانە گاز جەلىلەرىن سالۋ جوباسى بو­يىنشا جوبا­لىق-سمەتالىق قۇجاتتاما ازىرلەنىپ جاتقانىن ايتتى.

سونداي-اق پرەمەر-مينيستر ارحەو­لو­گيالىق قازبا جۇمىستارى كەزىندە تابىلعان «شىمكەنت قالاشىعىن» رەستاۆراتسيالاۋ جا­نە مۋزەيلەندىرۋ جونىندەگى «تسيتادەل» جوبا­سىنىڭ الاڭىنا باردى. جوبانىڭ تاريحي قۇندىلىعى بار جانە ول 2020 جىلى «شىمكەنت – تمد-نىڭ مادەني ەلورداسى» جىلىن اتاپ ءوتۋ اياسىندا تارتىمدى تۋريستىك نىسان بولۋعا لايىقتى.  ۇكىمەت باسشىسى جۇمىس ساپارى بارىسىندا قازاقستان نارىعىمەن قاتار، وزبەكستان، قىرعىزستان جانە تاجىكستان نارىقتارىنا ونىمدەرىن جەتكىزەتىن «زەردە-كەراميكا» كەراموگرانيت ءوندىرۋ زاۋىتىنا باردى. ءوڭىردىڭ توقىما سالاسىن جانداندىرۋ جوسپارلارىمەن تانىستى. بيىلعى 8 ايدا شىمكەنت قالاسىندا ونەركاسىپتىك ءونىم ءوندىرىسىنىڭ كولەمى 359،6 ملرد تەڭگە بولعان. وڭدەۋ ونەركاسىبى ءوندىرىسى 17،8%-عا، ونىڭ ىشىندە حيميا ونىمدەرى ءوندىرىسى 21%-عا، مەتاللۋرگيا – 25،9%-عا، مۇناي ونىمدەرى ءوندىرىسى 31،5%-عا ءوستى. شىمكەنت قالاسىندا جۇمىس ىستەپ تۇرعان شاعىن جانە ورتا كاسىپكەرلىك سۋبەكتىلەرىنىڭ سانى 67،2 مىڭ بىرلىككە جەتتى نەمەسە 2018 جىلدىڭ سايكەس كەزەڭىمەن سالىستىرعاندا 114،5%-دى قۇرايدى.

ۇكىمەت باسشىسىنا وتكىزۋ قابىلەتى ساعاتىنا 400 جولاۋشىنى قۇرايتىن شىمكەنت قالاسى اۋەجايى جاڭا تەرمينالىنىڭ جوباسى تانىستىرىلدى. جاڭا نىساندى 2020 جىلعى قازان ايىنا دەيىن اياقتاۋ كوزدەلگەن. سونداي-اق پرەمەر-مينيسترگە تۇركىستان قالاسىن جاڭعىرتۋدىڭ 1-كەزەڭى اياسىنداعى جۇمىستار بارىسى باياندالدى. ا.مامين اكىمشىلىك، الەۋمەتتىك جانە تاريحي-مادەني ماڭىزى بار نىسانداردىڭ، اكىمدىك، باسقارمالار جانە دەپارتامەنتتەر عيماراتتارىنىڭ، مەديا ورتالىقتىڭ، «نۇر-سۇلتان» الاڭىنىڭ، وليمپيادا رەزەرۆى سپورت مەكتەبىنىڭ، حالىققا قىزمەت كورسەتۋ ورتالىعىنىڭ، مۋزىكا مەكتەبىنىڭ، اتتراكتسيوندارى بار قالا ساياباعىنىڭ، نەكە قيۋ سارايىنىڭ، ۆيزيت-ورتالىقتىڭ، شىعىس مونشاسىنىڭ، امفي­تەاتر مەن قالالىق ارباتتىڭ قۇرىلىسى بارىسىن تەكسەردى. قازىرگى تاڭدا كونە شاھار­داعى قۇرىلىس جۇمىستارى 16 سەكتورعا ءبولىنىپ، ولارعا وبلىستىڭ باسقارمالارى مەن اۋدان-قالالارى، قالالىق اكىمدىكتىڭ بولىمدەرى جاۋاپتى بولىپ بەكىتىلگەن. بارلىق اۋماقتا جۇمىس تىنىمسىز جۇرگىزىلۋدە. الداعى ۋاقىتتا تۇركىس­تاندا ۇلگىلى كوشە، اۋلالار انىقتالىپ، ۇزدىكتەرگە قوشەمەت كورسەتىلمەك.

جۇمىس ساپارىندا پرەمەر-مينيستر ا.مامين تۇركىستان وبلىسىنىڭ اكىمى ءو.شوكەەۆ­پەن جانە ەكولوگيا، گەولوگيا جانە تابيعي رە­سۋرستار ءمينيسترى م.مىرزاعاليەۆپەن بىرگە ن.وڭ­داسىنوۆ اتىنداعى اللەياعا اعاش ەگىپ، كوشەت وتىرعىزۋ بويىنشا رەسپۋبليكالىق اكتسيانى باستادى.

 تۇركىستان وبلىسى

سوڭعى جاڭالىقتار

11 تامىزعا ارنالعان ۆاليۋتا باعامى

ەكونوميكا • بۇگىن، 09:40

ۇقساس جاڭالىقتار