قوعام • 02 قازان، 2019

تۇركىستان: پرەزيدەنت جارلىعىمەن ءورت سوندىرۋشىلەر مەن پوليتسەيلەر ماراپاتتالدى

100 رەت كورسەتىلدى

پرەزيدەنت قاسىم-جومارت توقاەۆتىڭ جارلىعىمەن توتەنشە جاعداي بولعان ساتتە شاراسىز قالعان ادامداردى امان الىپ قالعان قىزمەتكەرلەر مەملەكەتتىك ناگادالارمەن ماراپاتتالدى.

تۇركىستانعا ارنايى ىسساپارمەن كەلگەن ىشكى ىستەر ءمينيسترى پوليتسيا گەنەرال-لەيتەنانتى ەرلان تۇرعىمباەۆ تۇركىستان وبلىسى تجد قىزمەتكەرلەرى، ءورت ءسوندىرۋشى باقداۋلەت الىمقۇلوۆ، قۇرالبەك جۇماباەۆ، رۇستەم سايداحمەتوۆ، باعلان ۋبايديللاەۆ پەن  پوليتسيا مايورى قانات راقىشەۆكە «ەرلىگى ءۇشىن» مەدالىن تابىس ەتتى. سونىمەن قاتار پوليتسيا پودپولكوۆنيگى ەرمەك وسەرباەۆ پەن پوليتسيا لەيتەنانتى قايرات الەكەشەۆ ىشكى ىستەر ءمينيسترىنىڭ بۇيرىعىمەن «ورتتە كورسەتكەن قايسارلىعى ءۇشىن» مەدالىمەن ماراپاتتالدى. وزدەرىنىڭ قىزمەتتىك مىندەتتەرىن ءمىنسىز ورىنداعان قىزمەتكەرلەردى قۇتتىقتاعان مينيستر ە.تۇرعىمباەۆ ىشكى ىستەر ورگانى قاتارىندا ەرلىك كورسەتىپ، انتىنا ادال بولىپ كەلە جاتقان قىزمەتكەرلەر باردا حالىقتىڭ ۇيقىسى تىنىش جانە قاۋىپسىز بولاتىندىعىنا سەنىمى مول ەكەندىگىن ايتتى.

سونداي-اق مينيستر تۇركىستان وبلىسى تجد قىزمەتكەرى ازاماتتىق قورعاۋ پودپولكوۆنيگى باقىتجان ابدۋعاپپاروۆتىڭ ۇيىنە بارىپ، وعان 2-ءشى دارەجەلى «ايبىن» وردەنىن تابىس ەتتى. ءورتتى اۋىزدىقتاۋ كەزىندە اۋىر جاراقات الىپ، ۇيىندە ەمدەلىپ جاتقان پودپولكوۆنيك ب. ابدۋعاپپاروۆقا جانە ونىڭ وتباسىنا ءورت ءسوندىرۋ جانە ادامداردى قۇتقارۋ كەزىندە كورسەتكەن باتىلدىعى، باتىرلىعى مەن جانقيارلىعى ءۇشىن العىسىن ايتقان مينيستر ساۋىعىپ كەتۋىنە تىلەكتەستىگىن ءبىلدىردى.

ەسكە سالا كەتەيىك، 10 قىركۇيەكتە تۇركىستان قالاسىنداعى «رويال گراند» قوناقۇيى وتقا ورانعان بولاتىن. وقيعا ورنىنا كەلگەن وبلىستىڭ تجد قىزمەتكەرلەرى مەن پوليتسەيلەر جاقىن ماڭداعى اۋماقتى قورشاۋعا الىپ، قوناقۇيدىڭ قوناقتارى مەن قىزمەتكەرلەرىن جەدەل ەۆاكۋاتسيالاۋعا كىرىستى. قۇتقارۋ جۇمىستارىن جۇرگىزۋ بارىسىندا 50 ادام قاۋىپسىز جەرگە جەتكىزىلگەن بولاتىن.

مينيستر تۇركىستانعا ءىسساپارىنىڭ سوڭىندا پوليتسيا دەپارتامەنتىنىڭ عيماراتىن ارالاپ، قىزمەتكەرلەرىنىڭ، سونداي-اق قۇقىق قورعاۋ ورگانىنىڭ حالىق الدىنداعى اشىقتىق پەن مولدىرلىگىن كورسەتەتىن جاڭا فورماتتاعى حالىقتىق – كەڭسە جۇمىسىمەن تانىستى.

 

تۇركىستان وبلىسى

سوڭعى جاڭالىقتار

جەتى وڭىردە 2 گرادۋس ۇسىك جۇرەدى

اۋا رايى • بۇگىن، 18:48

دوللار ارزاندادى

ەكونوميكا • بۇگىن، 15:50

ۆاكتسينا سالدىرعاندار سانى ارتتى

كوروناۆيرۋس • بۇگىن، 09:17

ۇقساس جاڭالىقتار