باس اسسامبلەيانىڭ سەسسيالارى دزمۇ-دا جىل سايىن وتەتىن باستى وقيعالاردىڭ ءبىرى, وعان ۇيىمنىڭ 192 قاتىسۋشى-مەملەكەتىنىڭ وكىلدەرى قاتىسادى.
باس اسسامبلەيانىڭ اشىلۋ سالتاناتىندا ادىلەت ءمينيسترى مارات بەكەتاەۆ قازاقستان رەسپۋبليكاسى اتىنان زياتكەرلىك مەنشىك سالاسىنداعى نەگىزگى جەتىستىكتەر تۋرالى بايانداما جاسادى.
قازاقستاندىق دەلەگاتسيا دزمۇ باس ديرەكتورى فرەنسيس گارريمەن, ونىڭ ورىنباسارى سيلۆي فوربەن, ۇزمي-دىڭ وكىلدەرىمەن, سونداي-اق گەرمانيا, سينگاپۋر, فرانتسيا, قحر جانە اقش-تىڭ دەلەگاتسيا باسشىلارىمەن ەكىجاقتى كەزدەسۋلەر وتكىزدى.
كەزدەسۋ بارىسىندا ەلىمىزدىڭ نەگىزگى سەرىكتەستەرىمەن ىنتىماقتاستىقتى ودان ءارى دامىتۋ مەن كەڭەيتۋ جانە زياتكەرلىك مەنشىك سالاسىندا ونىڭ باستامالارىن ىلگەرىلەتۋ ماسەلەلەرى تالقىلاندى.
سونىمەن قاتار ادىلەت مينيسترلىگى مەن دزمۇ مەدياتسيا جانە تورەلىك ورتالىعى اراسىندا ءوزارا تۇسىنىستىك تۋرالى مەموراندۋمعا قول قويىلدى. بۇل قۇجات زياتكەرلىك مەنشىك سالاسىنداعى داۋلاردى شەشۋدىڭ بالامالى تاسىلدەرىن دامىتۋعا ىقپال ەتەدى.
ايتا كەتۋ كەرك, سوڭعى جىل ىشىندە وتكىزىلگەن ءىس-شارالار ناتيجەسىندە ادىلەت مينيسترلىگى «ۇلتتىق زياتكەرلىك مەنشىك ينستيتۋتى» رمك مەن ەۋرازيالىق پاتەنتتىك ۆەدومستۆو اراسىندا ەلەكتروندىق قۇجات الماسۋ تۋرالى كەلىسىمگە قول قويعان ەدى.
كەلىسىمنىڭ ماقساتى – ەۋرازيالىق وتىنىمدەردى جىبەرۋدىڭ ەلەكتروندىق فورماتىنا تولىق كوشۋ. بۇل ءوز كەزەگىندە قولدانىستاعى ەۋرازيالىق پاتەنتتەۋ جۇيەسى شەڭبەرىندە تىركەۋ راسىمدەرىن وڭتايلاندىرۋعا كومەكتەسەدى.
دۇنيەجۇزىلىك زياتكەرلىك مەنشىك ۇيىمى (دزمۇ) – بىرىككەن ۇلتتار ۇيىمىنىڭ زياتكەرلىك مەنشىك سالاسىنداعى مامانداندىرىلعان مەكەمەسى.
