ايماقتار • 02 قازان، 2019

جەڭىس قاسىمبەك جەزقازعاننىڭ تىنىس-تىرشىلىگىمەن تانىستى

76 رەتكورسەتىلدى

قاراعاندى وبلىسىنىڭ اكىمى جەڭىس قاسىمبەك جەزقازعان قالاسىنا جۇمىس ساپارىمەن بارىپ، جەرگىلىكتى اكىمدىكتە اكتيۆ جينالىسىن وتكىزدى.

ءوڭىر باسشىسى قالانى  دامىتۋ جانە جەرگىلىكتى حالىقتىڭ ءال-اۋقاتىن جاقسارتۋ جونىندەگى ناقتى جوسپارلاردى جاريا ەتتى. مىسالى، ول كەلەسى جىلى جەزقازعاننىڭ بيۋدجەتىن 5 ملرد تەڭگەگە ارتتىرۋدىڭ جوسپارلانعانىن حابارلادى.

سونىمەن قاتار وبلىس اكىمى مىسشىلار قالاسىندا حالىق سانىنىڭ  ارتىپ كەلە جاتقانىن اتاپ ءوتتى.

– ماعان جەتكەن مالىمەتكە ساي، سوڭعى جىلدارى قالا تۇرعىندارىنىڭ سانى ارتا تۇسكەن. بۇل جاعىمدى جاڭالىق. سوندىقتان كەلەسى جىلدان باستاپ جەزقازعاندا تۇرعىن ءۇي قۇرىلىسىن ەكى ەسەگە ارتتىرامىز. تەك الەۋمەتتىك ۇيلەر عانا ەمەس، يپوتەكالىق، جالعا بەرىلەتىن جانە كوممەرتسيالىق ۇيلەر دە سالاتىن بولامىز، – دەدى جەڭىس قاسىمبەك.

ەسكە سالساق، 2018 جىلى «نۇرلى جەر» باعدارلاماسى بويىنشا جەزقازعاندا ەكى كوپقاباتتى ءۇي سالىندى. بيىل 18 پاتەرلى تاعى ءبىر جاڭا ءۇي تۇرعىزىلماقشى. ال 2020 جىلى 60 پاتەرلى ءۇي پايدالانۋعا بەرىلەدى. قازىرگى تاڭدا ونىڭ قۇرىلىسى باستالىپ كەتكەن.

جيىندا قالانىڭ كوممۋنالدىق ماسەلەلەرى دە نازاردان تىس قالعان جوق. ماسەلەن، سوڭعى كەزدەرى جەزقازعاندا سۋىق سۋمەن قامتاماسىز ەتۋ ماسەلەسى وتكىر تۇر ەكەن. وسىنداي كەمشىلىكتەردىڭ الدىن الا الماعانى ءۇشىن  جەزقازعان قالاسىنىڭ اكىمى قايرات بەگىموۆكە سوگىس جاريالاندى.    

ءوڭىر باسشىسى قالاداعى سۋمەن قامتاماسىز ەتۋ ماسەلەلەرىمەن اينالىساتىن ءبولىمنىڭ جۇمىسىن سىنعا الدى. سونداي-اق ول «قازاقمىس» كومپانياسىنىڭ باسشىلىعىنا وسى ماسەلەگە نازار اۋدارۋلارىن سۇرادى. «قالانى سۋمەن جابدىقتاۋ مەكەمەلەرىنىڭ باسشى قىزمەتكەرلەرىنىڭ لاۋازىمدارىنا قانشالىقتى ساي كەلەتىنىن قاراستىرۋ كەرەك»، دەپ مالىمدەدى وبلىس اكىمى.

1

جەڭىس قاسىمبەك جەزقازعاندا بولعان ساپارىندا قالانىڭ جىلۋ بەرۋ ماۋسىمىنا دەگەن ازىرلىگىنە ەرەكشە نازار اۋداردى. جەرگىلىكتى جىلۋ ەلەكتر ورتالىعىندا بولىپ، ونىڭ جۇمىسىمەن تانىسقان كەزدە قالا اكىمى قايرات بەگىموۆ وبلىس باسشىسىنا كەلەسى اپتادا جەزقازعاندىقتاردىڭ ۇيلەرىنە جىلۋ بەرىلە باستايتىنىن جەتكىزدى.

– قالاداعى ءۇش جىلۋ تراسساسى جۋىلدى، قىسىممەن تەكسەرىلدى جانە ولار ىسكە قوسۋعا ءازىر. قازاننىڭ 8-ءى كۇنى جىلۋ بەرۋدى جوسپارلاپ وتىرمىز. سونىمەن قاتار، ءبىز جىلۋ قۇبىرلارىن اۋىستىرامىز، اتالعان جۇمىستار 2020 جىلى اياقتالادى. بۇل تۇرعىن ۇيلەردى ساپالى جىلۋمەن قامتاماسىز ەتۋگە مۇمكىندىك بەرەدى، – دەپ باياندادى قالا باسشىسى.

ساپار بارىسىندا «جەزقازعان-قىزىلوردا» تاس جولىنىڭ ماسەلەسى دە كوتەرىلدى. وبلىس اكىمى بۇل ماڭىزدى جولدى جوندەۋگە ارنالعان جوبالىق-سمەتالىق قۇجاتتامانى ازىرلەۋ كەلەسى جىلدىڭ مامىر ايىندا اياقتالاتىنىن جەتكىزدى. ياعني، سول جىلدان باستاپ قۇرىلىس جۇمىستارىن جۇرگىزۋ قولعا الىنادى. سونداي-اق، «قاراعاندى-جەزقاعان» جولىنا دا كۇردەلى جوندەۋ جۇمىستارىن جۇرگىزۋ 2021 جىلعا جوسپارلانعانىن ءمالىم ەتتى وبلىس باسشىسى.

جەزقازعان تۇرعىندارى تاراپىنان تۇسكەن ءوتىنىشتىڭ ءبىرى «جەزقازعان-الماتى» اۆيارەيسىن ىسكە قوسۋ بولاتىن. ءوڭىر باسشىسى ءتيىستى مينيسترلىكپەن اراداعى بارلىق قۇجاتتار رەتتەلگەننەن كەيىن اتالعان اۋە رەيسىن اشۋ كەلەسى جىلعا جوسپارلاناتىنىن ايتتى.

اكتيۆ جيىنىنىڭ قورىتىندى كەزەڭىندە جەڭىس قاسىمبەك جەرگىلىك اقساقالدار مەن قالا تۇرعىندارىنىڭ ءوتىنىش-تىلەكتەرىنىڭ بىرتىندەپ شەشىلىپ جاتقانىن ايتا كەلىپ، دەگەنمەن بۇل ماسەلەلەردىڭ ۋاقىت پەن قاراجاتتى قاجەت ەتەتىنىن دە ەسكە سالدى.

– ءبىز بۇل ماسەلەلەردى شەشۋ ءۇشىن جۇمىس ىستەيتىن بولامىز، – دەپ قورىتتى ءسوزىن وبلىس اكىمى.

جەزقازعان وڭىرىنە جۇمىس ساپارى بارىسىندا جەڭىس قاسىمبەك جەرگىلىكتى مىس بالقىتۋ زاۋىتىنا ات شالدىرىپ، كاسىپورىننىڭ تىنىس-تىرشىلىگىمەن تانىستى.

 

 

قاراعاندى وبلىسى

 

سوڭعى جاڭالىقتار

ەگەمەندىكتەر ەلگە شىقتى

قازاقستان • بۇگىن، 11:19

ەلوردا ورتالىعىندا اۆتوكولىك ورتەندى

قازاقستان • 15 قاراشا، 2019

ءباسپاسوز ءرولى – باستى ماسەلە

ادەبيەت • 15 قاراشا، 2019

قازاقستانعا شەتەلدىك بانكتەر كەلەدى

ەكونوميكا • 15 قاراشا، 2019

قوستاناي فيلارمونياسىنا 75 جىل تولدى

رۋحانيات • 15 قاراشا، 2019

ۇقساس جاڭالىقتار