اتالعان ءىس-شاراعا دەپارتامەنت باسشىسىنىڭ ورىنباسارى ك.قابىلبەكوۆ, قالالىق ءبىلىم باسقارماسى وكىلدەرى, «شىمكەنت-ادالدىق الاڭى» جوبالىق كەڭسەسىنىڭ باسشىسى ە.تولەباەۆ, «سانالى ۇرپاق» جانە «ادال ۇرپاق» ەرىكتى مەكتەپ كلۋبتارىنىڭ مۇشەلەرى, جاس ونەرپازدار - جالپى سانى 1200 ادام قاتىستى.
شارا بارىسىندا «ادال ۇرپاق» اسسوتسياتسياسىنا قابىلداۋ سالتاناتتى جيىنى ءوتىپ, كلۋب مۇشەلىگىنە 750 وقۋشى قابىلداندى.
«دوستىق» مۋزەيىندە «ماڭگىلىك ەلدىڭ - ادال ۇرپاقتارى» اتتى اسسوتسياتسيا بەلسەندىلەرىنىڭ كەزەكتى وتىرىسى ۇيىمداستىرىلدى. فويەدە وقۋشىلار سارايى ۇيىرمەشىلەرىنىڭ «ەلىممەن بىرگە جارقىن بولاشاققا» بالالار شىعارماشىلىعى سۋرەت كورمەسى قويىلدى.
«سىبايلاس جەمقورلىقسىز قازاقستان» تاقىرىبىندا «ادال ۇرپاق» ەرىكتى مەكتەپ كلۋبى مەن قالالىق اسسوتسياتسيا مۇشەلەرىنىڭ اتقارعان جۇمىسى بويىنشا ەسەبى تىڭدالىپ, «ادالدىق بىزگە امانات» ساحنالاندىرىلعان قويىلىمى كورسەتىلدى.
شىمكەنت كولىك, كوممۋنيكاتسيا جانە جاڭا تەحنولوگيالار كوللەدجى «سانالى ۇرپاق» فرونت-ءوفيسىنىڭ جۇمىسى بويىنشا پ.ر.ابدرازاقوۆا بايانداما جاساپ, ستۋدەنتتەردىڭ «سىبايلاس جەمقورلىقسىز قازاقستان» فلەش-كومپوزيتسياسى تاماشالاندى. سلەتقا قاتىسۋشىلار اتىنان بارشا رەسپۋبليكا جۇرتشىلىعىنا جانە «ادال ۇرپاق» ەرىكتى مەكتەپ كلۋبى مۇشەلەرىنە ۇندەۋ جاريالاندى. شارا سوڭىندا «ادال ۇرپاق» ءانى ورىندالدى.
ايتا كەتەيىك, «ادال ۇرپاق» مەكتەپ كلۋبى شىمكەنت قالاسىنىڭ بارلىق مەكتەپتەرىندە اشىلىپ, بۇگىنگى تاڭدا 75 مىڭنان استام مۇشەسى بار.
