تسيفرلىق دامۋ, يننوۆاتسيالار جانە اەروعارىش ونەركاسىبى ءمينيسترى ا. جۇماعاليەۆ جانە «قازاقتەلەكوم» اق باسقارما توراعاسى ق. ەسەكەەۆ اتقارىلىپ جاتقان جۇمىستار بارىسى تۋرالى باياندادى.
ەلباسىنىڭ Nur Otan پارتياسىنىڭ XVIII سەزىندە بەرگەن جانە مەملەكەت باسشىسىنىڭ بيىلعى 2 قىركۇيەكتە قازاقستان حالقىنا ارناعان جولداۋىندا بەرگەن تاپسىرمالارىنا سايكەس, «اۋىل – ەل بەسىگى» جوباسى اياسىندا اۋىلدىق اۋماقتاردىڭ الەۋمەتتىك جانە ينجەنەرلىك ينفراقۇرىلىمىن جاڭعىرتۋ جۇمىستارى جۇرگىزىلىپ جاتىر.
2022 جىلدىڭ سوڭىنا دەيىن اۋىلدىق ەلدى مەكەندەردىڭ 95% قۇرايتىن 5089 اۋىلدا ينتەرنەت قولجەتىمدى بولۋى ءتيىس. بۇل اۋىل تۇرعىندارىنا ەلەكتروندى مەملەكەتتىك قىزمەتتەر مەن سەرۆيستەردى, مەديتسينالىق قىزمەتتەر مەن ءبىلىم الۋدىڭ, ەلەكتروندىق ساۋدانىڭ ارتىقشىلىقتارىن پايدالانۋعا, سونىمەن قاتار جاڭا ءومىر ستاندارتتارىنا جاپپاي كوشۋگە جول اشادى.
تسيفرلىق دامۋ, يننوۆاتسيالار جانە اەروعارىش ونەركاسىبى مينيسترلىگى اۋىلدىق ەلدى مەكەندەردە (اەم) تالشىقتى-وپتيكالىق بايلانىس جەلىلەرىن سالۋ (2020 جىلعا دەيىن قوسا العاندا 1250 اەم), LTE قوسۋ جانە سىمسىز راديوقولجەتىمدىلىك جەلىلەرىن توسەۋدى (6019 اەم) قامتاماسىز ەتۋ بويىنشا جۇمىستاردى جۇرگىزۋدە. سونىمەن قاتار, 5G بايلانىسىنىڭ جاڭا بۋىنى كەڭ جولاقتى سىمسىز قوسىلۋدى قامتاماسىز ەتۋ, زاتتار ينتەرنەتى جانە جوعارى جىلدامدىقتى تەحنولوگيالاردى ۇيىمداستىرۋ ءۇشىن قاتار دامۋدا. قازىرگى ۋاقىتتا 5G تەستىلىك سىناقتارى نۇر-سۇلتان جانە الماتى قالالارىندا جۇرگىزىلىپ جاتىر, ولاردى وسى جىلدىڭ قازان ايىندا شىمكەنت قالاسىندا وتكىزۋ جوسپارلانعان.
ۇكىمەت باسشىسى تسيفرلىق دامۋ, يننوۆاتسيالار جانە اەروعارىش ونەركاسىبى مينيسترلىگىنە بايلانىس وپەراتورلارىمەن بىرلەسە وتىرىپ, وڭىرلەردە تالشىقتى-وپتيكالىق بايلانىس جەلىلەرىن سالۋ جۇمىستارىن جەدەلدەتۋدى جانە اۋىلدىق ەلدى مەكەندەردى جوعارى جىلدامدىقتى ينتەرنەتكە قوسۋدى جىلدامداتۋدى تاپسىردى.
«ەلباسى مەن مەملەكەت باسشىسىنىڭ اۋىلدىق جەرلەردە جوعارى جىلدامدىقتى ينتەرنەتتى قوسۋ جونىندەگى تاپسىرمالارىنىڭ ءسوزسىز ورىندالۋىن قامتاماسىز ەتۋ قاجەت. بۇل جۇمىس بەلگىلەنگەن مەرزىمدە – 2022 جىلعا قاراي اياقتالۋى ءتيىس», — دەدى ا. مامين.
پرەمەر-مينيستر 5G-ءدى پايدالانۋدىڭ باسىمدىعىن دۇرىس انىقتاپ الۋ قاجەت ەكەنىن اتاپ ءوتتى, ول ءۇشىن 2020 جىلى 5G-ءدى وڭىرلەردە, سونىڭ ىشىندە, الدىمەن نۇر-سۇلتان قالاسىندا ءتيىمدى پايدالانۋ جونىندە ءتيىستى جوبالار ازىرلەنۋى كەرەك.
سونىمەن قاتار, ا. مامين تسيفرلىق دامۋ, يننوۆاتسيالار جانە اەروعارىش ونەركاسىبى مينيسترلىگىنىڭ نازارىن بايلانىس جانە ينتەرنەت ساپاسىنا, اسىرەسە, الەۋمەتتىك نىساندارداعى ساپاسىنىڭ جاقسى بولۋىنا اۋداردى.
«مەكتەپتەر مەن اۋرۋحانالاردا جوعارى جىلدامدىقتى ساپالى ينتەرنەت بولۋى كەرەك – بۇل ەلەكتروندى وقۋلىقتار مەن وقۋ باعدارلامالارىن, تەلەمەديتسينا مەن اقپاراتتىق جۇيەلەردى پايدالانۋ ءۇشىن قاجەت», — دەپ اتاپ ءوتتى پرەمەر-مينيستر.
