جۇمىسشى توپ تۇركىستان وبلىسىنىڭ اكىمى ومىرزاق شوكەەۆپەن بىرگە الدىمەن قايىرىمدىلىق قوردىڭ قاراجاتىنا سالىنعان تۇرمىسى تومەن وتباسىلارعا ارنالعان 50 ۇيدەن تۇراتىن جاڭا شاعىن اۋداننىڭ قۇرىلىس بارىسىمەن تانىستى. جاڭا ۇيلەر اياقتالۋ ساتىسىندا تۇر, ىشكى ارلەۋ جۇمىستارى جانە ءۇي جابدىقتارىن ورناتۋ جۇمىستارى جۇرگىزىلۋدە. جاڭا قۇرىلىس الاڭىندا قاجەتتى ينفراقۇرىلىمنىڭ قۇرىلىسى قاتار جۇرگىزىلىپ, الداعى ۋاقىتتا مۇندا مەكتەپ, بالاباقشا عيماراتتارىن تۇرعىزۋ كوزدەلگەن.
كەلەسى كەزەكتە ۇكىمەت باسشىسىنىڭ ورىنباسارى نۇر-سۇلتان قالاسىنا بەكىتىلگەن 9-سەكتوردىڭ قۇرىلىس الاڭىن ارالاپ شىعىپ, قايتا سالىنعان جەكە ۇيلەرگە كىرىپ, ولاردىڭ ەگەلەرىمەن اڭگىمەلەستى. مۇندا باسىم بولىگى جەر ۇيلەر مەن 50-دەن استام كوپقاباتتى تۇرعىن ۇيلەردەن تۇراتىن 700-گە جۋىق نىسان بوي كوتەرگەن.
قۇرىلىسشىلارمەن كەزدەسكەن رومان سكليار نۇر-سۇلتان قالاسىنا بەكىتىلگەن قۇرىلىس قارقىنىن جىلدامداتۋدى, بەكىتىلگەن كەستەدەن كەشىكپەي, قۇجاتتاندىرۋ جۇمىستارىن شۇعىل ارادا تولىقتاي وتكىزۋدى تاپسىردى. جۇمىسشى توپ ارىس قالاسىندا جينالىس وتكىزىپ, قۇرىلىس بارىسى مەن ناقتى اتقارىلعان جۇمىس ناتيجەلەرىن تالقىلادى. ارىستا بارلىعى 68 الەۋمەتتىك نىسان ورنالاسقان ء(بىلىم بەرۋ, دەنساۋلىق ساقتاۋ جانە سپورت مەكەمەلەرى), ولاردىڭ 64-ءى – كۇردەلى جوندەۋدى جانە 4-ەۋى – تولىقتاي قالپىنا كەلتىرۋدى تالاپ ەتتى.
سونداي-اق قر ۇكىمەت باسشىسىنىڭ ورىنباسارى تۇركىستان قالاسىنداعى قازانى قايناعان قۇرىلىس جۇمىستارىنىڭ بارىسىمەن تانىسىپ, اكىمدىك, مەديا ورتالىق, «نۇر-سۇلتان» الاڭىن, تۇڭعىش پرەزيدەنت ساياباعى, حالىققا قىزمەت كورسەتۋ ورتالىعىنىڭ عيماراتىن, مۋزىكا مەكتەبىن, سونىمەن قاتار اتتراكتسيوندارى بار قالالىق ساياباقتىڭ قۇرىلىس جۇمىستارىن ارالاپ كوردى. جۇمىس ساپارى بارىسىندا قر پرەمەر-ءمينيسترىنىڭ ورىنباسارى رومان سكليارعا تۇركىستان قالاسىن سالۋدىڭ باس جوسپارى كورسەتىلىپ, جاڭادان بوي كوتەرەتىن مادەني-رۋحاني ورتالىقتىڭ جوباسى تانىستىرىلدى. بىرەگەي جوباعا اقش-تىڭ SOM (Skidmore, Owings and Merrill) ارحيتەكتۋرالىق بيۋروسى جۇمىلدىرىلعان. الەمدىك دەڭگەيدەگى ساۋلەتتىك بيۋرو دۇنيەجۇزىندەگى ەڭ بيىك, قايتالانباس عيماراتتاردىڭ جوبالارىن جاساعان.
