ناۋرىز جىرى
سەنبى, 23 ناۋرىز 2013 1:18
كوتەرىپ مونشاق اڭعاردا,
كوگىلجىم تارتىپ تاۋلاردا,
شالقىتىپ ساعىم باۋلاردا,
ناۋرىزىم كەلدى بار ماڭعا,
ناۋرىزىم كەلدى بار جانعا.
سەنبى, 23 ناۋرىز 2013 1:18
كوتەرىپ مونشاق اڭعاردا,
كوگىلجىم تارتىپ تاۋلاردا,
شالقىتىپ ساعىم باۋلاردا,
ناۋرىزىم كەلدى بار ماڭعا,
ناۋرىزىم كەلدى بار جانعا.
عاجايىپ ساتتەر تاياندى,
تابيعات سەرگىپ وياندى.
كوزىمە كەستە تارتىلىپ,
كوكىرەك نۇرعا بوياندى,
دۇرىلدەپ دۇنيە وياندى.
اڭسارىم, اسىل ناۋرىزىم,
جاعاعا بىتكەن جالبىزىم.
كوز جازىپ قالىپ سان جىلدار,
كوزايىم بولعان جالعىزىم –
ارمىسىڭ, ارداق ناۋرىزىم.
قىدىر ناۋرىزعا ەرەيىك,
ناۋرىزەك قۇسىن كورەيىك.
بايشەشەك گ ۇلىن تەرەيىك.
ۇلىستىڭ كۇنىن ايمالاپ,
التىن كۇرەك جەلىن وبەيىك.
ناۋرىز كوجەدە بال ۇيىپ,
اق ۋىزعا اردا جاريىق.
سەمسەردى سەرتپەن جانيىق.
ناۋرىزدىڭ نۇرلى ناقىشى,
كاۋسار تازالىق دەپ تانيىق.
قازاققا بىتكەن جەرۇيىق,
حالقىما قۇتتى بول ۇيىق.
ادالعا ساقتاپ قوريىق.
ناۋرىزدىڭ قىدىر باتاسىن,
جاقسىلىققا عانا جوريىق.
كوگىلجىم نۇرلار قالقىعان,
بۋسانىپ دۇنيە بالقىعان,
تىرشىلىك تولعاۋ تولقىعان,
تاسقىندا بۇگىن تولاسسىز,
ناۋرىزدىڭ كۇيى شالقىعان.
ۇلىسىم بولعاي باقتىلى,
ىرىزدىق تۇنعاي اقتىلى.
پاتشامىز تۇرعاي تاقتىلى.
شاپاعات ناۋرىز شالقىتقان,
الاشتىڭ اسقاي شاتتىعى!
قورعانبەك امانجول.
الماتى.
