رۋحانيات • 16 قىركۇيەك، 2019

باقۇل بول، باۋىرىم!

1114 رەتكورسەتىلدى

سەنىم ارتار سەرىگىم بولىپ، ارقا تۇتار ارىسىما اينالعان ارداقتى ءىنىم، ءادىل سەنەن دە ايىرىلىپ قالعانىمىز با؟! مىناۋ اياۋسىز تاعدىر، تويىمسىز اجال­عا ەش شارا جوق شىعار، ءسىرا. «مۇشەل – قاتەر» دەگەن قازاقى بولجامدا دا ءبىر زاڭدىلىق بار ما، قالاي؟ 73 مۇشەلىڭنەن ءوزىڭ امان وتكەنىڭمەن، وتباسىڭدى ويسىراتىپ كەتىپ ەدى. جانىڭنان ارتىق كورەتىن جالعىز ۇلىڭ ايدار ويدا-جوقتا كەنەتتەن قاي­تىس بولىپ كەتتى. سونداعى وزە­گىڭ قالاي ورتەنىپ، قابىرعاڭ قا­لاي سوگىلگەنىن سەزەمىز. سودان ۇزاق ۋاقىت توسەككە تاڭىلىپ، باس كوتەرە ال­ماي جاتتىڭ.

ارينە وكىنتپەيتىن، وپىنت­پايتىن ءولىم ەمەس ەدى ول. ءبارى­مىز­­دىڭ دە قابىرعامىز قايى­سىپ، قاتتى قايعىردىق. اينا­لا­­يىن ايداردىڭ ءوزى دە ءبىتىمى بو­لەك، تۋمىسى ەرەك بالا ەدى عوي. ەل يەسىنىڭ وققاعارى ءارى دارىگەرى ەكەنىنە قاراماستان، الىپ تۇلعاسىمەن شىرق ءۇيىرى­لىپ كورگەن جەردە قاز موينىن ءيىپ، كىشكەنە كەزىندەگىدەي بەتىن توسىپ تۇرا قالاتىنى كۇنى بۇگىنگە دەيىن كوز الدىمىز­دان كەتپەيدى. باۋىر ەتىڭ – بالاڭ­نىڭ قايعىسىنان اۋىر نە بار بۇل جالعاندا؟ سوندا دا قاي­عىدان قايرات شىڭداپ، قاشان كوزىڭ جۇمىلعانشا قولىڭنان قالام تۇسپەدى عوي، قاجىرلى قالام­گەر، قادىرلى ارىپتەسىم! بۇر­نا­عى جىلى قالامداس، قادامداس دوسىم بەكبولاتتىڭ 80-گە تول­عان مەرەيتويىنا ارناعان ەستەلىك-وچەركىڭدى ەتپەتتەپ جاتىپ توسەكتە جازعانىڭ ەسىمىزدە ەدى. بيىل شاراپاتى كوپ تيگەن شە­راعاڭ جايىنداعى رومان-ەس­سەڭ جارىق كورگەنىن ەستىپ، قۋان­عان­بىز دا.

بارىنەن بۇرىن جۋىق ارادا ءوزىڭ قىرىق جىلعا جۋىق قالت­قىسىز ەڭبەك ەتكەن «ەگە­مەن قازاقستاننان» قازاق جۋر­ناليستيكاسىنىڭ جۋان­تو­­بىق ەڭبەك تورىسى، ۇزاق جىل وسى قارا شاڭىراقتىڭ باس­شى­لىعىندا بولعان كەڭەس ۇسەباەۆ جونىندەگى وچەركىڭ تەرەڭ تەبى­رەنت­تى. وسىنى وقىعاندا سىرقاتىڭنان ايىعىپ، بەتىڭ بەرى قاراعان ەكەن دەپ كوڭىلىمىز ءبىر كوتەرىلىپ قالعان ەدى. ال ومىردەن وزعانىڭ جايىن­دا­عى قايعىلى حاباردى ەستىپ، تاعى دا قۇلازىپ قالدىق. جول الىس، جەر شالعاي، ءجۇرىپ-تۇرۋىم­نىڭ قيىندىعىنا بايلانىستى توپىراق سالا الار ءتۇرىم جوق. كەشىر، ابزال دوس، اسىل ءىنى. ايدارىڭدى اڭساپ، ىزىمەن كەتىپ باراسىڭ عوي. باقۇل بول!

 

سارباس اقتاەۆ

سوڭعى جاڭالىقتار

انا ءتىلى – ارىڭ بۇل...

رۋحانيات • كەشە

اباي مۇراسى ماڭگىلىك

اباي • 22 اقپان، 2020

قىلمىستىق ءىس قوزعالدى

ايماقتار • 22 اقپان، 2020

ماڭعىستاۋدا «ANTIKOR ORTALYGY» اشىلدى

رۋحانيات • 22 اقپان، 2020

تەننيس: ەلەنا رىباكينا فينالدا

تەننيس • 22 اقپان، 2020

باستى اقپارات (21.02.2020)

ۆيدەو • 21 اقپان، 2020

ۇقساس جاڭالىقتار