«مەملەكەت باسشىسى ءوز جولداۋىندا اۆيابيلەتتەردىڭ قىمبات باعاسىن سىنعا الدى. جوعارى قۇننىڭ نەگىزگى ماسەلەسى تاسىمالداۋ سىيىمدىلىعىنىڭ تاپشىلىعى, ياعني قولدا بار سۇرانىستى قاناعاتتاندىرۋ ءۇشىن ۇشاقتاردىڭ قاجەتتى سانىنىڭ جەتىسپەۋشىلىگى جانە اۆيا وتىنىنىڭ جوعارى قۇنى بولىپ وتىر. تاريفتەردىڭ قۇنىن تومەندەتۋ ءۇشىن بيىلعى جىلدىڭ 1 مامىرىندا FlyArystan وتاندىق لوۋكوستەرى ىسكە قوسىلدى. بۇگىنگى كۇنى بيلەت ساتۋ قول جەتىمدىلىگى 2 ايعا جۋىق مەرزىمدى قۇرايدى, 340 مىڭنان استام بيلەت ساتىلدى, ونىڭ جارتىسىنىڭ ەڭ تومەنگى قۇنى 10 مىڭ تەڭگەگە دەيىن بولدى»,- دەدى ايبەك ءالجانوۆ.
ونىڭ ايتۋىنشا, جىل سوڭىنا دەيىن قوسىمشا 2 اۋە كەمەسى كەلەدى, كەلەسى جىلى پارك تاعى 4 اۋە كەمەسىمەن تولىعىپ, 2023 جىلعا قاراي 15 ۇشاقتى قۇرايتىن بولادى.
«بيىلعى جىلدىڭ سوڭىندا FlyArystan ورىندالاتىن رەيستەردىڭ سانىن ەكى ەسە كوبەيتىپ, كۇنىنە 14-تەن 28 جيىلىككە دەيىن ارتتىرۋدى جوسپارلاپ وتىر. وسىلايشا, 10 مىڭ تەڭگەگە دەيىنگى ەڭ تومەنگى باعا بويىنشا قوسىمشا 100 000 بيلەت ساتىلاتىن بولادى. مىسالى, FlyArystan قازان ايىنان باستاپ نۇر-سۇلتان – پاۆلودار باعىتى بويىنشا ۇشۋدى باستايدى, بيلەت قۇنى 6 مىڭ تەڭگەدەن باستالادى»,- دەدى ازاماتتىق اۆياتسيا كوميتەتى توراعاسىنىڭ ورىنباسارى.
بۇدان باسقا, جاعدايدى تۇبەگەيلى وزگەرتۋ ءۇشىن ۇكىمەت «سامۇرىق-قازىنا» ۇلتتىق ءال-اۋقات قورىمەن بىرلەسىپ اۋە كەمەلەرى پاركىن ۇلعايتۋ ماقساتىندا Air Astana جانە QazaqAir اۆياكومپانيالارىن قوسىمشا كاپيتالداندىرۋ جوسپارلانۋدا.
سونداي-اق اۆيا وتىن باعاسىن تومەندەتۋ بويىنشا جۇمىس جالعاستىرىلاتىن بولادى, ويتكەنى وتىنعا جۇمسالاتىن شىعىندار ءتاريفتىڭ وزىندىك قۇنىنىڭ 30%-دان استامىن قۇراپ وتىر. اعىمداعى جىلى قازاقستاندىق ءموز-ءدى جاڭعىرتۋ ناتيجەسىندە اۆياتسيالىق وتىن ءوندىرۋ كولەمى 694 مىڭ تونناعا دەيىن نەمەسە 2018 جىلعى وندىرىسپەن سالىستىرعاندا 1,8 ەسەگە (383 مىڭ تونناعا) ارتتى. اۆياوتىندى ءوندىرۋ كولەمى وتاندىق ءموز ەسەبىنەن ىشكى نارىقتىڭ قاجەتتىلىگىن تولىعىمەن جابۋعا مۇمكىندىك بەرەدى. اۆياوتىن باعاسى سۇرانىس پەن ۇسىنىس نەگىزىندە نارىقپەن رەتتەلەدى. بۇل رەتتە, قازاقستاننىڭ ىشكى نارىعىنداعى اۆيا وتىن باعاسى رەسەيلىك ءوندىرىستىڭ كەروسين باعاسىنا سايكەس كەلەدى جانە نارىقتىق شىنايىلىقتى كورسەتەدى.
