جالپى, ايماقتىق تۇرعىدان العاندا, نۇر-سۇلتان قالاسى مەديتسينالىق ساقتاندىرۋ جارنالارى - اۋدارىمدارى بويىنشا الماتى قالاسىنان (20,7%) كەيىن ەكىنشى ورىندا كەلەدى, ال ءۇشىنشى ورىندا - قاراعاندى وبلىسى (8,2%).
«مەديتسينالىق ساقتاندىرۋ قورىنا جارنا اۋدارۋدا ەلوردالىق جۇمىس بەرۋشىلەر ادەتتەگىدەي بەلسەندى اتسالىسۋدا. ولار تامىز ايىندا 1, 144 ملرد تەڭگەدەن استام جارنا اۋدارعان. مەديتسينالىق ساقتاندىرۋ جارنالارى مەن اۋدارىمدارىنىڭ قوماقتى بولىگى – 1,141 ملرد تەڭگە (99,70%) جۇمىس بەرۋشىلەرگە تيەسىلى, ال 3 ملن تەڭگە (0,30%) – جەكە كاسىپكەرلەر مەن ازاماتتىق-قۇقىقتىق كەلىسىمشارت نەگىزىندە ەڭبەك ەتەتىن ازاماتتاردان تۇسكەن جارنالار», - دەيدى «الەۋمەتتىك مەديتسينالىق ساقتاندىرۋ قورى» كەاق نۇر-سۇلتان قالاسى بويىنشا فيليالىنىڭ ديرەكتورى نۇرلىبەك قابدىقاپاروۆ.
الەۋمەتتىك مەديتسينالىق ساقتاندىرۋ قورىنا تۇكەن بارلىق مىندەتتى الەۋمەتتىك مەديتسينالىق ساقتاندىرۋ جارنالارى, ياعني جيناقتالعان قارجى, ۇلتتىق بانكپەن ارادا جاسالعان سەنىمگەرلىك باسقارۋ تۋرالى كەلىسىمشارتقا سايكەس, ۇلتتىق بانكتە ساقتالادى. 2020 جىلدان باستاپ بۇل قاراجات مىندەتتى الەۋمەتتىك مەديتسينالىق ساقتاندىرۋ پاكەتى شەڭبەرىندەگى قىزمەتتەر اقىسىن تولەۋگە جۇمسالادى.
