بوتەننىڭ مۇلكىن ۇرلاۋ قىلمىستارى 65,0%-عا ازايىپ, اشىلۋى 81%-عا كوتەرىلگەن. ونىڭ ىشىندە اۋدان حالقىنىڭ نەگىزگى كۇنكورىس كوزىنە اينالعان مال شارۋاشىلىعىندا بولاتىن ۇرلىق سانىنىڭ تىركەلۋى 23,9%-عا ازايىپ, اشىلۋى 50%-عا ءوسىپ وتىر. اۋدان بويىنشا جالپى تىركەلگەن قىلمىستار سانى 45,7% پايىزعا كەمىسە, اشىلۋى 87,1% بولعان. ال قاساقانا اۋىر دەنە جاراقاتىن سالۋ قىلمىسىنىڭ اشىلۋى 100%-دى قۇرايدى. بۇل دەرەكتەر سارىاعاش اۋداندىق پوليتسيا باسقارماسىنىڭ باستىعى پوليتسيا پولكوۆنيگى ە.نۇراليەۆتىڭ دەربىسەك اۋىلىندا تۇرعىندار الدىندا ەسەپ بەرۋى كەزىندە ءمالىم ەتىلدى. ەسەپتىك كەزدەسۋگە اۋدان ارداگەرلەرى, جەرگىلىكتى تۇرعىندار مەن تۇركىستان وبلىسى پوليتسيا دەپارتامەنتىنىڭ باستىعى, پوليتسيا گەنەرال-مايورى قايرات دالبەكوۆ, سارىاعاش اۋدانىنىڭ اكىمى مۇحيت وتارشيەۆ جانە كورشى اۋدانداردىڭ پوليتسيا باسقارمالارىنىڭ باسشىلارى قاتىستى. پوليتسيا باسشىلارى اۋدانداعى قىلمىستىڭ تۇراقتىلىعى, ولاردىڭ اشىلۋى مەن الدىن الۋ جۇمىستارى بويىنشا اتقارىلعان ىستەرگە كەڭىرەك توقتالدى.
سونداي-اق, ە.نۇراليەۆ اۋدان پروكۋراتۋراسى مەن اۋدان اكىمشىلىگىنىڭ قىزمەتكەرلەرىمەن بىرلەسىپ, وڭىردەگى بارلىق مالداردى سىرعالاۋ, ەن نەمەسە تاڭبا سالۋ قاتاڭ تۇردە قولعا الىنعاندىعىن جانە بۇل بويىنشا ناقتى جۇمىستاردىڭ باستالىپ كەتكەندىگىن جەتكىزدى.
اۋداندا ورىن العان قىلمىستار بويىنشا پوليتسەيلەر ەسەبى تىڭدالعان سوڭ, جينالعان قاۋىم كوكەيدە جۇرگەن ساۋالدارىنا جاۋاپ الدى, ۇسىنىستارىن ايتتى. ماسەلەن, جەرگىلىكتى تۇرعىن لەسبەك ساقتاعانوۆ ۋچاسكەلىك پوليتسەيلەردىڭ جۇمىسىنا كوڭىلى تولاتىنىن ايتا كەلە, ودان ءارى دە قارىم- قاتىناستى كۇشەيتۋلەرى كەرەكتىگىن جەتكىزدى. تۇرعىنداردىڭ ىشكى ىستەر ورگانى قىزمەتكەرلەرىنە قاتىستى وزەكتى ماسەلەلەرىن, كوكەيدەگى ساۋالدارىن تىڭداعان ءتارتىپ ساقشىلارى, بۇدان ءارى دە جوسپار بويىنشا جۇمىستاردى كۇشەيتە تۇسەتىندىكتەرىن جەتكىزدى.
تۇركىستان وبلىسى
