ديپلوماتيالىق كونفەرەنتسيا ۇكىمەتتىك دەلەگاتسيالاردىڭ جانە قازاقستان, ءازىربايجان, ارمەنيا, بەلارۋس, قىرعىزستان, رەسەي, تاجىكستان, تۇرىكمەنستان پاتەنتتىك ۆەدومستۆولارى باسشىلارىنىڭ, سونداي-اق دۇنيەجۇزىلىك زياتكەرلىك مەنشىك ۇيىمى مەن وننان استام شەتەلدىك پاتەنتتىك ۆەدومستۆو وكىلدەرىنىڭ قاتىسۋىمەن ءوتتى.
اتاپ ايتقاندا, ءىس-شاراعا قر ادىلەت ءمينيسترى مارات بەكەتاەۆ, ەۋرازيالىق پاتەنتتىك ۇيىمىنىڭ ەۋرازيالىق پاتەنتتىك ۆەدومستۆوسىنىڭ (ەاپۆ) پرەزيدەنتى ساۋلە تلەۆلەسوۆا, قازاقستان رەسپۋبليكاسى پارلامەنتى سەناتىنىڭ مۇشەسى قاناتبەك سافينوۆ, دۇنيەجۇزىلىك زياتكەرلىك مەنشىك ۇيىمىنىڭ وتپەلى جانە دامىعان ەكونوميكاسى بار ەلدەر دەپارتامەنتىنىڭ ديرەكتورى ميحال شۆانتنەر, قازاقستان رەسپۋبليكاسى تۇڭعىش پرەزيدەنتى - ەلباسى قورى اتقارۋشى ديرەكتورىنىڭ ورىنباسارى يگور روگوۆ قاتىستى.
ونەركاسىپتىك ۇلگىلەردى قورعاۋ تۋرالى حاتتامانى ەاپۇ-عا قاتىسۋشى مەملەكەتتەرمەن بىرلەسىپ ەۋرازيالىق پاتەنتتىك ۆەدومستۆوسىمەن ازىرلەندى جانە وڭىرلىك دەڭگەيدە ونەركاسىپتىك ۇلگىلەردى قۇقىقتىق قورعاۋدىڭ ەۋرازيالىق جۇيەسىن قۇرۋ ماقساتىن جاسايدى, ول قازاقستان رەسپۋبليكاسىنان تىس جەرلەردە پاتەنتتەر الۋ ءراسىمىن جەڭىلدەتەدى جانە ءوتىنىم بەرۋشىلەر ءۇشىن اكىمشىلىك جانە قارجىلىق جۇكتەمەلەردى ازايتادى. وسىعان ۇقساس جۇيە 1994 جىلدان باستاپ ونەرتابىستارعا قاتىستى ارەكەت ەتەدى.
«ونەركاسىپتىك ۇلگىلەردى قورعاۋ تۋرالى حاتتاماعا قول قويۋ-زياتكەرلىك مەنشىك سالاسىنداعى تاريحي وقيعا جانە ەۋرازيالىق كەڭىستىك ەلدەرىنىڭ ءوزارا ءىس-قيمىلىنىڭ جەمىستى ناتيجەسى بولىپ تابىلادى. بۇل سەگىز قاتىسۋشى مەملەكەت ءۇشىن بىرىڭعاي پاتەنت نەگىزىندە ونەركاسىپتىك ۇلگىلەرگە قاتىستى ايماقتىق قۇقىقتىق قورعاۋ جۇيەسىن قۇرۋعا مۇمكىندىك بەرەدى. وسىلايشا, وسىنداي كەلىسىلگەن قۇقىقتىق جۇيە كەزىندە ونەركاسىپتىك ۇلگىلەردىڭ سانى مەن ساپاسى ءسوزسىز ارتادى», - دەدى قازاقستان رەسپۋبليكاسىنىڭ ادىلەت
ۆيتسە-ءمينيسترى المات ماداليەۆ.
سونىمەن قاتار, ونەرتاپقىشتىق سالاسىنداعى ەۋرازيالىق سىيلىقتىڭ 15-تەن استام لاۋرەاتتارىنا: ادام ءومىرى مەن دەنساۋلىعىن قورعاۋ, وندىرىستىك تەحنولوگيالاردى دامىتۋ جانە جەتىلدىرۋ, عىلىمدى قاجەتسىنەتىن جانە پەرسپەكتيۆالى تەحنولوگيالار, ادام ءومىرىنىڭ ساپاسىن جاقسارتاتىن تەحنولوگيالار, اقپاراتتىق تەحنولوگيالار مەن بايلانىس قۇرالدارى سالاسىنداعى, كوپ جىلدىق ونەرتاپقىشتىق قىزمەتى ەۋرازيالىق پاتەنتتىك جۇيەنى بەلسەندى پايدالانعانى ءۇشىن, شەتەلدىك ونەرتاپقىش ناگرادالارى تابىستالدى. سونداي-اق, لاۋرەاتتار ەاپۇ ءبىرىنشى پرەزيدەنتى ۆ.ي. بليننيكوۆتىڭ قۇرمەتىنە ارنالعان «ونەرتابىسقا جانە پاتەنتتىك ىسكە قوسقان ۇلەسى ءۇشىن» التىن مەدالدارىمەن ماراپاتتالدى
قازاقستان رەسپۋبليكاسى ءبىلىم جانە عىلىم مينيسترلىگى عىلىم كوميتەتىنىڭ «ۇلتتىق بيوتەحنولوگيا ورتالىعى» رمك جانە جاڭاسىل باقىت جارقىنقىزى قازاقستان رەسپۋبليكاسىنان ەۋرازيالىق سىيلىقتىڭ لاۋرەاتتارى اتاندى. لاۋرەاتتاردى انىقتاۋ ەاپۇ اكىمشىلىك كەڭەسىندە قاتىسۋشى مەملەكەتتەردىڭ وكىلەتتى ۋاكىلدەرىن تاۋەلسىز باعالاۋ نەگىزىندە ءوتتى.
ايتا كەتۋ كەرەك, مارات بەكەتاەۆ ەۋرازيالىق پاتەنتتىك ۇيىمىنىڭ جوعارى ناگراداسى, ۆ. ي. بليننيكوۆ اتىنداعى «ونەرتابىسقا جانە پاتەنتتىك ىسكە قوسقان ۇلەسى ءۇشىن» التىن مەدالىمەن ماراپاتتالدى.
ديپلوماتيالىق كونفەرەنتسيا مەن لاۋرەاتتاردى ماراپاتتاۋ ءراسىمىن ەۋرازيالىق پاتەنتتىك ۆەدومستۆوسى, قازاقستان رەسپۋبليكاسى ادىلەت مينيسترلىگى جانە قر ءام «ۇلتتىق زياتكەرلىك مەنشىك ينستيتۋتى» رمك بىرلەسىپ ۇيىمداستىردى.
