ەكى ەلدىڭ ارنايى ماقساتتاعى بولىمشەلەرىنىڭ وقۋ-جاتتىعۋى «ەدەلۆەيس» وقۋ-جاتتىعۋ ورتالىعىنىڭ بازاسىندا ءوتتى.
تەوريالىق جانە پراكتيكالىق ساباقتار بارىسىندا ەكى ەلدىڭ اسكەري قىزمەتشىلەرى تاۋلى, تاكتيكالىق ارنايى دايارلىق ەلەمەنتتەرىن پىسىقتاپ, اسكەري توپوگرافيا مەن بايلانىستى ۇيىمداستىرۋداعى بىلىمدەرىن جەتىلدىردى. تاۋلى دايىندىق ماڭىزدى پراكتيكالىق كەزەڭ بولدى.
قازاقستان قارۋلى كۇشتەرى اسكەري قىزمەتشىسىنىڭ ايتۋىنشا, ءبىزدىڭ جەكە قۇرام ساقتاندىرۋدى پايدالانا وتىرىپ, تاۋعا ورمەلەۋ مەن ءتۇسۋ, سونداي-اق تاۋلى جەردە قوزعالۋ بويىنشا جاتتىعۋلاردى ساپالى پىسىقتادى.
ودان باسقا, ەكى ەلدىڭ اسكەري بولىمشەلەرى قۇراما جاساق قۇرامىندا قارسىلاستىڭ بارلاۋىنا دايىندالۋ جانە جۇرگىزۋ, زاڭسىز قارۋلى قۇرالىمداردى وقشاۋلاۋ بويىنشا ارنايى وپەراتسيانى ورىندادى. «ىستىقكول – اڭىراقاي-2019» وقۋ-جاتتىعۋى بىرلەسكەن جۇمىستا ەكى ەلدىڭ بولىمشەلەرىنىڭ شىنايى جاۋىنگەرلىك ازىرلىگىن, ۇيلەسىمدىلىگىن باعالاۋعا مۇمكىندىك بەردى.
قازاقستان قارۋلى كۇشتەرىنىڭ اتىنان وقۋ-جاتتىعۋعا ەكى ارنايى ماقساتتاعى توپ جانە ءبىر بروندالعان توپ قاتىستى. بارلىعى 30-عا جۋىق اسكەري قىزمەتشى. قازاقستان مەن قىرعىزستان قارۋلى كۇشتەرى بولىمشەلەرىنىڭ مۇنداي بىرلەسكەن جۇمىسىنىڭ فورماتى ءجيى تۇردە جۇرگىزىلىپ تۇراتىنىن ايتا كەتكەن ءجون.
وتكەن جىلى «اڭىراقاي-2018» وقۋ-جاتىعۋىنا ەكى مەملەكەتتىڭ 300-دەن اسا اسكەري قىزمەتشىسى قاتىستى.
