قوعام • 06 قىركۇيەك، 2019

بورىش جۇكتەمەسىن ازايتۋ تۋرالى اقپاراتتى 111 call-ورتالىعىنان الۋعا بولادى

300 رەتكورسەتىلدى

ەڭبەك جانە حالىقتى الەۋمەتتىك قورعاۋ مينيسترلىگىندە جۇمىس ىستەيتىن 111 call-ورتالىعىنىڭ ماماندارى ازاماتتارعا نەسيە بويىنشا بورىش جۇكتەمەسىن ازايتۋعا قاتىستى كەڭەس بەرەدى. بۇل تۋرالى مينيسترلىكتىڭ ءباسپاسوز قىزمەتى حابارلادى. 

قازاقستان پرەزيدەنتىنىڭ 2019 جىلعى 26 ماۋسىمداعى جارلىعىنا سايكەس بانكتەر مەن ميكروقارجى ۇيىمدارىندا كەپىلسىز تۇتىنۋشىلىق قارىزدارى بار 5 ساناتتاعى ازاماتتار ءۇشىن ءبىر رەتتىك اكتسيا تارتىبىندە مەملەكەت جالپى كولەمى 300 مىڭ تەڭگەگە دەيىن نەگىزگى بورىشتى جانە ول بويىنشا ەسەپتەلگەن وتەماقىنى تولەيدى. 300 مىڭ تەڭگەدەن اساتىن قارىزى بارلار 300 مىڭ تەڭگە كولەمىندە قارىزىنىڭ ءبىر بولىگىن وتەيدى. بۇل رەتتە، ولاردىڭ جالپى قارىزى اعىمداعى جىلدىڭ 1 ماۋسىمىنداعى جاعداي بويىنشا 3 ميلليون تەڭگەدەن اسپاۋى ءتيىس.

قازاقستان رەسپۋبليكاسى پرەزيدەنتىنىڭ جارلىعىنا سايكەس ازاماتتاردىڭ ساناتتارى كەلەسى: كوپبالالى وتباسىلار، مۇگەدەك بالالارى بار وتباسىلار، بالا كەزىنەن مۇگەدەكتىگى بار 18 جاستان اسقان ازاماتتار، جالعىز اسىراۋشىسىنان ايرىلعان وتباسىلار، اتاۋلى الەۋمەتتىك كومەك الۋشىلار، جەتىم بالالار.

جوعارىدا كورسەتىلگەن ساناتتاعى ازاماتتاردىڭ ءتىزىمى ورتالىق مەملەكەتتىك ورگانداردىڭ اقپاراتتىق جۇيەلەرىنىڭ دەرەكتەرى نەگىزىندە قۇرىلادى. اتاپ ايتقاندا، ءبىلىم جانە عىلىم مينيسترلىگى جەتىم بالالاردىڭ، اتا-اناسىنىڭ قامقورلىعىنسىز قالعان، كامەلەتكە تولعانعا دەيىن اتا-انالارىنان ايىرىلعان جيىرما توعىز جاسقا تولماعان بالالاردىڭ، 23 جاسقا دەيىنگى ستۋدەنتتەردىڭ ءتىزىمىن ۇسىندى. ادىلەت مينيسترلىگى «ازاماتتىق حال اكتىلەرىنىڭ جازبالارى» اقپاراتتىق جۇيەسىندە ەرلى-زايىپتىلار نەمەسە اتا-انالار بويىنشا وزەكتى ازاماتتىق حال اكتىلەرى (نەكە جانە تۋ تۋرالى) اكتىلەرى بويىنشا مالىمەتتەردى تەكسەرەدى.

ناتيجەسىندە جارلىقتىڭ كۇشىنە سايكەس ازاماتتاردىڭ ءتىزىمى (شامامەن 2،08 ملن ادام) جانە ولاردىڭ وتباسى مۇشەلەرىنىڭ ءتىزىمى (شامامەن 465 مىڭ ادام) شىعادى. بۇل ەكى ءتىزىم (جالپى العاندا 2،289 ملن بىرەگەي ادام) بىرەگەيلىككە تەكسەرىلدى جانە بۇل اقپارات ۇلتتىق بانك پەن مەملەكەتتىك كرەديتتىك بيۋروعا بەرىلدى. ءوز كەزەگىندە، قازاقستان رەسپۋبليكاسىنىڭ ۇلتتىق بانكى كرەديتى جوق، جالپى قارىزى 3 ملن. تەڭگەدەن اساتىن، بەرەشەكتەرى كوللەكتورلىق ۇيىمدارعا بەرىلگەندەردى تىزىمنەن الىپ تاستادى. ناتيجەسىندە 630 633 قارىزدار مەن ميكروكرەديتتەر بويىنشا بەرەشەكتى وتەيتىن 506 941 بورىشكەردىڭ ءتىزىمى جاسالدى.

ەلەكتروندىق ۇكىمەت پورتالىنداعى «بورىش جۇكتەمەسىن ازايتۋعا ارنالعان باعدارلاماعا قاتىسۋ مارتەبەسىن تەكسەرۋ» ەلەكتروندىق قىزمەتىن قولدانا وتىرىپ، قارىزدى وتەۋگە جۇگىنەتىن ازاماتتاردىڭ تىزىمگە ەنگىزىلگەنىن تەكسەرۋگە بولادى. ول ءۇشىن ەتسق قاجەت.

جارلىق پەن ۇلتتىق بانكتىڭ كريتەريلەرىنە سايكەس كەلۋى ءتيىس ازاماتتاردىڭ تىزىمدە بولماۋىنىڭ باستى سەبەبى - ومو اقپاراتتىق جۇيەلەرىندە ولاردىڭ مارتەبەسى تۋرالى وزەكتى دەرەكتەردىڭ بولماۋىندا.

اتاپ ايتقاندا، احاج اج-دا نەكە نەمەسە بالالاردىڭ تۋى تۋرالى جازبالاردىڭ بولماۋى ءجيى كەزدەسەدى. وسىعان بايلانىستى كرەديتى بار ازاماتتار وتباسى قۇرامىنان، ياعني جارلىققا سايكەس كەلەتىن ساناتتاردان شىعىپ قالادى. مۇنداي سەبەپ اسىراۋشىسىنان ايىرىلۋىنا بايلانىستى تولەم الاتىن وتباسىلار، مۇگەدەك بالالارى بار وتباسىلار، 18 جاستان اسقان بالا جاسىنان مۇگەدەك بالالارى بار وتباسىلار، اتاۋلى الەۋمەتتىك كومەك الۋشىلار سياقتى باسقا ساناتتار بويىنشا دا بولۋى مۇمكىن.

سونداي-اق تىزىمدە بولماۋىنىڭ سەبەبى كوپبالالى وتباسىنىڭ مەملەكەتتىك ورگاندارعا جاردەماقى الۋ ءۇشىن جۇگىنبەۋىنە جانە ەشقانداي اقپاراتتىق جۇيەدە بولماۋىنا بايلانىستى بولۋى مۇمكىن.

سونىمەن قاتار بعم-نىڭ اقپاراتتىق جۇيەسىندە 4 مىڭنان استام جەتىم بالا، سونداي-اق كامەلەتكە تولعانعا دەيىن اتا-انالارىنان ايىرىلعان 29 جاسقا تولماعان اتا-اناسىنىڭ قامقورلىعىنسىز قالعان بالالار بويىنشا مالىمەتتەر جوق.

ەگەر تىزىمدە بولماسا، ازاماتتار ەڭبەك جانە حالىقتى الەۋمەتتىك قورعاۋ مينيسترلىگىنىڭ بازاسىندا جۇمىس ىستەيتىن call-ورتالىققا 111، 74-32-20، 75-01-79، 75-01-78 تەلەفون نومىرلەرى ارقىلى حابارلاسا الادى، وندا ولارعا ءارى قاراي نە ىستەۋ كەرەكتىگى تۋرالى كەڭەس بەرىلەدى.

سوڭعى جاڭالىقتار

مەشىتتە بەتپەردە تسەحى اشىلدى

ايماقتار • بۇگىن، 07:35

اۋدان ءومىرىنىڭ ايناسى

ايماقتار • بۇگىن، 07:27

ارمان الاسارماسىن

رۋحانيات • بۇگىن، 07:22

ديقان ديزەلدى تومەن باعاعا الادى

ەكونوميكا • بۇگىن، 07:11

كوروناۆيرۋسسىز قوستاناي

ايماقتار • كەشە

ۇقساس جاڭالىقتار