قازاقستان رەسپۋبليكاسى قارجى مينيسترلىگىنىڭ بۇيرىعى №486
سەنبى, 12 قاڭتار 2013 5:50
2012 جىلعى 9 قاراشا, استانا قالاسى
«اۋديتورلاردىڭ بىلىكتىلىگىن ارتتىرۋ كۋرسىنان وتكەنى تۋرالى سەرتيفيكاتتار بەرۋ ەرەجەسىن بەكىتۋ» تۋرالى قازاقستان رەسپۋبليكاسى قارجى ءمينيسترىنىڭ 2006 جىلعى 31 شىلدەدەگى № 278 بۇيرىعىنا وزگەرىستەر ەنگىزۋ تۋرالى
سەنبى, 12 قاڭتار 2013 5:50
2012 جىلعى 9 قاراشا, استانا قالاسى
«اۋديتورلاردىڭ بىلىكتىلىگىن ارتتىرۋ كۋرسىنان وتكەنى تۋرالى سەرتيفيكاتتار بەرۋ ەرەجەسىن بەكىتۋ» تۋرالى قازاقستان رەسپۋبليكاسى قارجى ءمينيسترىنىڭ 2006 جىلعى 31 شىلدەدەگى № 278 بۇيرىعىنا وزگەرىستەر ەنگىزۋ تۋرالى
بۇيىرامىن:
1.«اۋديتورلاردىڭ بىلىكتىلىگىن ارتتىرۋ كۋرسىنان وتكەنى تۋرالى سەرتيفيكاتتار بەرۋ ەرەجەسىن بەكىتۋ» تۋرالى قازاقستان رەسپۋبليكاسى قارجى ءمينيسترىنىڭ 2006 جىلعى 31 شىلدەدەگى № 278 بۇيرىعىنا (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 4337 بولىپ تىركەلگەن, 2006 جىلعى 1 قاراشادا «يۋريديچەسكايا گازەتا» گازەتىندە جاريالانعان, № 191 (1171)) مىناداي وزگەرىستەر ەنگىزىلسىن:
كىرىسپە مىنانداي رەداكتسيادا جازىلسىن:
«اۋديتورلىق قىزمەت تۋرالى» قازاقستان رەسپۋبليكاسىنىڭ 1998 جىلعى 20 قاراشاداعى زاڭىنىڭ 11-بابى 1-تارماعىنىڭ 2) تارماقشاسىن ىسكە اسىرۋ ماقساتىندا بۇيىرامىن:»;
كورسەتىلگەن بۇيرىقپەن بەكىتىلگەن اۋديتورلاردىڭ بىلىكتىلىگىن ارتتىرۋ كۋرسىنان وتكەنى تۋرالى سەرتيفيكاتتار بەرۋ ەرەجەسىندە:
1-تارماق مىناداي رەداكتسيادا جازىلسىن:
«1. وسى اۋديتورلاردىڭ بىلىكتىلىگىن ارتتىرۋ كۋرسىنان وتكەنى تۋرالى سەرتيفيكاتتار بەرۋ ەرەجەسى (بۇدان ءارى – ەرەجە) «اۋديتورلىق قىزمەت تۋرالى» قازاقستان رەسپۋبليكاسىنىڭ 1998 جىلعى 20 قاراشاداعى زاڭىنىڭ 11-بابى 1-تارماعىنىڭ 2) تارماقشاسىنا سايكەس ازىرلەندى جانە اككرەديتتەلگەن كاسىبي اۋديتورلىق ۇيىمنىڭ (بۇدان ءارى – كاسىبي ۇيىم) اۋديتورلاردىڭ بىلىكتىلىگىن ارتتىرۋ كۋرسىنان وتكەنى تۋرالى سەرتيفيكاتتار (بۇدان ءارى – سەرتيفيكات) بەرۋ ءتارتىبىن ايقىندايدى.»;
3 جانە 4-تارماقتار مىناداي رەداكتسيادا جازىلسىن:
«3. كاسىبي ۇيىمدا اۋديتورلاردىڭ بىلىكتىلىگىن تۇراقتى ارتتىرۋدىڭ ماقساتى اۋديتورلار مەڭگەرگەن كاسىبي بىلىمدەر مەن داعدىلاردى تەرەڭدەتۋ, بۇرىن العان بىلىمدەرىن ودان ءارى جەتىلدىرۋ, سونداي-اق اۋديت جونىندە ۇسىنىلاتىن قىزمەتتەردىڭ ساپاسىن ارتتىرۋ بولىپ تابىلادى.
4. اۋديتورلاردىڭ بىلىكتىلىگىن ارتتىرۋ كاسىبي ۇيىمنىڭ باسشىسى بەكىتكەن بىلىكتىلىكتى ارتتىرۋدىڭ جوسپار-كەستەسىنە سايكەس جۇرگىزىلەدى, ول كاسىبي ۇيىمنىڭ رەسمي سايتىندا ورنالاستىرىلادى.»;
5-تارماق مىناداي رەداكتسيادا جازىلسىن:
«5. سەرتيفيكات بەرۋ ءۇشىن كاسىبي ۇيىم:
ءوزىنىڭ مۇشەلەرىن حالىقارالىق قارجىلىق ەسەپتىلىك جانە اۋديت ستاندارتتارىنا, سونداي-اق اۋديتورلىق قىزمەت سالاسىنداعى زاڭنامانىڭ وزگەرىستەرى ماسەلەلەرى بويىنشا وقىتادى;
تىڭداۋشىلاردى ءتيىستى وقۋ ماتەريالدارىمەن قامتاماسىز ەتەدى;
قازىرگى زامانعى وقۋ-ماتەريالدىق بازا قۇرادى.».
2.قازاقستان رەسپۋبليكاسى قارجى مينيسترلىگىنىڭ بۋحگالتەرلىك ەسەپ جانە قارجىلىق ەسەپتىلىك, اۋديتورلىق قىزمەت ءادىسناماسى دەپارتامەنتى (ا.و. تولەۋوۆ) وسى بۇيرىقتىڭ قازاقستان رەسپۋبليكاسى ادىلەت مينيسترلiگiندە مەملەكەتتىك تiركەلۋiن جانە كەيىننەن ونىڭ زاڭنامادا بەلگىلەنگەن تارتىپپەن رەسمي بۇقارالىق اقپارات قۇرالدارىندا جاريالانۋىن قامتاماسىز ەتسىن.
3. وسى بۇيرىق العاشقى رەسمي جاريالانعان كۇنىنەن باستاپ ون كۇنتىزبەلىك كۇن وتكەن سوڭ قولدانىسقا ەنگىزىلەدى.
مينيستر ب. جامىشەۆ.
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2012 جىلعى 7 جەلتوقسان نورماتيۆتىك-قۇقىقتىق كەسىمدەردى مەملەكەتتىك تىركەۋدىڭ تىزىلىمىنە № 8131 بولىپ ەنگىزىلدى.
