ە. ەرتاەۆتىڭ ايتۋىنشا, ەنەرگەتيكا مينيسترلىگى اي سايىن سەلەكتورلىق سالالىق كەڭەس وتكىزەدى, وندا ەلىمىزدىڭ جىلىتۋ كاسىپورىندارىنداعى پروبلەمالىق ماسەلەلەرى قاراستىرىلادى.
«2019 جىلعا ارنالعان كەستە بويىنشا 11 ەنەرگوبلوكتان 5 ەنەرگوبلوكتى, 63 قازاننان 34 قازاندى 46 تۋربينادان 20 تۋربينانى جوندەۋ جۇمىستارى اياقتالدى. ءار ءتۇرلى كەزەڭدەردە 4 ەنەرگوبلوكتا, 30 قازاندىقتا, 17 تۋربينادا جۇمىس جۇرگىزىلۋدە. ەلەكتر جەلىلەرى بويىنشا 15 مىڭ شاقىرىم ەلەكتر جەلىلەرى جوندەلىپ, 836 قوسالقى ستانتسيادا جۇمىستار اياقتالدى», — دەدى ول.
جالپى, قر ەنەرگەتيكا مينيسترلىگىنىڭ اتومدىق جانە ەنەرگەتيكالىق قاداعالاۋ جانە باقىلاۋ كوميتەتى توراعاسىنىڭ ورىنباسارى اتاپ ايتقانداي, ەلىمىزدىڭ بارلىق وڭىرلەرىندە جوندەۋ جۇمىستارى بەكىتىلگەن كەستەگە سايكەس جۇرگىزىلۋدە.
«جىلىتۋ كاسىپورىندارىنىڭ جوندەۋ جۇمىستارى بارىسىنا ۇنەمى مونيتورينگ جۇرگىزىلەدى جانە جوندەۋ جۇمىستارىنىڭ كەستەگە سايكەس ورىندالۋى تۇراقتى تۇردە باقىلانادى. جوسپارلانعان جوندەۋ جۇمىستارى جىلۋ كەزەڭىنىڭ باستالۋىنا ەش كەدەرگى بولماي, ۋاقىتىلى اياقتالادى», — دەپ سەندىردى ە. ەرتاەۆ.
