عىلىمعا بولىنگەن قاراجات قانشالىقتى ۇتىمدى جانە ءتيىمدى پايدالانىلادى؟ قازاقستانداعى عىلىمنىڭ دامۋ قارقىنى قانداي؟
وتكەنگە كوز جۇگىرتسەك, ءبىلىم جانە عىلىم مينيسترلىگىنىڭ 2015-2017 جىلدارى بولىنگەن گرانتتاردىڭ ناتيجەسىندە ءبىر عىلىمي ماقالانىڭ قۇنى 100 ملن تەڭگەنى قۇرادى. ياعني, ورتاشا ەسەپپەن بيۋدجەتتەن قارجىلاندىرىلعان بارلىق جوبالاردىڭ اراسىنان تەك ءاربىر ءۇشىنشى جوبا عانا جوعارى ساپالى حالىقارالىق جۋرنالداردا ءبىر ماقالا جاريالاۋعا جارادى. بۇل دامۋشى ەلدەرگە قاراعاندا, ورتاشا ەسەپپەن 20 ەسە قىمبات نەمەسە جالپى قۇنى 20 ميلليارد تەڭگەنى قۇرايتىن, بىراق ناتيجەسىندە كوممەرتسيالىق كىرىسى تەك 400 ميلليون تەڭگە جيناعان عىلىم قورىنىڭ جوبالارى ەستەرىڭىزدە بولار. سول كوممەرتسيالىق جوبالاردىڭ اياسىندا قۇرىلعان كومپانيالاردىڭ قانشاسى ءارى قاراي ءوز بەتىمەن نارىقتا قالادى؟ عىلىم قورىنىڭ جۇرگىزگەن جۇمىستارى بۇگىندە كوپتەگەن سۇراق تۋدىرىپ وتىر, جەمقورلىق جايى تاعى بار. سوندىقتان ونىڭ ماقساتى مەن جۇمىسىن قايتا قاراۋ قاجەت. مىنە, وسى تۇيتكىلدەردى ەسكەرگەن پرەزيدەنت ۇكىمەتكە عىلىمي زەرتتەۋلەردىڭ ساپاسىن ارتتىرىپ, ونداعى جاڭالىقتىڭ تاجىريبەدە قولدانىلۋىنا قاتىستى ناقتى شەشىمدەر قابىلداۋدى تاپسىردى.
مەملەكەت باسشىسى ۇلتتىڭ دامۋىن قامتاماسىز ەتۋ ءۇشىن عىلىمدى دامىتۋ كەرەك ەكەندىگىن ءدال اتاپ ءوتتى. بۇل پرەزيدەنتتىڭ بۇعان دەيىن ايتىپ كەتكەن ءبىلىم مەن عىلىمدى قارجىلاندىرۋدى ءىجو-دەن 5 پايىزعا دەيىن ۇلعايتۋ تۋرالى نۇسقاۋى جاڭا 2020-2025 جىلدارعا ارنالعان مەملەكەتتىك باعدارلامادا ەسكەرىلىپ, ماسەلەلەردىڭ ءوز شەشىمى تابىلىپ, وتاندىق عىلىمنىڭ يننوۆاتسيالىق ساپاسى جوعارىلايتىنىنا سەنىم سىيلايدى.
ماقسات جاباعين,
ءبىلىم جانە عىلىم مينيسترلىگىنىڭ جانىنداعى جاس عالىمدار كەڭەسىنىڭ توراعاسى
