«Jastar-Otanga!» ساياسي لاگەرىنىڭ ماقساتى جاستار ساياسي رەزەرۆىن قۇرۋ, بەلسەندى جاستاردى قولداۋ, ەل كەلەشەگىن دارىپتەۋ. ەلباسى, «Nur Otan» پارتياسى توراعاسى ن.ءا. نازارباەۆ ايتقان ماقساتىن: «Jas Otan» - جاستاردى بىرىكتىرۋشى ورتالىققا اينالۋى قاجەت» ىسكە اسىرۋ.
لاگەردە وتكىزىلگەن اسەرگە تولى كۇندەر جاستارعا جاڭا كۇش-قۋات بەرىپ, بولاشاققا قويعان ماقساتتارىن, جوبالارىن جۇزەگە اسىرۋعا مۇمكىندىك بەرەدى.
د. كارىبەك «Nur Otan» پارتياسى ساياسي كەڭەس بيۋروسىنىڭ مۇشەسى, «Jas Otan» جق توراعاسى:
- كۇنى كەشە ەلباسى, «Nur Otan» پارتياسى توراعاسى ن.ءا. نازارباەۆ «سەنىم.ديالوگ. بولاشاققا نىق قادام –Nur Otan پارتياسىنىڭ 7 سەرپىنى» اتتى پارتيا جۇمىسىن جۇيەل جاڭعىرتۋ باعدارلاماسىندا, جاستارعا ەرەكەشە ءرول بەرىلگەن. وسى ورايدا, بۇل لاگەر ەلىمىزدىڭ جاستارىن ءبىر ارنادا قوسىپ, بىلىمدەرىن شىنداپ, ءوز ارا بايلانىس ورناتۋعا مول مۇمكىندىك بەرەدى. بۇل الاڭقاي جاڭا يدەيالارمەن جوبالاردىن تۋىنا ەرەكەشە جاعداي جاسايدى
ءبىر اپتاعا سوزىلاتىن لاگەر بارىسىندا جاستار بىلىكتى, تاجىريەبەلى باپكەرلەردەن ءدارىس تىنداپ, بىلىمدەرىن شىندايدى. ساياسي مەنەدجمەنت, جوبالاردى ۇيىمداستىرۋ سەكىلدى تاقىرىپتارعا ءتۇرلى ترەنينگتەرگە, سەمينارلارعا, ترەند سەسسيالارعا, ۆوركشوپتارعا قاتىسادى. قايرات قۇدايبەرگەن, لاريون ليان سەكىلدى ەلىمىزدىڭ ونەر, سپورت جانە بيزنەس سالاسىندا جەتىستىككە جەتكەن تانىمال تۇلعالارمەن كەزدەسىپ, سۇراقتارىن قويا الادى. ءوز ارا تاجىريەبە الماسىپ, بۋرابايدىڭ اسەم تابيعاتىمەن تانىسادى.
سونداي-اق, جاستار قاناتىنىڭ بەلسەندىلەرى تاۋعا سەرۋەندەۋ, كينوكەشى, الاۋ جانىنداعى كەزدەسۋلەر, سپورتتىق جارىستار, زياتكەرلىك كۆەست سەكىلدى قىزىقتى ءىس-شارالارعا قاتىسادى. لاگەر قوناقتارى Abdr, ميراس جۇگىنىسوۆ, Canyekyey جانە «Salem Stand Up Show» رەزيدەنتتەرى جاستارعا مۋزىكالىق كەش سىيلايدى.
لاگەر اياسىندا «Jas Otan» جق ورتالىق كەڭەس وتىرىسى وتەدى. كەڭەستىڭ سايلانعان مۇشەلەرى مەن ءوڭىر توراعالارى اۋىل جاستارىنا ارنالعان الەۋمەتتىك ليفت, جەرگىلىكتى جەرلەردە جاستار مەملەكەتتىك باعدارلامالارىن ىسكە اسىرۋ, ەلىمىزدىڭ وقۋ ورىندارىندا سىبايلاس جەمقورلىقتى جويۋ تەتىكتەرى سىندى تاقىرىپتاردى تالقىلايدى.
سونداي-اق 7 قىركۇيەكتە «Nur Otan» پارتياسى توراعاسىنىڭ ءبىرىنشى ورىنباسارى ب. ق. بايبەك لاگەردە جاستارمەن كەزدەسۋى كۇتىلۋدە.
