جيىندا ۋنيۆەرسيتەت عالىمدارى مەن جاستارى پرەزيدەنت جولداۋى بويىنشا كوپشىلىك الدىندا بايانداما جاساپ, ءوز ويلارىن ورتاعا سالدى.
– پرەزيدەنت جانىنان ارنايى ۇيىم قۇرىلاتىن بولدى. ول ۇيىم نەگىزىنەن حالىقپەن تىكەلەي بايلانىسىپ وتىرادى. دەمەك بيلىك حالىققا جاقىنداي تۇسەدى دەگەن ءسوز. بۇل مەملەكەتتىك باسقارۋداعى جاڭاشا باعىت. «اۋىلىم التىن بەسىگىم» اتتى جوبا بۇگىندە وتە جاقسى جۇمىس باستاپ جاتىر. كەلەشەگى دە زور بولادى. سەبەبى جوعارعى بيلىك اۋىلىمىزعا جاقىنداي تۇسۋدە. اۋىل كوركەيسە اۋىلشارۋاشىلىق سالاسى دا كوركەيەتىنى ءسوزسىز. سەبەبى حالقىمىزدىڭ 42 پايىزى ءالى دە بولسا اۋىلدىق جەرلەردە تۇرىپ جاتىر. مىنە, ءبىز وسى ءبىر قۇندىلىقتارىمىزدان ايىرىلىپ قالماۋىمىز كەرەك. اۋىل كوتەرىلمەي, ەكونوميكا دامىمايدى! بۇل – فاكت. اۋىلدى جەرلەردى دامىتۋ مەن قوسا اۋىل شارۋاشىلىعى سالاسىنا دا ەرەكشە ءمان بەرۋىمىز كەرەك. وعان ءبىلىم وردالارى دا ءتيىستى دەڭگەيدە اتسالىسامىز. اتاپ ايتار بولساق پرەزيدەنت جەر ماسەلەسى توڭىرەگىندە ناقتى تاپسىرمالار بەردى. ءبىزدىڭ سالا بويىنشا باستى قۇندىلىعىمىز دا وسى جەر. جەردى ءتيىمدى پايدالانۋ باستى مىندەت. ول ءۇشىن عىلىمداعى جاڭا مۇمكىندىكتەردى دە ءتيىمدى پايدالانۋىمىز قاجەت. مىسالى, ءبىزدىڭ بازامىزدا عاج ورتالىعىنىڭ (عارىشتىق اقپاراتتىق جۇيەلەر) مۇمكىندىگى زور. وسى ءبىر مۇمكىندىكتى ۇتىمدى پايدالانۋدىڭ قىر-سىرىن جەر پايدالانۋشىلارعا تۇسىندىرە بەرۋىمىز قاجەت. ەڭ الدىمەن ساپالى مامان دايارلاپ شىعارۋ مىندەتىنە ءجىتى ءمان بەرىلەتىن بولادى. تاپسىرماعا ساي قازىر جوعارى وقۋ ورىندارىنىڭ الدىندا ۇلكەن مىندەت تۇر, - دەدى ۋنيۆەرسيتەت رەكتورى اقىلبەك كۇرىشباەۆ.
جولداۋدىڭ «الەۋمەتتىك جاڭعىرۋدىڭ جاڭا كەزەڭى» دەپ اتالاتىن ءىV تاراۋىندا ءبىلىم سالاسىنىڭ بۇگىنگى احۋالى مەن قويىلاتىن تالاپتارعا باسىمدىق بەرىلگەن بولاتىن. اتالمىش سالا بويىنشا قازاتۋ-ءنىڭ ءبىرىنشى پرورەكتورى ا.م.ءابدىروۆ «جوو-عى ءبىلىم بەرۋ ماسەلەلەرىنە توقتالدى. ول ءبىلىم بەرۋدەگى پراكتيكالىق دايىندىقتى سىنعا الدى.
– ستۋدەنتتەردىڭ پراكتيكالىق دايارلىعىن ۋنيۆەرسيتەت قابىرعاسىندا جوعارى دەڭگەيدە ۇيىمداستىرۋ قاجەت. سەبەبى بولاشاق مامان وندىرىستە قاۋقارلى بولۋى كەرەك,– دەدى ول. ا.م.ءابدىروۆ قاسىم-جومارت توقاەۆتىڭ قازاقستان حالقىنا ارناعان جولداۋىندا ايتىلعان «ديپلوممەن اۋىلعا!» باعدارلاماسىن ودان ءارى جەتىلدىرىپ, مۇمكىندىگىنشە وسى باعىتقا باسىمدىق بەرۋ كەرەكتىگىن ايتتى.
اتالعان ۋنيۆەرسيتەت ۋنيۆەرسيتەت «اكادەميالىق ادالدىق ليگاسىنىڭ» ايقىن ماقساتتارىنا سايكەس ءبىلىم ساپاسىن جاقسارتۋدى قولعا الىپ وتىر. ەندىگى كەزەكتە ۋنيۆەرسيتەت اكىمشىلىگى وقىتۋشىلار نەمەسە ستۋدەنتتەردىڭ ءبىلىم سالاسىنا سايكەس ەرەجەلەردى بۇزعان زاڭسىز ءىس-ارەكەتتەرىن نازاردا ۇستاماق.
جولداۋدى تالداۋ بارىسىندا وقۋ ورنىنىڭ ستۋدەنتتەرى دە نازاردان تىس قالعان جوق. ولاردىڭ پىكىرىنشە, ولار ءۇشىن مۇمكىندىكتەردىڭ جاڭا كوكجيەگى اشىلىپ وتىر. اتاپ ايتقاندا, «اگرونوميا» فاكۋلتەتىنىڭ 2-كۋرس ستۋدەنتى اقجان باۋىرجانقىزى الدىمىزداعى جىلدىڭ «ەرىكتىلەر جىلى» بولىپ اتالعانىنا قۋانىشتى. وسى ورايدا بارلىق جاستاردى ءوز بىلىمدەرىن شىڭداپ, ەلىمىزدىڭ دامۋىنا ۇلەس قوسۋعا شاقىردى.
