• 27 ناۋرىز, 2013

ەڭبەك شارتىنا قول قويدى

354 رەت

كورسەتىلدى

5 مين

وقۋ ءۇشىن

Egemen Qazaqstan

ەڭبەك شارتىنا قول قويدى

سارسەنبى, 27 ناۋرىز 2013 2:19

وتكەن جىلدىڭ اياعىندا تولىقتىرۋلار مەن وزگەرىستەر ەنگىزىلگەن «مەملەكەتتىك قىزمەت تۋرالى» زاڭ تالابى كەشەدەن باستاپ كۇشىنە ەندى. وسىعان بايلانىستى ەندى ءار وڭىردەگى مەملەكەتتىك قىزمەتكەرگە قويىلاتىن تالاپ تا, جۇكتەلەتىن مىندەت تە وزگەردى. وڭىردەگى ساياسي قىزمەتكەرلەر ساناتىنا 7 لاۋازىمدى تۇلعا, ياعني وبلىس اكىمى مەن ونىڭ 5 ورىنباسارى, اتىراۋ قالاسى اكىمى ەنگىزىلدى. سونىمەن بىرگە, مەملەكەتتىك قىزمەتتەگى جاڭا مودۋل بويىنشا مەملەكەتتىك قىزمەتكەرلەر «ا» جانە «ب» كورپۋسىنا ءبولىنىپ وتىر. سونىڭ ىشىندە «ا» كورپۋسىنىڭ ءوزى 1 جانە 2 سانات بولىپ ەكى توپقا بولىنەدى. ماسەلەن, اتىراۋ وبلىسىندا ءبىرىنشى ساناتتاعى توپقا مەملەكەتتىك قىزمەت ىستەرى جونىندەگى اگەنتتىگىنىڭ وبلىستاعى باسقارما باستىعى – تارتىپتىك كەڭەس توراعاسى, وبلىس اكىمى اپپاراتىنىڭ باسشىسى جانە 7 اۋدان اكىمى ەندى.

سارسەنبى, 27 ناۋرىز 2013 2:19

«ا» كورپۋسىنىڭ 2 ساناتىنا وبلىستىق تەكسەرۋ كوميسسياسىنىڭ توراعاسى مەن وسى كوميسسيانىڭ 4 مۇشەسى, بارلىعى 5 مەملەكەتتىك قىزمەتكەر ەنگىزىلدى. «ا» كورپۋسىنىڭ لاۋازىمدارىنا قابىلداۋ «ا» كورپۋسى مەملەكەتتىك اكىمشىلىك قىزمەتى كادر رەزەرۆىنە كىرگەن تۇلعالار قاتارىنان جۇزەگە اسادى. ال «ب» كورپۋسىنداعى لاۋازىمدارعا ورنالاسۋ ءۇشىن كونكۋرستارعا تەك قانا شەكتى ماننەن كەم ەمەس تەستىلەۋ ناتيجەلەرى تۋرالى سەرتيفيكاتى بار ازاماتتار قاتىسادى.

بۇل ماسەلە مەملەكەتتىك قىزمەت وتكەرۋ ءتارتىبى تۋرالى جاڭا ەرەجەگە سايكەس رەتتەلەدى. لاۋازىمدارى «ا» كورپۋسىنا وتكەن مەملەكەتتىك قىزمەتشىلەر كەلەسى وقيعالاردىڭ بىرەۋى باستالعانعا دەيىن جۇمىستارىن جالعاستىرادى:

1) قازاقستان رەسپۋبليكاسىنىڭ زاڭناماسىمەن بەكىتىلگەن تارتىپتە جوعارىدا كورسەتىلگەن التى اي ۋاقىتتىڭ ىشىندە وسى لاۋازىمعا ورنالاسقانعا دەيىن (بۇل مەزگىل ىشىندە ۇلتتىق كوميسسيا «ا» كورپۋسىنىڭ كادر رەزەرۆىنە ىرىكتەۋ جۇرگىزەدى);

2) ەگەر وسى لاۋازىم جوعارىدا كورسەتىلگەن التى اي ۋاقىتتىڭ ىشىندە تولتىرىلماسا, وسى مەزگىلدىڭ ءبىتۋى بويىنشا, ياعني 2013 جىلدىڭ 25 قىركۇيەگى.

وسى مەملەكەتتىك قىزمەتشىلەرمەن جوعارىدا كورسەتىلگەن وقيعالاردىڭ باستالعانىنا دەيىن جارامدى ەڭبەك شارتى جاسالادى. ەڭبەك شارتتارى لاۋازىمعا تاعايىنداۋعا قۇقىعى بار تۇلعامەن (ورگانمەن) جاسالادى. وسىلايشا, ەڭبەك شارتى مىناداي جاعدايدا التى ايعا دەيىنگى مەرزىمدە بۇزىلادى:

لاۋازىمى «ا» كورپۋسىنا وتكەن مەملەكەتتىك قىزمەتشىنىڭ وسى لاۋازىمعا ورنالاسۋى;

نەمەسە وسى لاۋازىمعا باسقا كانديداتتىڭ ورنالاسۋى.

ەگەر اتالعان وقيعالاردىڭ بىرەۋى باستالماسا, وندا ەڭبەك شارتى التى اي مەرزىمنىڭ بىتۋىنە بايلانىستى بۇزىلادى.

ىرىكتەۋ راسىمدەرىنەن وتكەن مەملەكەتتىك قىزمەتشىلەرمەن («ا» كورپۋسىنىڭ كادر رەزەرۆىنە كىرۋ, كادر رەزەرۆىنەن تاعايىندالۋ) 4 جىل مەرزىمگە جاڭا ەڭبەك شارتى جاسالادى.

«ا» كورپۋسى مەملەكەتتىك اكىمشىلىك قىزمەتىنىڭ كادر رەزەرۆىنە كىرگىزۋ كادر ساياساتى جونىندەگى ۇلتتىق كوميسسيانىڭ شەشىمىمەن جۇزەگە اسادى. ۇلتتىق كوميسسيا اۋماقتىق كادر كوميسسيالارىنىڭ جۇمىسىن ۇيلەستىرەدى. ۇلتتىق كوميسسيانىڭ شەشىمى بويىنشا كادر كوميسسيالارى «ا» كورپۋسىنىڭ مەملەكەتتىك اكىمشىلىك قىزمەتشىلەرىمەن اڭگىمەلەسۋ جۇرگىزەدى. وبلىستىق دەڭگەيدە بۇل كوميسسيانىڭ قۇرامىندا توراعانى قوسا ەسەپتەگەندە 5 مۇشە, اتاپ ايتقاندا, وبلىس اكىمى, مەملەكەتتىك قىزمەت ىستەر اگەنتتىگىنىڭ اتىراۋ وبلىسى بويىنشا باسقارما باستىعى – تارتىپتىك كەڭەس توراعاسى, وبلىستىق ءماسليحات حاتشىسى, وبلىس اكىمى اپپاراتىنىڭ باسشىسى جانە وبلىستىق تەكسەرۋ كوميسسياسىنىڭ توراعاسى بار.

كەشەدەن باستاپ وڭىردەگى 7 اۋدان اكىمى 6 ايعا ەڭبەك شارتىنا قول قويدى. وسى كەزەڭ ىشىندە اۋدان اكىمدەرىنىڭ لاۋازىمىنا كونكۋرس جاريالانادى. ايماقتىق كوميسسيا مۇشەلەرى اۋدان اكىمى لاۋازىمىنا ۇمىتكەرلەردىڭ قۇجاتىن مۇقيات تەكسەرەدى. ماقسات – ەلدىك, ۇلتتىق مۇددەنى كوزدەيتىن, حالىق پەن بيلىكتىڭ اراسىن بۇگىنگىدەن دە جاقىنداتا تۇسۋگە دانەكەر بولا الاتىن وتانشىل تۇلعانى تاڭداۋ.

مۇحيت ءىزبانوۆ,

مەملەكەتتىك قىزمەت ىستەرى اگەنتتىگى

اتىراۋ وبلىسى بويىنشا باسقارماسىنىڭ

باستىعى – تارتىپتىك كەڭەس توراعاسى.