ۇكىمەت باسشىسى سوڭعى جىلدارى قازاقستان «شەۆرون» كومپانياسىمەن تىعىز جانە ءوزارا ءتيىمدى ىنتىماقتاستىق ورناتقانىن اتاپ ءوتتى. اسقار مامين جۇزەگە اسىرىلىپ جاتقان جوبالارداعى كومپانيانىڭ ساتىپ الۋلارىنداعى جەرىگىلىكتى قامتۋ ۇلەسىن ارتتىرۋعا قىزىعۋشىلىق بار ەكەنىن جەتكىزدى.
تاراپتار قۇنى $36,8 ملرد قۇرايتىن «تەڭىزشەۆرويل» (تشو) كەلەشەكتە كەڭەيتۋ جوباسىن تالقىلادى. جوبانى 2022 جىلى اياقتاۋ تشو تابىسىن جىلىنا 12 ملن تونناعا ارتتىرادى.
م.ۋيرت «شەۆرون» كومپانياسى تۋرالى اقپارات بەرىپ, كومپانيانىڭ قازاقستان اۋماعىنداعى جوبالارىنىڭ ونىمدىلىگىن اتاپ ءوتتى.
قازاقستاننىڭ شەۆرونمەن ىنتىماقتاستىعى مىنا جوبالار اياسىندا جۇزەگە اسىرىلۋدا: تەڭىز (50%), قاراشىعاناق (18%) جانە كاسپي قۇبىر كونسورتسيۋمى (15%). «شەۆرون» ەنەرگيا تاسىمالداۋشىلاردى وندىرۋمەن جانە تاسىمالداۋمەن قاتار, اتىراۋ پوليەتيلەن قۇبىرلارى زاۋىتى (اپقز) جانە اتىراۋ قۇبىر جەلىسى ارماتۋرالارى زاۋىتى (Aقاز) جانە ت.ب. جۇمىسىن قامتاماسىز ەتەدى.
كەزدەسۋگە قر ەنەرگەتيكا ءمينيسترى ق. بوزىمباەۆ, «قازمۇنايگاز» اق باسقارما توراعاسى ا. ايدارباەۆ جانە اتىراۋ وبلىسىنىڭ اكىمى ن. نوعاەۆ قاتىستى.
