اباتتانعان استانا اۋلالارى
جۇما, 15 ناۋرىز 2013 1:35
باتىس پەن شىعىس وركەنيەتىن جالعاستىراتىن التىن كوپىر اتانعان ارۋ استانا ءوزىنىڭ تاريح ساحناسىندا سالتانات قۇرعان وسى ءبىر 15 جىل عۇمىرىنىڭ ىشىندە الەم نازارىن ەرەكشە اۋدارعان تالاي-تالاي جاھاندىق وقيعالاردىڭ ورتالىعىنا اينالعانى اقيقات. مىنە, ەندى ەلوردامىزدىڭ ەكسپو-2017 بۇكىلالەمدىك امبەباپ كورمەسىنىڭ ورتالىعى بولاتىندىعى تۋرالى حالىقارالىق كورمەلەر بيۋروسىنىڭ تاريحي تاڭداۋى پاش ەتىلگەنىنە دە بىرەر ايدىڭ ءجۇزى بولدى.
جۇما, 15 ناۋرىز 2013 1:35
باتىس پەن شىعىس وركەنيەتىن جالعاستىراتىن التىن كوپىر اتانعان ارۋ استانا ءوزىنىڭ تاريح ساحناسىندا سالتانات قۇرعان وسى ءبىر 15 جىل عۇمىرىنىڭ ىشىندە الەم نازارىن ەرەكشە اۋدارعان تالاي-تالاي جاھاندىق وقيعالاردىڭ ورتالىعىنا اينالعانى اقيقات. مىنە, ەندى ەلوردامىزدىڭ ەكسپو-2017 بۇكىلالەمدىك امبەباپ كورمەسىنىڭ ورتالىعى بولاتىندىعى تۋرالى حالىقارالىق كورمەلەر بيۋروسىنىڭ تاريحي تاڭداۋى پاش ەتىلگەنىنە دە بىرەر ايدىڭ ءجۇزى بولدى. ەلباسى نۇرسۇلتان نازارباەۆتىڭ بۇل حالىقارالىق ايتۋلى كورمەنى جوعارى دەڭگەيدە وتكىزۋ بۇكىل ەلىمىز ءۇشىن ۇلكەن سىن, زور جاۋاپكەرشىلىك ەكەنىنە ەرەكشە باسىمدىق بەرگەنى دە بەلگىلى. وسىعان وراي بۇگىندە استانا قالاسىندا بۇكىلالەمدىك امبەباپ كورمەنى وتكىزۋگە دايىندىق بارىسىنداعى كەشەندى شارالار قولعا الىندى.
حالىقارالىق كورمە جالاۋى جەلبىرەيتىن 2017 جىلدىڭ ماۋسىم ايى قازاقستاننىڭ باس قالاسى – استانانىڭ 20 جىلدىق تويىمەن تۇسپا-تۇس كەلەتىنى دە وسى جاھاندىق جيىن بارىسىندا ەل مەرەيىن ودان ءارى ارتتىرا تۇسپەك. سوندىقتان, ەكسپو-2017 كورمەسىن وتكىزۋگە دايىندىق بارىسىنداعى اتقارىلاتىن شارالار كەستەسىندە ۇساق-تۇيەكتىڭ بولۋى مۇمكىن ەمەس. بۇل رەتتە ءسانى مەن سالتاناتى جاراسقان استانا قالاسىن ودان ءارى اباتتاندىرۋ شارالارىنا بارىنشا باسىمدىق بەرىلمەك.
تەك ۇستىمىزدەگى جىلدىڭ وزىندە عانا, قالامىزدىڭ 15 جىلدىق مەرەكەسىن اتاپ ءوتۋ اياسىندا استانادا جالپى كولەمى 11 گەكتار اۋماققا پارا-پار 13 گۇلزارلار مەن سكۆەرلەر سالىناتىن بولادى. سونىمەن بىرگە, قازىر جالپى اۋماعى 67,4 گەكتارعا تەڭ قالالىق مادەنيەت جانە دەمالىس پاركىن جاڭعىرتۋ جانە قايتا قۇرۋ جۇمىستارى قارقىندى جۇرگىزىلۋدە. وسى تولىق جاڭعىرتۋ جۇمىستارى اياقتالعان كەزدە بۇل پاركتىڭ مۇمكىندىگى ەكى ەسەگە دەيىن ارتىپ, كۇنىنە 105 مىڭ ادامعا قىزمەت كورسەتەتىن بولادى.
جاسىراتىنى جوق, بۇرىن قالالىق اۋلالاردىڭ باسىم كوپشىلىگى كۇل-قوقىستان ارىلمايتىن كورىكسىز ورىندار بولاتىن. قالا اكىمى يمانعالي تاسماعامبەتوۆ جىلدار بويى قوردالانىپ كەلگەن بۇل كەلەڭسىزدىككە قارسى تۇبەگەيلى بەتبۇرىس باستادى. قازىر استانا قالاسىنىڭ اۋلالارى بۇگىنگى زامان تالابىنا ساي قۇرىلعان ناعىز دەمالىس ورىندارىنا اينالدى. بالالار وينايتىن الاڭدار دا اسەرلىلىگىمەن, اسەمدىگىمەن ايرىقشا كوز تارتادى. بۇل باعىتتاعى كەشەندى جۇمىستار جۇيەلى تۇردە جۇرگىزىلىپ كەلەدى. ماسەلەن, وتكەن جىلى عانا استانادا 131 اۋلادا كورىكتەندىرۋ ماقساتىنداعى كۇردەلى جۇمىستار جۇزەگە اسىرىلدى. اۋلالاردىڭ ەسكىرگەن قورشاۋلارى جاڭارتىلدى, اسفالت توسەنىشتەرى اۋىستىرىلىپ, سپورت جانە بالالار وينايتىن الاڭدار جوندەۋدەن وتكىزىلدى.
اۋلالاردى كورىكتەندىرۋمەن قاتار تۇرعىنداردىڭ دەنە تاربيەسىمەن شۇعىلدانىپ, بۇقارالىق سپورتقا بەيىمدەلۋى ءۇشىن بارلىق جاعدايلار جاسالعان. ماسەلەن, وتكەن جىلى تەك الماتى اۋدانى بويىنشا عانا 8 فۋتبول الاڭى جاساندى كوگال جابدىعىمەن جابىلدى. ال ەسىل اۋدانىندا 33 سپورت جابدىقتارى ورناتىلدى. استانا قالاسىنداعى اۋلالاردى اباتتاندىرۋ جولىنداعى بۇل كەشەندى شارالار 2017 جىلعا دەيىن بەلگىلەنگەن جوسپار بويىنشا قارقىندى دا جۇيەلى جۇرگىزىلەتىن بولادى.
جىلقىباي جاعىپار ۇلى,
«ەگەمەن قازاقستان».
