«بۇگىن قاسىم-جومارت كەمەل ۇلى توقاەۆ تۇڭعىش رەت پارلامەنت پالاتالارىنىڭ بىرلەسكەن وتىرىسىندا, قازاقستان رەسپۋبليكاسىنىڭ پرەزيدەنتى رەتىندە قازاقستان حالقىنا جولداۋىن جاريالايدى. ءداستۇر بويىنشا, جولداۋدا ىشكى ساياسي ماسەلەلەر, مەملەكەتتىك ينستيتۋتتاردىڭ ءرولىن نىعايتۋ, ازاماتتاردىڭ قۇقىقتارى مەن بوستاندىقتارىن قورعاۋ, ەكونوميكانى جاڭعىرتۋ, حالىقتى الەۋمەتتىك قامسىزداندىرۋ ماسەلەلەرى قامتىلادى. جولداۋدا مەملەكەت باسشىسىنىڭ سايلاۋالدى باعدارلاماسىندا كورسەتىلگەن ۇسىنىستارى مەن باستامالارى دا ايتىلادى دەپ ويلايمىن. پرەزيدەنت بۇعان دەيىن دە, قۇجاتتا ەلىمىزدەگى كەيبىر ماسەلەلەرگە قاتىستى زاڭنامالارعا وزگەرىستەر ەنگىزۋ تۋرالى ناقتى تاپسىرمالار بولاتىنىن ايتقان ەدى. ق.ك.توقاەۆتىڭ جولداۋى پارلامەنت مۇشەلەرى ءۇشىن دە, جالپى قوعامنىڭ دامۋى ءۇشىن دە الداعى كەزەڭدە اتقارىلۋى ءتيىس جۇمىستارعا ناقتى باعىت-باعدار بولاتىنىنا سەنىمدىمىن» دەپ جازدى بەرىك ءۋالي.
ونىڭ ايتۋىنشا, جولداۋ بۇگىن ساعات 11:00-دە پارلامەنت پالاتالارىنىڭ بىرلەسكەن وتىرىسىندا جاريالانادى. ساعات 15:00-دە بارلىق رەسپۋبليكالىق تەلەارنالاردان كورۋگە بولادى.
