ءسويتىپ, كەزەكتە تۇرعان حالىقتىڭ الەۋمەتتىك از قامتىلعان جانە تۇرعىن ۇيگە مۇقتاج ساناتىنا جاتاتىن ازاماتتار باسپانالى بولدى.
قۋانىشتى شاراعا جينالعان كوپشىلىك نازارىنا كونتسەرتتىك باعدارلاما ۇسىنىلدى. ايتا كەتەلىك, جىل سوڭىنا دەيىن تاعى دا قالا تۇرعىندارىنا 5 قاباتتى 9 تۇرعىن ءۇي پايدالانۋعا بەرىلەتىن بولادى.
مەرەكەنى, ياعني كونستيتۋتسيا كۇنىن تۇركىستاندىقتار ەرەكشە كوڭىل كۇيمەن وتكىزدى. ق.ا.ياساۋي اتىنداعى حالىقارالىق قازاق-تۇرىك ۋنيۆەرسيتەتىنىڭ مادەنيەت ورتالىعىندا ايتۋلى كۇنگە ارنالعان «تاۋەلسىزدىك تىرەگى - اتا زاڭ» اتتى سالتاناتتى ءىس-شارا ءوتتى. وبلىس اكىمى شوكەەۆ ومىرزاق تۇركىستاندىقتاردى مەرەكەمەن قۇتتىقتاپ, اتا زاڭىمىزدىڭ قابىلدانىپ, قولدانىسقا ەنگەن 24 جىل ىشىندە ەلىمىز بارىنشا قۋاتتى, ەكونوميكالىق دامۋ ۇدەرىسىن العا قويعان, ساياسي تۇراقتى مەملەكەت قۇرۋدا وراسان زور جەتىستىككە جەتكەنىن اتاپ ءوتتى. «ەندەشە ونىڭ ماڭىزدىلىعىن ارتتىرۋ, اتا زاڭنىڭ اياسىندا ايانباي ەڭبەك ەتۋ – مەملەكەتتىڭ قارىشتاۋىنا قوسقان ۇلەسىمىز بولىپ تابىلادى. بارلىقتارىڭىزدى ايتۋلى مەرەكەمەن قۇتتىقتاي وتىرىپ, ەڭبەكتەرىڭىزگە – جەمىس, جانۇيالارىڭىزعا جاقسىلىق تىلەيمىن!» - دەدى ومىرزاق ەستاي ۇلى.
سونداي-اق, وبلىس اكىمى ەڭبەگىمەن ۇزدىك اتانعان قىزمەتكەرلەرگە العىس حاتتار مەن گراموتالار تاپسىردى. مەرەكەلىك جيىندا ش.قالداياقوۆ اتىنداعى وبلىستىق فيلارمونيا, وبلىستىق وپەرا جانە بالەت تەاترىنىڭ انشىلەرى, «سۇگىر» اتىنداعى قازاق ۇلت اسپاپتار وركەسترى, «تۇمار», «قازىنا», «بيسۇلتان» بي انسامبلدەرىنەن قۇرالعان 150-دەن اسا ونەرپازدار ونەر كورسەتتى.
تۇركىستان وبلىسى.
