سۋرەتتەردى تۇسىرگەن رافحات حالەلوۆ
جاڭا ورتالىقتىڭ اشىلۋ سالتاناتىنا باتىس قازاقستان وبلىسىنىڭ اكىمى عالي ەسقاليەۆ, باتىس قازاقستان وبلىستىق سوتىنىڭ توراعاسى بەك امەتوۆ, باتىس قازاقستان وبلىسى قازاقستان حالقى اسسامبلەياسى حاتشىلىعىنىڭ مەڭگەرۋشىسى عايسا قاپاقوۆ, مەدياتورلار, بيلەر وداعى مەن پروكۋراتۋرا وكىلدەرى, ادۆوكاتتار, سوت ورىنداۋشىلارى قاتىستى.
- تاتۋلاسۋ ورتالىعىنىڭ نەگىزگى ماقساتى – داۋ-دامايدى سوتتان تىس شەشۋدىڭ جۇيەلى جانە كەشەندى جۇيەسىن ۇيىمداستىرۋ. سونداي-اق مۇندا اقپاراتتىق, زاڭگەرلىك, باسقا دا قىزمەتتەر مەن كەڭەستەر كورسەتىلەدى. داۋلاردى مەدياتسيا ارقىلى وركەنيەتتى شەشەيىك, - دەيدى باتىس قازاقستان وبلىستىق تاتۋلاسۋ ورتالىعىنىڭ جەتەكشىسى الۋا راحيشەۆا.
جاڭا عيماراتتا بيلەر وداعى مۇشەلەرىنە, مەدياتورلارعا, پسيحولوگقا ارنالعان جەكە بولمەلەر بار. سونداي-اق مۇنداعى قۇقىق قورعاۋ قىزمەتتەرى ورتالىعىندا پروكۋرور, قازاقستان رەسپۋبليكاسى باس پروكۋراتۋراسىنىڭ قۇقىقتىق ستاتيستيكا جانە ارنايى ەسەپكە الۋ جونىندەگى كوميتەتى بقو باسقارماسى قىزمەتكەرى, پوليتسيا, پروباتسيا, جەكە سوت ورىنداۋشىسى, زاڭگەر كەلۋشىلەرگە قىزمەت كورسەتەدى.
بۇگىندە باتىس قازاقستان وبلىسىندا مەدياتسيا, داۋلاردى سوتقا دەيىن شەشۋ ءداستۇرى قانات جايىپ كەلەدى. سوڭعى دەرەكتەرگە قاراعاندا وڭىردە 143 مەدياتسيا كابينەتى, 142 قوعامدىق مەدياتور, 31 كاسىبي مەدياتور جۇمىس ىستەيدى. سونىڭ ناتيجەسىندە كۇنى بۇگىنگە دەيىن 1451 داۋ مەدياتورلاردىڭ كومەگىمەن شەشىلگەن.
باتىس قازاقستان
