شارا «ازاماتتىق باستامالاردى قولداۋ ورتالىعىنىڭ» مەملەكەتتىك گرانتىمەن ۇيىمداستىرىلعان. «جاستار ۇيىمدارىنىڭ تاجىريبە الماسۋ جانە نەتۆوركينگ جوباسى» اتتى باسقوسۋعا «بولاشاق» قاۋىمداستىعى باستاماشى بولىپتى. بۇل جيىنعا باتىسقازاقستاندىق جاستار سەركەلەرىنەن بولەك, اتىراۋ, اقتوبە جانە اقتاۋ قالالارىنان كەلگەن 18 بەن 29 جاس ارالىعىنداعى 200-دەي جاس قاتىستى. ءىس-شارانى باتىس قازاقستان وبلىسى اكىمىنىڭ ورىنباسارى امانجول الپىسباەۆ قۇتتىقتاۋ ءسوز سويلەپ اشتى.
- بۇل كەزدەسۋ ماعان ۇنادى. ەركىن فورماتتا, ماستەر كلاسس تۇرىندە ءوتىپ جاتىر. جاستار شاي ءىشىپ, جاقىن تانىسىپ, اقپارات الماسۋدا. ءار ءوڭىردىڭ ءوز ەرەكشەلىكتەرى بار عوي. مىسالى, اقتوبەدە «جاسىل ەل» جاساعى ورالداعىداي ءۇش اي ەمەس, جىل بويى جۇرگىزىلەدى ەكەن. ارىپتەستەرىمنەن كوپ جاڭالىقتى ەستىپ ءبىلىپ جاتىرمىز. مەن بۇل جيىنعا «اتامەكەن» ۇكپ جانىنداعى «جاس كاسىپكەر» دەگەن جوبانىڭ اتىنان قاتىستىم. بۇيىرسا, ءوز كاسىبىمدى باستايمىن, اتەلە اشقالى جاتىرمىن. مۇنداي جيىنداردىڭ ءبىز سەكىلدى جاستاردىڭ كاسىبي وسۋىنە, تاجىريبە جيناۋىنا كومەگى كوپ, - دەيدى ورالدىق دينارا ەسەنالينا.
«بولاشاق» قاۋىمداستىعىنىڭ اتقارۋشى ديرەكتورى لاۋرا دەمەسىنوۆانىڭ ايتۋىنشا, جاستار باسقوسۋىندا تالقىلانعان ءتۇرلى جوبالار تاياۋدا ءبىر كىتاپقا جيناقتالىپ, جىل اياعىنا دەيىن بۇكىل قازاقستانعا, جاستارعا تاراتىلماق.
ءىس-شاراعا «Bolashaq» قاۋىمداستىعىنىڭ اتقارۋشى ديرەكتورى لاۋرا دەمەسىنوۆا, «Bolashaq» كورپوراتيۆتىك قورىنىنىڭ ديرەكتورى سالتانات تۇمانباەۆا, GR-كەنەسشىسى نۇرلان وتەشەۆ, «ارناۋ» دامۋ ورتالىعى» قوعامدىق بىرلەستىگىنىڭ توراعاسى, بايلانىس مامانى, بلوگەر ۇلان ابىشەۆ, كاسىپكەر, ورال قالاسىنداعى ستۋدەنتتەر اليانسىنىڭ ۆيتسە-كوشباسشىسى مەرجان ابىلقاس جانە باسقالارى قاتىستى.
جاستار قىزىعا تالقىلاعان يدەيانىڭ ءبىرى – ورالدىق ءبىر توپ جاستار ۇيىمداستىرعان زاڭ كومەگى الەۋمەتتىك جەلىسى. بۇل جەلىگە زاڭ كەڭەسىن قاجەتسىنگەن كەز كەلگەن ادام ونلاين حابارلاسا الادى. جوباجەتەكشىسى الىشەر قۋانىشاليەۆتىڭ ايتۋىنشا, قۇرىلعانىنا جارتى جىلداي بولعان جەلى Startup Bolashak جوبا بايقاۋىنىڭ فينالىنا شىققان.
نەتۆوركينگ جانە جاستار ۇيىمدارىنىڭ تاجىريبە الماسۋ جوباسىنىڭ ماقساتى – ءىس-شارالاردى ۇيىمداستىرۋدا, مەملەكەتتىك ورگاندارمەن جۇمىس جاساۋدا ءتيىمدى اقپارات پەن تاجىريبە الماسۋ ءۇشىن ايماقتارداعى ۇەۇ جاستارىنا قولداۋ كورسەتۋ ءىسى ءو ماقساتىنا جەتتى دەۋگە بولادى. شارا اياسىندا «جاستار ۇەۇ-نىڭ تۇراقتى دامۋى مەن تيىمدىلىگىن ارتتىرۋ» اتتى شەبەرلىك ساباعى, «ۇەۇ + بيزنەس = جاستارعا ارنالعان مۇمكىندىكتەر» اتتى ايماقتىق كونفەرەنتسيا, «جاستار ساياساتىنىڭ وزەكتى ترەندتەرى» اتتى ترەنينگ, «جاستارعا ارنالعان الەۋمەتتىك جوبالاردى ىسكە اسىرۋ» اتتى سەمينار ۇيىمداستىرىلدى. جاستار بقو بويىنشا «كەلەشەك» جاستار كەڭەسىنىڭ ءتورايىمى ءالفيا جاقسىعاليەۆا مەن ورال قالاسىنداعى ستۋدەنتتەر اليانسىنىڭ ۆيتسە-كوشباسشىسى سامات راقىمعالي جەتەكشىلىك ەتكەن كوپشىلىك شارالارعا بەلسەنە قاتىستى.
باتىس قازاقستان
