اتا زاڭ ءرولى تالقىلاندى

ءىس-شارا ەلدەگى الەۋمەتتىك، قۇ­قىقتىق جانە دەموكراتيالىق مەم­لەكەتتىڭ قاعيداتتارىن بەكى­تۋدە كونستيتۋتسيانىڭ ءرولى مەن الەۋەتىن جان-جاقتى تال­قى­لاۋعا ارنالدى. فورۋمدى كونس­تي­تۋتسيالىق كەڭەس ۇيىمداستىردى. ونىڭ جۇمىسىنا قازاقستاننىڭ مەملەكەتتىك قۇرىلىمدارىنىڭ باسشىلارى، كونستيتۋتسيالىق كە­ڭەس مۇشەلەرى، پارلامەنت دەپۋ­تاتتارى، ۇكىمەت مۇشەلەرى، قۇ­­قىق قورعاۋ مەكەمەلەرىنىڭ وكىل­دەرى، سونداي-اق بەل­گى­لى وتاندىق قۇقىقتانۋشى عالىمدار قاتىستى.

وتىرىستىڭ اشىلۋىندا كونس­تيتۋتسيالىق كەڭەس­تىڭ تور­­اعاسى ق.ءمامي اتاپ وتكەن­دەي، كونس­تيتۋتسيا – ەگەمەن­دىك پەن تاۋەل­سىزدىكتى بەكىتەتىن اسا ما­ڭىزدى قۇجات، مەملەكەت­تى­لىك­تىڭ، قوعامداعى كەلىسىم مەن تۇ­راقتىلىقتىڭ بەرىك نەگىزى. نە­گىزگى زاڭدى قۇرمەتتەۋ جانە بۇل­جىتپاي ساقتاۋ – العا قويىلعان اۋقىمدى ماقساتتارعا جەتۋدىڭ كەپىلى.

پرەزيدەنت اكىمشىلىگى باس­شى­سىنىڭ ورىنباسارى ءا.راقىشەۆا، قازاقستان رەسپۋبليكاسىنىڭ تۇڭعىش پرەزيدەنتى – ەلباسى قو­رى اتقارۋشى ديرەكتورىنىڭ ورىن­باسارى ي.روگوۆ قاتىسۋشى­لارعا ءوز قۇتتىقتاۋ سوزدەرىن ارنادى.

تسيفرلىق دامۋ، يننوۆاتسيالار جانە اەروعارىش ونەركاسىبى ءمينيسترى ا.جۇ­ماعاليەۆ، كونس­تي­تۋتسيالىق كەڭەس­تىڭ مۇشەسى ۆ.ما­لينوۆسكي، جوعار­عى سوتتىڭ، باس پروكۋراتۋرانىڭ، مەم­لەكەتتىك قىزمەت ىستەرى اگەنتتىگىنىڭ، ادى­لەت، دەنساۋلىق ساقتاۋ، اقپا­رات جانە قو­عامدىق دامۋ مينيس­تر­لىكتەرىنىڭ جانە عىلىمي قوعام­نىڭ وكىلدەرى كونستيتۋتسيا نە­گىزدەرىن ىسكە اسىرۋ ماسەلەلەرى بويىنشا بايانداما جاسادى.

پانەلدى سەسسيالاردا ازا­ماتتاردىڭ كونستيتۋتسيالىق الەۋ­مەتتىك قۇقىقتارىن ىسكە اسىرۋ قۇرالدارىن كۇشەيتۋ، قۇقىق ۇس­تەمدىگىن بەكىتۋ، قوعامدى دەمو­كراتيا­لاندىرۋ، مەملەكەتتىك باس­قارۋدى جانە قۇقىق قورعاۋ جۇيەسىن جەتىلدىرۋ، سونداي-اق جاپپاي تسيفرلاندىرۋ پروتسەسىندە جەكە تۇلعانىڭ مۇددەلەرىن قورعاۋ كەپىلدىگىن نىعايتۋ باعىتتارى قوزعالدى.

دوڭگەلەك ۇستەل اياسىندا كونس­تيتۋ­تسيانىڭ ۇستەم­دىگىن قام­تا­ماسىز ەتۋ جانە قازاقستان­دىق­تاردىڭ كونستيتۋتسيالىق مادەنيەتىن ارتتىرۋ ءىسى بويىنشا جۋرناليستەر اراسىندا ۇيىمداس­تىرىلعان كونكۋرستىڭ جەڭىم­پازدارىن ماراپاتتاۋ ءراسىمى ءوتتى. ايتا كەتەيىك، بۇل كونكۋرس وت­كەن جىلى كونستيتۋتسيا كۇنىنە ارنالعان حالىقارالىق كونفەرەنتسيادا جاريالانعان بولاتىن.

كونستيتۋتسيالىق كەڭەستىڭ توراعاسى ق.ءمامي جەڭىمپازداردى قۇتتىقتاي وتىرىپ، ولارعا كون­كۋرسقا بەلسەندى قا­تىس­قانى ءۇشىن العىسىن ءبىلدىردى جانە حا­لىقتىڭ كونستيتۋتسيالىق-قۇقىقتىق سا­ناسىن جاڭعىرتۋ بويىنشا كاسى­بي قىز­مەتىنە تابىس تىلەدى. لاۋ­رەاتتارعا قۇر­مەت گراموتالارى جانە ەستەلىك سىي­لىق­تار بەرىلدى.

كونستيتۋتسيالىق كەڭەستىڭ تور­اعاسى بۇقارالىق اقپارات قۇرال­دارىنىڭ وكىل­دەرىنە ارناعان سوزىندە بۇگىنگى تاڭدا كونستيتۋ­تسيالىق-قۇقىقتىق سيپاتتاعى ما­سەلەلەردە ماماندانعان كاسىبي جۋرناليستەرگە دەگەن ۇلكەن سۇ­رانىس بار ەكەنىن اتاپ ءوتتى.