ەلباسى قازاقستان مەن رەسەي اراسىندا قالىپتاسقان قارىم-قاتىناستاردىڭ ەرەكشە سەنىمدى سيپاتقا يە ەكەنىن اتاپ ءوتتى.
– ءبىز ون مىڭ بىرلەسكەن كاسىپورىن قۇردىق. رەسەي – قازاقستاننىڭ ەڭ ءىرى ەكونوميكالىق سەرىكتەسى. مەن جۇمىس ىستەگەن جىلداردىڭ بارىندە ءبىز ءسىزدىڭ ەلىڭىزبەن جاقىن جانە سەنىمدى قارىم-قاتىناس ورناتتىق. بۇگىن ءبىز بارلىق ۋاعدالاستىقتارىمىزدى بەكەم ۇستانىپ كەلەمىز, – دەدى قازاقستاننىڭ تۇڭعىش پرەزيدەنتى.
نۇرسۇلتان نازارباەۆ ەكى ەل اراسىنداعى ىنتىماقتاستىقتى ودان ءارى تەرەڭدەتۋ جانە كەڭەيتۋ ءۇشىن بىرلەسكەن شارالار قابىلداۋدىڭ ماڭىزدىلىعىن اتاپ ءوتتى.
– رەسەي بارلىق باعىتتا ءبىزدىڭ نەگىزگى وداقتاسمىز, سەرىكتەسىمىز بولىپ قالا بەرەدى. ءبىز قارىم-قاتىناستارىمىزدى باعالايمىز جانە ءارى قاراي دامىتا بەرەمىز. مەن بۇرىن ايتقانىمداي, سانكتسيالار جاعدايىندا ەكونوميكانىڭ ءتۇرلى سالالارىندا بىرلەسكەن كاسىپورىندار قۇرۋعا ەرەكشە نازار اۋدارۋ كەرەك, – دەدى ەلباسى.
قازاقستاننىڭ تۇڭعىش پرەزيدەنتى ەلشىلىك قىزمەتى الداعى ۋاقىتتا دا ەكى ەل اراسىنداعى دوستىق قارىم-قاتىناستاردى جاقىنداتۋعا جانە نىعايتۋعا باعىتتالاتىنىنا سەنىم ءبىلدىردى.
– رەسەيدە تاۋەلسىز قازاقستاننىڭ نەگىزىن قالاۋشى جانە ساۋلەتشىسى, تۇڭعىش پرەزيدەنت – ۇلت كوشباسشىسى رەتىندە سىزگە ۇلكەن قۇرمەتپەن قارايدى. ءسىز دامۋدىڭ ستراتەگيالىق باعىتىن ساقتاۋدىڭ كەپىلى بولىپ قالا بەرەسىز, – دەدى رەسەي فەدەراتسياسىنىڭ توتەنشە جانە وكىلەتتى ەلشىسى.
سونداي-اق, رەسەي ەلشىسى سىرتقى ساياسات پەن قاۋىپسىزدىك سالاسىنداعى ءوزارا ءىس-قيمىلدى ودان ءارى نىعايتۋ ءۇشىن پەرسپەكتيۆانىڭ بار ەكەنىن اتاپ ءوتتى.
سونىمەن قاتار, ەلباسى قازاقستان مەن رەسەيدىڭ بىرلەسكەن كاسىپورىندارىن قۇرۋ جانە دامىتۋ, سونداي-اق ينۆەستيتسيالىق ىنتىماقتاستىقتى جاقسارتۋ بويىنشا قابىلدانىپ جاتقان شارالار تۋرالى حاباردار ەتىلدى.
