– ەل چەمپيوناتىنداعى «تارازعا» قارسى وتكەن ويىندا يۋري لوگۆينەنكو مەن فيرمين مۋبەلە ويىنعا قاتىساتىن فۋتبولشىلاردىڭ تىزىمىنە ەنگەن جوق. ولاردىڭ جاعدايى قالاي؟
– ءدال قازىرگى ۋاقىتتا بارلىق فۋتبولشى ەرتەڭگى ويىنعا دايىندالىپ جاتىر. نەگىزگى قۇرامدا كىمدەر شىعاتىنىن ەرتەڭ تۇستەن كەيىن انىقتايمىز.
– جانكۇيەرلەردە كوماندا نە ءۇشىن بوريسوۆ قالاسىنا ەمەس, مينسكتە جاتتىعۋ جاساپ جاتىر دەگەن سۇراق تۋىنداۋى مۇمكىن؟
– جاتتىعۋ ءۇشىن ءبىر جارىم ساعات جول ءجۇرۋدىڭ قاجەتى جوق دەپ ەسەپتەيمىن. كومەكشىلەرىم «بوريسوۆ-ارەنانىڭ» جاعدايىمەن ءجىتى تانىسىپ كەلدى. ويىن تاعدىرىن الاڭنىڭ جاعدايى شەشدى دەپ ويلامايمىن. سوندىقتان ۋاقىت جوعالاتپاي, مينسكتە جاتتىقداندى دۇرىس دەپ شەشتىم.
– بوريسوۆ قالاسىندا ءومىر ءسۇرۋ جاعدايى مينسكتەن ارتتا قالا ما؟
– بۇل جەردە (مينسكتە) جاتتىعۋ ءۇشىن وتە قولايلى جاعداي جاسالعان. سوندىقتان وسى قالانى تاڭدادىق.
– ۇزاق ساپار كومانداعا قانشالىقتى كەرى اسەرىن تيگىزەدى؟
– فۋتبولشىلار ءۇشىن بۇل ۇيرەنشىكتى جاعداي. ساپارالۋ, قالا مەن الاڭعا ۇيرەنىسۋ – بۇل ءبىزدىڭ ءومىرىمىز. ءبىز كەز كەلگەن جاعدايدا تەز بەيىمدەلۋىمىز كەرەك.
– قارىمتا كەزدەسۋ الدىندا ەكى نەگىزگى ويىنشىنىڭ كەلىسىمشارتىن ۇزارتۋى قوسىمشا سەنىمدىلىك بەرە مە؟
– بىزگە قازىر كىم كەلىسىمشارتىن ۇزارتتى, كىم ۇزارتايىن دەپ جاتقانى ماڭىزدى ەمەس. ماڭىزدىسى – ەرتەڭگى جاۋاپتى ويىن بولماق. بىزدە كاسىبي فۋتبولشىلار جينالعان. سوندىقتان بۇل جاعدايلار ەرتەڭگى ويىنعا اسەرىن تيگىزبەيدى. فۋتبولشىلار كەلىسىمشارتقا ەمەس, ويىنعا ءمان بەرۋى كەرەك.
– رومان مۇرتازاەۆ ۇلتتىق قۇرامادا ويناۋ ءۇشىن نە ىستەۋ كەرەك دەپ ويلايسىز؟
– - قايتالاپ ايتايىن, مەنىڭ بار ويىم ءدال قازىر ەرتەڭگى كەزدەسۋدە. سوندىقتان, ول تۋرالى ەشتەڭە ايتقىم كەلمەيدى.
– ەرتەڭ قارسى شابۋىلعا يەك ارتاسىز با الدە دوپتى كوبىرەك ءوز باقىلاۋدا ۇستاۋعا ما؟
– بىلەسىز بە, ەرتەڭگى ماتچتىڭ جوسپارى ءبىزدىڭ ەڭ ماڭىزدى قۇپيامىز. سوندىقتان جوسپاردى اشىپ ايتا المايمىن. جوسپاردى تالىقلاۋ, ماڭىزدى كەزدەسۋ الدىندا ايتۋ – دۇرىس ەمەس دەپ ەسەپتەيمىن.
