مەكتەپ قۇرىلىسى بايقوڭىر اۋدانىن كوركەيتە ءتۇستى. راديششەۆ كوشەسىنىڭ تۇرعىندارى ءۇشىن اسفالت توسەلدى. قالا اكىمى اتاپ وتكەندەي, جاڭبىر كەزىندە سۋ تۇرعىنداردىڭ ۇيلەرى مەن اۋلالارىنا كىرمەۋى ءۇشىن اعىزۋ جۇيەسىن ويلاستىرۋ قاجەت. سونداي-اق, موروزوۆ كوشەسىندە اسفالت توسەۋ جۇمىستارى جۇرگىزىلۋدە.
«وقۋ ورنى جاقىن ماڭدا ورنالاسقان № 5 جانە № 16 مەكتەپتەرىندەگى وقۋشىلاردىڭ تىم كوپ بولۋىن رەتتەيدى. مەكتەپ ينجەنەرلىك جەلىلەرگە قوسىلعان», - دەدى ا. كولگىنوۆ.
ا. كولگىنوۆ كەيبىر ءبىلىم بەرۋ مەكەمەلەرىندە كىرمە جولدارمەن پروبلەمالار بار ەكەنىن, جاڭا مەكتەپتە 4 كىرمە جولى قاراستىرعانىن اتاپ ءوتتى. ەلوردادا بارلىعى 108 مەكتەپ, 162 مىڭ وقۋشى بار. 5 جىل ىشىندە 40 ءبىلىم بەرۋ نىسانىنىڭ قۇرىلىسى جوسپارلانۋدا. وسى وقۋ جىلى ءبىرىنشى سىنىپقا 24 مىڭ وقۋشى بارادى.
