اتاپ ايتقاندا, قر قارجى ءمينيسترىنىڭ «جەكە شوتتاردى جۇرگىزۋ ەرەجەلەرىن بەكىتۋ تۋرالى» بۇيرىعىنا (2019 جىلعى 26 تامىزدا كۇشىنە ەنگەن تۇزەتۋلەر) سالىقتىق راقىمشىلىقتىڭ كەلەسى تۇلعالارعا قولدانۋدى كوزدەيتىن تولىقتىرۋلار ەنگىزىلدى:
1. تەكسەرۋ اكتىسى بويىنشا ەسەپتەلگەن سومالار شاعىم بەرۋ ساتىسىندا بولۋىنا بايلانىستى, 2018 جىلعى 1 قازانداعى جاعداي بويىنشا بەرەشەگى جوق سالىق تولەۋشىلەرگە;
2. تەكسەرۋ ناتيجەلەرى تۋرالى حابارلامانى ورىنداۋ مەرزىمى كەلمەۋىنە بايلانىستى 2018 جىلعى 1 قازانداعى جاعداي بويىنشا بەرەشەگى جوق سالىق تولەۋشىلەرگە (30 جۇمىس كۇنى);
3. الدىڭعى سالىق كەزەڭدەرى ءۇشىن Dفنو ۇسىنۋىنا بايلانىستى, 2018 جىلعى 1 قازاننان كەيىن بەرەشەگى پايدا بولعان سالىق تولەۋشىلەرگە.
سالىق تولەۋشىلەردىڭ ءبىرىنشى جانە ەكىنشى ساناتتارى ءۇشىن سالىقتىق راقىمشىلىققا قازىر سالىقتىق تەكسەرۋ وتكىزىلگەن تۇلعالار جاتادى, الايدا بۇل سالىق تولەۋشىلەردە سالىقتىق تەكسەرۋدىڭ ناتيجەلەرى تۋرالى حابارلاۋ بويىنشا تولەم مەرزىمدەرى كەلمەۋىنە نەمەسە سالىق تولەۋشىنىڭ تەكسەرۋ ناتيجەلەرىنە شاعىمدانۋىنا بايلانىستى 2018 جىلدىڭ 1 قازانىنداعى جاعداي بويىنشا سالىق بەرەشەگى بولمادى.
ەرەجەگە تولىقتىرۋلار ازىرلەۋ كەزىندە وسىنداي سالىق تولەۋشىلەردىڭ سانى 746 قۇرادى, ولار بويىنشا 161,9 ملرد تەڭگە ەسەپتەلدى (سالىقتار - 122,6 ملرد تەڭگە, ءوسىمپۇلدار - 39,3 ملرد تەڭگە, ايىپپۇلدار - 0,1 ملرد تەڭگە).
وسىلايشا, نەگىزگى قارىز 122,6 ملرد تەڭگە سوماسىندا تولەم بولعان جاعدايدا, 39,3 ملرد تەڭگە ءوسىمپۇلدار مەن 0,1 ملرد تەڭگە ايىپپۇلدار ەسەپتەن ەسەپتەن شىعارىلۋعا جاتادى (الدىن الا مالىمەتتەر بويىنشا).
سالىقتىق راقىمشىلىققا جاتاتىن سالىق تولەۋشىلەردىڭ ءۇشىنشى ساناتى 2018 جىلدىڭ 1 قازانىنا دەيىنگى كەزەڭدەر ءۇشىن سالىق ەسەپتىلىگىنىڭ قوسىمشا نىساندارىن ۇسىنعان جانە 2019 جىلدىڭ 1 شىلدەسىنە دەيىن وسىماقى سوماسىن تولەمەگەن سالىق تولەۋشىلەر.
وسىلايشا, سالىق تولەۋشى سالىق ەسەپتىلىگىنىڭ قوسىمشا نىسانى بويىنشا ەسەپتەلگەن سومانى اعىمداعى جىلدىڭ سوڭىنا دەيىن تولەگەن جاعدايدا, مۇنداي سالىق تولەۋشى سالىقتىق راقىمشىلىقتى قولدانۋعا قۇقىلى.
ەسكە سالا كەتەيىك, قازاقستان رەسپۋبليكاسىنىڭ تۇڭعىش پرەزيدەنتىنىڭ تاپسىرماسى بويىنشا ەلىمىزدە شاعىن جانە ورتا بيزنەس سۋبەكتىلەرى ءۇشىن سالىقتىڭ نەگىزگى سوماسى وتەلگەن جاعدايدا ءوسىمپۇلدار مەن ايىپپۇلداردى ەسەپتەن شىعارۋ ءۇشىن سالىقتىق راقىمشىلىق جۇرگىزىلىپ جاتقاندىعى بەلگىلى.
شاعىن جانە ورتا بيزنەس سۋبەكتىلەرى ءۇشىن سالىقتىق راقىمشىلىقتى قولدانۋدىڭ شارتى سالىق تولەۋشىدە 2018 جىلدىڭ 1 قازانىنداعى جاعداي بويىنشا بەرەشەگى بولۋى جانە 2019 جىلدىڭ سوڭىنا دەيىن كورسەتىلگەن بەرەشەك سوماسىن تولەۋ بولىپ تابىلادى.
