وندا ءماجىلىس دەپۋتاتى اۋىلدىق جەرلەردەگى الەۋمەتتىك-ەكونوميكالىق دامۋ, ايەلدەردى قولداۋ جانە جۇمىسقا ورنالاستىرۋ ماسەلەلەرى توڭىرەگىندە ماسەلەلەر كوتەردى.
بۇگىندە اقمولا وبلىسىندا مەملەكەتتىك باسقارۋ ورگاندارىندا ەڭبەك ەتەتىن ايەلدەردىڭ ۇلەسى ارتىپ كەلەدى. بارلىق دەڭگەيدەگى ماسليحاتتارداعى 276 دەپۋتاتتىڭ 70-ءىن نازىك جاندىلار قۇراسا, 532 جەرگىلىك اتقارۋشى ورگانداردىڭ 147-ىسىندە ايەلدەر باسشىلىق قىزمەتتەردە ىستەيدى. 56 ايەل سەلولىق وكرۋگتەردىڭ اكىمدەرى بولىپ قىزمەت ەتۋدە. شارۋا قوجالىقتارىن باسقارىپ وتىرعان ايەلدەر دە بار.
شامامەن 400 ايەل «ناتيجەلى جۇمىسپەن قامتۋ جانە جاپپاي كاسىپكەرلىكتى دامىتۋ» باعدارلاماسىنىڭ ارقاسىندا ءوز كاسىپتەرىن دوڭگەلەتىپ وتىر. ۇستىمىزدەگى جىلى 662 ايەل كاسىپكەرلىك نەگىزدەرىنە وقىتىلعان.
بۇل كۇنى فورۋمعا ارنايى كەلگەن باسقا دا مەيماندار ءوز ويلارىن ورتاعا سالىپ, «اۋىلدىق ايماقتاردىڭ الەۋمەتتىك-ەكونوميكالىق دامۋى», «جەرگىلىكتى ءوزىن-ءوزى باسقارۋدى دامىتۋ, بيۋدجەتتىڭ ءتورتىنشى دەڭگەيى» تاقىرىپتارىن پلەنارلىق وتىرىستاردا كەڭىنەن تالقىلادى. اۋدانداردان كەلگەن قاتىسۋشىلار مينيسترلىك وكىلدەرىنە تولعاندارىن ساۋالدارىن قويىپ, ءوتىنىش تىلەكتەرىن جەتكىزدى.
اقمولا وبلىسىندا وسىمەن ەكىنشى رەت وتكىزىلىپ وتىرعان فورۋمدى «Coca-cola» حالىقارالىق قورى مەن قازاقستان رەسپۋبليكاسى پرەزيدەنتى جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى ۇلتتىق كوميسسيانىڭ قولداۋىمەن اقمولا وبلىسىنىڭ اكىمدىگى, G-Global حالىقارالىق حاتشىلىعى, «جاسىل ەكونوميكا جانە Global-دى دامىتۋ كواليتسياسى» جانە «قازاقستان ايەلدەرىنىڭ اگرارلىق وداعى» زاڭدى تۇلعالار بىرلەستىكتەرى بىرلەسىپ ۇيىمداستىردى.
