كەزدەسۋدە گرەكياعا قازاقستاندىق حالىقارالىق باستامالارعا قولداۋ كورسەتكەنى ءۇشىن, سونداي-اق حالىقارالىق ارەنادا ءوزارا ءتيىمدى ءوزارا ءىس-قيمىلدى ودان ءارى دامىتۋ نيەتتەرى ءۇشىن ريزاشىلىعىن ءبىلدىردى.
ءسىم باسشىسى گرەكيا قازاقستاننىڭ وڭتۇستىك ەۋروپاداعى ماڭىزدى ارىپتەسى بولىپ تابىلاتىنىن اتاپ ءوتتى, گرەك پارلامەنتى مەن ۇكىمەتىنىڭ جاڭا قۇرامىنىڭ سايلانۋىمەن قۇتتىقتاپ, ەكىجاقتى ىنتىماقتاستىقتىڭ ودان ءارى جەمىستى دامۋىنا ءۇمىت ءبىلدىردى.
تاراپتار ەكونوميكالىق جانە تەحنولوگيالىق ىنتىماقتاستىق جونىندەگى قولدانىستاعى ۇكىمەتارالىق كوميسسيا شەڭبەرىندە شارت-قۇقىقتىق بازانى كەڭەيتۋ جانە جۇمىستىڭ جاڭا پەرسپەكتيۆالىق باعىتتارىن ايقىنداۋ قاجەتتىگىن اتاپ ءوتتى.
گرەكيا ەلشىسى قازاقستان باسشىلىعىنا قازاقستان-گرەك ىنتىماقتاستىعىن نىعايتۋ ىسىندەگى ءتيىمدى ءوزارا ءىس-قيمىل جانە ونىڭ قىزمەتىنە قولداۋ كورسەتكەنى ءۇشىن العىسىن ءبىلدىردى.
مينيستر گرەك ارىپتەسىنە الداعى قىزمەتىنە تابىس تىلەپ, ا. كاترانيس ءبىزدىڭ ەلدە ارقاشان قالاۋلى قوناق بولاتىنىن اتاپ ءوتتى.
قازاقستان مەن گرەكيا اراسىنداعى ديپلوماتيالىق قاتىناستار 1992 جىلدىڭ 1 قازانىندا ورناتىلدى. قازاقستاننىڭ گرەكيامەن سىرتقى ساۋدا اينالىمى 2018 جىلى 1,2 ملرد. اقش دوللارىن قۇرادى (ەكسپورت – 1,1 ملرد., يمپورت - 19,3 ملن.).
حح عاسىردىڭ 30-شى جانە 40-شى جىلدارى قازاقستان مىڭداعان قۋعىن-سۇرگىنگە ۇشىراعان گرەكتەردى قابىلدادى. قۋعىن-سۇرگىنگە ۇشىراعانداردىڭ ۇرپاقتارى قازاقستاندا گرەك دياسپوراسى بولىپ تابىلادى.
