ورتالىق ديرەكتورى روزا بەكجانوۆانىڭ ايتۋىنشا, «ايكۇنە» بۇل ومىرتقاعا ارنالعان جاتتىعۋلار جيىنتىعى. ومىرتقا اراسىنداعى بۇلشىقەتتەر مەن تامىرلاردى وياتىپ, ولاردى سوزۋ ارقىلى قان اينالىمىن كۇشەيتىپ, بۇكىل اعزاداعى جاسۋشالار تولىق قانمەن قامتاماسىز ەتىلەدى, سونىڭ اسەرىنەن دەنە بۋىرقانىپ تەرلەي باستايدى. جاتتىعۋلار كومەگىمەن ومىرتقانىڭ باستاپقى قوزعالۋ جانە يىلگىشتىك قاسيەتى قالپىنا كەلىپ, قىسىلىپ تۇرعان نەرۆ جۇيەلەرى بوساتىلىپ, دەنەدەگى قۇرىسقان جاعداي كەتەدى. جاتتىعۋ باستاساڭىز, ءبىرىنشى كۇننەن-اق اسەرى سەزىلەدى. ومىرتقانى قالپىنا كەلتىرۋ ارقىلى ىشكى قۇرىلىس تا ءوزى قالپىنا كەلىپ, ءوت جولدارى تازارىپ, باۋىر, بۇيرەك, جۇرەك اۋرۋلارى دا ساۋىعا باستايدى. قازىرگى ەل اۋزىندا جۇرگەن «داۆلەنيە», «وستەوحاندروز», «ارتروز», «زوب» اۋرۋلارى كەتە باستايدى.
«2017 جىلدان باستاپ «ايكۇنە» الەۋمەتتىك جوبالاردى قامتي باستادى. كوپتەگەن ەمگە, اسىرەسە شەتەلدىڭ ءتيىمدى ەمەۋ ادىستەرىنە قولى جەتپەيتىن «قاراپايىم حالىققا كومەك ەتۋ – پارىز» دەپ سانايتىن اباي اقات ۇلى وسى جوبانى شىن ىقىلاسىمەن قولعا الىپ, جاتتىعۋ ادىستەرىن ۇيرەتەتىن ينسترۋكتورلاردى تەگىن دايىنداپ, ولارعا بارىنشا قولداۋ كورسەتە باستادى» دەگەن ورتالىق ديرەكتورى «ايكۇنە» جاتتىعۋىنىڭ قولدانىسقا ەنۋ تاريحىنا توقتالىپ ءوتتى. قازىرگى كەزدە ورتالىقتا دايىندىقتان وتكەن ينسترۋكتورلار الەۋمەتتىك سالادا قىزمەت كورسەتىپ جاتىر. ولار: المالى, اۋەزوۆ, ناۋرىزباي اۋداندارىندا اشىلعان «بەلسەندى ۇزاق ءومىر ءسۇرۋ ورتالىقتارىندا» (تسەنتر اكتيۆنوگو دولگولەتيا) , №7 اۋرۋحانادا, فيتنەس زالدارىندا حالىق ساۋلىعىنا وراسان زور پايدا كەلتىرەتىن ساۋىقتىرۋ جاتتىعۋلارىن ۇيرەتۋدە. سونداي-اق دوستىق داڭعىلىندا ورنالاسقان «Nova» كلينيكاسى دا حالىققا پايدالى قىزمەت كورسەتۋدە.
الماتى
