ب. ساپارباەۆا اتاپ وتكەندەي, قر تۇڭعىش پرەزيدەنتى – ەلباسى ن. نازارباەۆ ۇكىمەت الدىنا قويعان باستى مىندەتتەردىڭ ءبىرى — قازاقستاندىقتاردىڭ ءال-اۋقاتىن ارتتىرۋدى قامتاماسىز ەتۋ.
بيىل قازاقستاندىقتاردىڭ جەكەلەگەن ساناتتارىنىڭ جالاقىلارى ەكى ەسەگە ءوستى. 3 ملن-نان استام قازاقستاندىق ءۇشىن جالاقى مولشەرى 15%-دان 30%-عا دەيىن ارتتى.
ەلباسىنىڭ تاعى ءبىر ماڭىزدى تاپسىرماسى — قازاقستاندىقتاردى جۇمىسپەن قامتۋ, جاڭا جۇمىس ورىندارىن اشۋ.
ب. ساپارباەۆتىڭ ايتۋىنشا, بۇل تاپسىرما قازاقستاندا ىسكە اسىرىلىپ جاتقان 14 مەملەكەتتىك جانە سالالىق باعدارلامار اياسىندا ورىندالىپ جاتىر.
ء«وز سوزىندە نۇرسۇلتان ءابىش ۇلى نازارباەۆ ادامداردىڭ ءال-اۋقاتىن جاقسارتۋ ولاردىڭ ەڭبەگىنە بايلانىستى بولاتىنىن ايتتى, ياعني ەگەر دەنى ساۋ بولسا, ەڭبەككە قابىلەتتى ادام جۇمىس ىستەۋى كەرەك. مەملەكەتتىك قولداۋ مەن الەۋمەتتىك كومەكتىڭ بارلىعى وعان مۇقتاج ادامدارعا عانا كورسەتىلۋى ءتيىس», — دەدى ول.
ماسەلەن, بيىل 373 مىڭ جاڭا جۇمىس ورنى قۇرىلادى. 2019 جىلدىڭ 7 ايىنىڭ قورىتىندىسى بويىنشا بۇل تاپسىرما 60%-عا ورىندالدى. ونىڭ ىشىندە 150 مىڭنان استام ورىن — ناقتى جۇمىس ورنى. سۇرانىسقا يە ەمەس ماماندار قازىرگى تاڭدا سۇرانىسقا يە ماماندىقتار بويىنشا قىسقا مەرزىمدى وقىتۋدان ءوتتى.
«ەڭبەك» باعدارلاماسى اياسىندا «بيزنەس باستاۋ», «جاس مامان», «جاس كاسىپكەر» جوبالارى ىسكە اسىرىلىپ جاتىر.
سونىمەن قاتار, شاعىن نەسيەلىك گرانتتار بار. ەلباسىنىڭ «الەۋمەتتىك قامقورلىق» جاڭا الەۋمەتتىك شارالارىنا سايكەس قوسىمشا 15 مىڭ گرانت ءبولىندى. بۇل ماقساتتاردا رەسپۋبليكالىق بيۋدجەتتەن 32 ملرد تەڭگە ءبولىندى.
پرەمەر-ءمينيستردىڭ ورىنباسارى سونىمەن قاتار اتاۋلى الەۋمەتتىك كومەكتىڭ جاڭا فورماتىن ىسكە اسىرۋ تۋرالى باياندادى. بۇگىنگى تاڭدا 340 مىڭنان اسا وتباسى نەمەسە 1,8 ملن قازاقستاندىق وسى كومەك تۇرىمەن قامتىلعان. ااك الۋشىلاردىڭ 58%-ى — اۋىل تۇرعىندارى. رەسپۋبليكالىق بيۋدجەتتەن تولەنگەن قاراجات كولەمى — 103 ملرد تەڭگە. سونىڭ ناتيجەسىندە 37 مىڭ ادام جۇمىسقا ورنالاستىرىلدى, 6 مىڭعا جۋىق ادام ءوز ءىسىن اشتى. ماسەلەن, 88 مىڭ اۋىل تۇرعىنى مال, تەحنيكا ت.ب. الۋ مۇمكىندىگىنە يە بولدى.
«جالپى, ااك الاتىن وتباسىلاردىڭ ماتەريالدىق جاعدايلارى جاقساردى. ااك كولەمى ءبىر ادامعا شاققاندا 6 مىڭ تەڭگەدەن 15 مىڭ تەڭگەگە دەيىن ارتتى. ەگەر بۇرىن ءبىر وتباسىعا ورتا ەسەپپەن 30 مىڭ تەڭگە تولەنگەن بولسا, قازىر – 86 مىڭ تەڭگە. تالداۋ مالىمەتتەرى بويىنشا, ااك ەل ەكونوميكاسىنا 300 ملرد تەڭگە كولەمىندە مۋلتيپليكاتيۆتى اسەر بەردى», — دەدى ب. ساپارباەۆ.
سونىمەن قاتار, ب. ساپارباەۆ ااك تاعايىنداۋدا كومەكتىڭ شىنىمەن مۇقتاج ادامدارعا كورسەتىلۋىنە ەرەكشە كوڭىل بولىنگەنىن ايتتى. ااك تاعايىنداۋدا تابىستى بۇرمالاۋدىڭ كوپتەگەن فاكتىلەرى انىقتالدى — بارلىعى 70 مىڭعا جۋىق تاعايىنداۋ قايتا قاراۋدى تالاپ ەتەدى. بۇگىنگى تاڭدا تۇراقتى مونيتورينگ جۇرگىزىلۋدە. ەحاقم-دە ەڭبەك رەسۋرستارىن دامىتۋ ورتالىعى جۇمىس ىستەيدى, وعان زەينەتاقى قورىنا قاراجات اۋداراتىن بارلىق جۇمىس ىستەيتىن قازاقستاندىقتار بويىنشا مالىمەتتەر كەلىپ تۇسەدى. سونىڭ نەگىزىندە ازاماتتاردىڭ جالاقىسى مەن ونىڭ وتباسىنىڭ تابىسى انىقتالادى. ااك جوسىقسىز الۋشىلار بويىنشا جەرگىلىكتى اتقارۋشى ورگاندارمەن ولاردىڭ ناقتى تابىسىن ناقتىلاۋ بويىنشا جۇمىستار جۇرگىزىلەدى.
ء«بىز مۇقتاج ادامداردى ماسىلداردان اجىراتۋىمىز كەرەك. ەگەر ءبىز وسى كومەكتى پايدالانىپ, ماسىلدىققا بوي ۇرساق, ءبىزدىڭ بولاشاعىمىز نە بولادى, بالالارىمىزعا قانداي تاربيە بەرەمىز, ءبىزدىڭ ەلىمىز قالاي داميدى؟ سوندىقتان بۇل ماسەلەدە قاتەلىككە جول جوق. دەنى ساۋ, ەڭبەككە قابىلەتتى ادامدار جۇمىس ىستەۋى كەرەك. ول ءۇشىن بارلىق جاعدايلار جاسالعان», — دەدى ب. ساپارباەۆ.
سونىمەن قوسا, مەملەكەت باسشىسىنىڭ «قازاقستان رەسپۋبليكاسى ازاماتتارىنىڭ بورىش جۇكتەمەسىن ازايتۋ تۋرالى» جارلىعىن ىسكە اسىرۋ بويىنشا جۇمىستار جۇرگىزىلىپ جاتىر. قر ەحاقم قر ۇلتتىق بانكىمەن بىرلەسىپ 33 ملرد تەڭگە سوماسىنا 1,2 ملن قازاقستاندىقتاردىڭ ايىپپۇلدارى مەن ءوسىمپۇلدارىن ەسەپتەن شىعاردى. سونىمەن قاتار, ءبىر قارىز الۋشىعا ەسەپپەن تۇتىنۋشىلىق نەسيەلەر سوماسى 300 مىڭ تەڭگەگە دەيىن تومەندەتىلدى. جالپى, نەسيەلەر سوماسى 105 ملرد تەڭگە سوماسىنا 630 قازاقستاندىق ءۇشىن تومەندەتىلەتىن بولادى.
ەلباسىنىڭ تاعى ءبىر تاپسىرماسى — مەملەكەتتىك قىزمەتتەردى ەلەكتروندى فورماتقا اۋىستىرۋ اياسىندا بۇگىندە مەملەكەت 730-عا جۋىق مەملەكەتتىك قىزمەت كورسەتەدى. ونىڭ ىشىندە بۇگىنگى تاڭدا ەلەكتروندى فورماتقا 72% كوشىرىلدى. جىل سوڭىنا دەيىن بۇل كورسەتكىش 80%-عا جەتكىزىلەدى. ەلباسىنىڭ كەلەسى جىلى بۇل كورسەتكىشتى 90%-عا دەيىن جەتكىزۋ تۋرالى تاپسىرماسى بار.
