جەدەل ۇنقوسۋلار
بەيسەنبى, 24 قاڭتار 2013 7:56
راحمان الشانوۆ,
«تۇران» ۋنيۆەرسيتەتىنىڭ رەكتورى:
– ەلباسى نۇرسۇلتان نازارباەۆ ۇكىمەت الدىنا ماڭىزدى مىندەتتەر قويدى. مۇنى ءبىر جاعىنان «قازاقستان-2050» ستراتەگيالىق باعدارلاماسىمەن تىكەلەي بايلانىسى بار مىندەتتەر دەۋگە بولادى. ەندى ەلىمىزدە مەملەكەت باسشىسىنىڭ تاپسىرماسىنا سايكەس جاڭا تەمىر جولدار, تاس جولداردىڭ قۇرىلىسى جۇرگىزىلىپ, جاڭا گاز قۇبىرلارى سالىنىپ, ەنەرگەتيكالىق قاۋىپسىزدىگىمىز نىعاياتىن بولادى.
بەيسەنبى, 24 قاڭتار 2013 7:56
راحمان الشانوۆ,
«تۇران» ۋنيۆەرسيتەتىنىڭ رەكتورى:
– ەلباسى نۇرسۇلتان نازارباەۆ ۇكىمەت الدىنا ماڭىزدى مىندەتتەر قويدى. مۇنى ءبىر جاعىنان «قازاقستان-2050» ستراتەگيالىق باعدارلاماسىمەن تىكەلەي بايلانىسى بار مىندەتتەر دەۋگە بولادى. ەندى ەلىمىزدە مەملەكەت باسشىسىنىڭ تاپسىرماسىنا سايكەس جاڭا تەمىر جولدار, تاس جولداردىڭ قۇرىلىسى جۇرگىزىلىپ, جاڭا گاز قۇبىرلارى سالىنىپ, ەنەرگەتيكالىق قاۋىپسىزدىگىمىز نىعاياتىن بولادى.
كەشەگى كەڭەستە «ەكسپو-2017» حالىقارالىق كورمەسىنە دايىندىق تۋرالى دا ماسەلەلەر قارالدى. وندا نۇرسۇلتان ءابىش ۇلى بولاشاقتا ۇلتتىق ەكونوميكامىزدىڭ قوزعاۋشى كۇشى بولاتىن «جاسىل ەكونوميكا» يدەياسى تۋرالى جاقسى ۇسىنىستار ايتتى. بۇل ەلىمىزدىڭ دامۋىنا وڭ سەپتىگىن تيگىزەتىن يدەيا. بولاشاقتا اتالعان يدەيا ىسكە اسىپ جاتسا, ءبىز تابيعي رەسۋرستاردان تۇسەتىن قارجىعا قاراپ قالماي, كۇن باتارەياسىن پايدالانىپ, جاڭا يننوۆاتسيالىق جوبالاردى ىسكە اسىراتىن بولامىز.
تالعات نۇرعاليەۆ,
«قۇماش نۇرعاليەۆ اتىنداعى گيمنازيا» مم ديرەكتورى:
– كەشە گيمنازيانىڭ وقىتۋشىلار قۇرامى مەن وقۋشىلار ەلباسىنىڭ كەڭەيتىلگەن كەڭەستە سويلەگەن سوزدەرىن, مەملەكەتتىك ورگاندارعا بەرگەن تاپسىرمالارىنىڭ ءبارىن وسى ينتەرنەت ارقىلى كورۋگە مۇمكىندىك الدى. مەملەكەت باسشىسى ۇتىمدى ويلار, جاڭا يدەيالار ايتىپ, ۇكىمەت مۇشەلەرىنىڭ الدىنا جاڭا مىندەتتەر قويدى. وندا شاعىن جانە ورتا بيزنەستى دامىتۋ, ازىق-ت ۇلىك قاۋىپسىزدىگى, «جاسىل ەكونوميكانى» قۇرۋ, 2017 جىلى وتەتىن «ەكسپو-2017» حالىقارالىق كورمەسىنە دايىندىق ماسەلەلەرى قارالدى. سونىڭ ىشىندە ءبىزدىڭ وقىتۋشىلار مەن وقۋشىلاردى «جاسىل ەكونوميكا» يدەياسى قاتتى قىزىقتىردى. ويتكەنى, ءبىزدىڭ گيمنازيادا 4-5 جىلدان بەرى «بولاشاق ەنەرگياسى» ءپانى بويىنشا ساباقتار وتكىزىلىپ, سودان العان بىلىمدەرى بويىنشا بالالار رەسپۋبليكالىق جانە وبلىستىق وليمپيادالارعا قاتىسىپ, جۇلدەلى ورىندارعا يە بولىپ كەلەدى.
اسقار رزاحانوۆ,
«وزەنمۇنايگاز» اق باس ديرەكتورى:
– مەملەكەت باسشىسى ەلىمىزدىڭ ەكونوميكالىق ءوسۋىن قامتاماسىز ەتۋ, كولىك ينفراقۇرىلىمىن دامىتۋ, سونداي-اق «جاسىل ەكونوميكا» جانە ءۇشىنشى يندۋستريالىق رەۆوليۋتسيا سىندى جاھاندىق ۇردىستەر ماسەلەلەرىنە ايرىقشا نازار اۋداردى. مەملەكەت باسشىسى بەلگىلەگەن باعىتقا سايكەس, وزەن مۇنايشىلارى وزدەرىنىڭ كاسىپورىندارىندا كەڭ كولەمدە الەۋمەتتىك جاڭعىرتۋ ۇدەرىستەرىن جۇرگىزىپ جاتىر. بۇل رەتتە بارلىق دەڭگەيدەگى قىزمەتكەرلەردىڭ ەڭبەك جاعدايىن جاقسارتۋ باعىتىندا سان سالالى جوبالار جۇزەگە اسىرىلۋدا. ءبىز بۇگىندە پرەزيدەنت باسىمدىق بەرىپ وتىرعان جۇمىسسىزدىقتى ازايتۋ, حالىقتىڭ الەۋمەتتىك احۋالىن كوتەرۋ, ياعني جۇمىسشىلاردىڭ دەنساۋلىعىن ساقتاۋ, وتباسىلىق جاعدايلارىن جاقسارتۋ سىندى ماسەلەلەرگە اسا ءمان بەرۋدەمىز. ءبىزدىڭ ۇجىم ەلباسىنىڭ ساياساتىن, ونىڭ باستامالارىن تولىقتاي قولدايدى. سەبەبى پرەزيدەنتتىڭ كەز كەلگەن شەشىمى مەملەكەت دامۋىنىڭ تەتىگى بولىپ تابىلادى.
ۆيتالي سۆينتسيتسكي,
پاۆلودار وبلىسىنداعى «قازاقستان پولياكتارى ۇيىمى» قوعامدىق بىرلەستىگىنىڭ توراعاسى, قازاقستان حالقى اسسامبلەياسىنىڭ مۇشەسى:
– كەڭەس بارىسىندا مەملەكەت باسشىسى نۇرسۇلتان نازارباەۆ ەلىمىز وڭىرلەرىندەگى اپاتتى جاعدايدا تۇرعان مەكتەپتەر مەن اۋرۋحانالاردى, ءۇش اۋىسىمدا وقىتاتىن مەكتەپتەردى قايتا قالپىنا كەلتىرمەس بۇرىن جاڭادان نىساندار تۇرعىزۋعا تىيىم سالدى. ءبىر جاعىنان الىپ قاراعاندا, بۇل دۇرىس شەشىم ەمەس سياقتى كورىنەدى. سەبەبى, ەلدى مەكەندەردىڭ باسىم كوپشىلىگىنە جاڭا الەۋمەتتىك عيماراتتار اۋاداي قاجەت. الايدا مەملەكەت باسشىسىنىڭ سوزىنە تەرەڭ ءمان بەرە وتىرىپ ونىڭ دۇرىستىعىنا كوز جەتكىزەسىڭ. ويتكەنى, ەلىمىزدە 189 مەكتەپ پەن 68 دەنساۋلىق ساقتاۋ سالاسى نىسانىنىڭ اپاتتى جاعدايدا تۇرۋى قالىپتى جاعداي ەمەس.
شىنىمەن دە ءبىز وسىنداي پروبلەمالاردى شەشپەي, العا جىلجي المايمىز. سەبەبى, ونداي ماسەلەلەر ءبىزدىڭ ىلگەرى دامۋىمىزعا كەدەرگى كەلتىرەدى. سوندىقتان ەلباسىنىڭ بۇل ماسەلەگە وراي ايتقان ۇسىنىسى وتە ورىندى دەپ ەسەپتەيمىن.
