ۇلى جىبەك جولى قايتا جاڭعىرادى

جاڭانىڭ ءبارى بۇرىنعى. “با­تىس ەۋروپا - باتىس قىتاي” اۆ­توبانى تۋرالى دا وسىلاي دەۋگە بولادى. ويتكەنى, ەلىمىزدىڭ الىس-بەرىسى مەن بارىس-كەلىسىن جان­داندىرۋ ءۇشىن سالىنىپ جاتقان كۇرەجولدىڭ سىلەمى بۇرىنعى ۇلى جىبەك جولىنىڭ بويىمەن وتەدى. سوندىقتان بۇل يگىلىكتى ءىستى جاڭا عاسىرداعى جاڭا ەلدىڭ جاڭا جىبەك جولى, جاڭا ساۋدا ارناسى دەپ باعالاۋعا ابدەن بولادى. ەل­باسى ن. نازارباەۆتىڭ “جاڭا ون­جىلدىق –جاڭا ەكو­نو­ميكالىق ورلەۋ –قازاقستاننىڭ جاڭا مۇمكىندىكتەرى” دەپ اتالا­تىن بيىلعى جولداۋىندا ء“بىز سالۋعا كىرىسەتىن “باتىس ەۋروپا-باتىس قىتاي” اۆتوجولى – تاۋ­ارلار تاسىمالى ءۇشىن ماڭىزدى ماگيسترال” دەپ اتاپ كورسەتۋى دە وسى ويىمىزدى راستاي تۇسسە كەرەك. بۇگىندە وسى باتىس-شىعىس كۇرەجولىنىڭ 495,3 شاقىرىمعا سوزىلاتىن جامبىلدىق بولىگىن بەلگىلەنگەن مەرزىمدە ىسكە قوسۋ ءۇشىن ۇلكەن دايىندىق جۇرگىزى­لۋدە. جۇمىس اۋقىمى وتە ۇلكەن. ويتكەنى, اۆتوبان بويىندا ءۇل­كەن­­دى-كىشىلى 22 كوپىر, 15 جول ءوت­كىزگىش, 643 سۋ اعار قۇرىلىستارى قاتار جۇرگىزىلەدى. جول جامىل­عىسىنىڭ قاتتى ماندەگى سەرپىم­دىلىك قۋاتى 13 توننا سالماققا ەسەپتەلگەندىكتەن بۇل دا تەحنيكا مەن ادام كۇشتەرىن قوسقاندا قوماقتى قارجىنى جانە ماتەري­الدىق رەسۋرستاردى قاجەت ەتەدى. مىسالى, مامانداردىڭ ەسەپ­تەۋىنشە وبلىس اۋماعىنان وتەتىن باتىس-شىعىس جولىنىڭ قۇرى­لىسى ءۇشىن 17 ملن. توننا قۇم, 3 ملن. توننا تسەمەنت, 34 مىڭ تون­نا بيتۋم جانە ءىرى كولەمدە تەمىر-بەتون بۇيىمدارى قاجەت ەكەن. داتكە قۋاتى بۇگىندە جامبىل وڭىرىندە 25 تاس جانە 35 قۇمشا­عال جانە شاعال كارەرلەرى مەن 15 اسفالت-بەتون زاۋىتى جانە ۇساقتاعىش-سۇرىپتاعىش قوندىر­عىلار بار. “قۇرىلىس قۇراستىر­مالى زاۋىتى سەرىكتەستىگى”, “يم­ستالكون” اق, “جامبىل مەتالل قۇراستىرۋ زاۋىتى” فيليالى جانە “تاركون” سەرىكتەستىكتەرى مە­تالل قۇراستىرمالارىنا دەگەن سۇرانىستى وتەي الادى. بەتون بۇيىمدارىن ازىرلەيتىن “جام­بىلحيمستروي”, “كەراميك ين­ۆەست” جانە “عيمارات-تاراز” سە­رىك­تەستىكتەرى سياقتى 20 شاقتى كا­سىپورىن دا “عاسىر جولىنا” ات­سالىسۋعا دايىن. بۇگىندە باتىس-شىعىس اۆتو­جو­لى 11 بولىمشەگە ءبولىنىپ, ءتور­تەۋىنە تەندەر ءوتىپ, مەردىگەر كومپانيالار انىقتالدى. ولارعا تيىسىنشە الدىن-الا تولەمدەر جاسالدى. جامبىل وبلىسىندا دا جول سالۋدا تاجىريبە جيناقتاعان ءىرى كومپانيالار بار. ولار دا باعىن سىناپ كورمەكشى. ويتكەنى, جول تسەمەنتتى بەتونمەن سالىنىپ, نەمىس تەحنولوگياسى قولدانىلا­تىن­دىقتان مۇنداي كۇردەلى جۇ­مىسقا تاجىريبەسى مول, تەحنو­لوگياسى دامىعان الەۋەتتى كومپا­نيالار عانا تاۋەكەل ەتەدى. وڭىردە قۇرىلىس يندۋستريا­سىن دامىتۋ جوباسى بويىنشا بۇعان دەيىن بىرنەشە ءىرى تسەمەنت زاۋىتتارى ىسكە قوسىلعان بولا­تىن. ونىڭ بيىلعى جىلى پايدا­لانۋعا بەرىلەتىندەرى دە بار. دە­مەك, جول قۇرىلىسى ءۇشىن تسە­مەنت­تى دە “الىستان اربالاۋدىڭ” قاجەتى جوق. بۇگىندە ءىرى جوبانى جۇزەگە اسىرۋ جولىنداعى جۇمىس­تار باستالىپ تا كەتتى. قازىر وبلىستا جول سالاتىن ايماقتارعا تەحنيكالار جەتكىزىلىپ, قۇرىلىس ماتەريالدارى ازىرلەنۋدە. مەر­دىگەر كومپانيالار 143 مىڭ تەكشە مەتر شاعال دايىنداپ, 122 بىرلىك تەحنيكا اكەلدى. جۇمىسقا ازىرگە 375 ادام كۇشى تارتىلىپ وتىر. الماتى مەن تارازدىڭ ارا­سىنداعى ويىلىپ كەتكەن اسفالت جولدان زارەزاپ بولعان جۇرگىزۋ­شىلەر بىزدەن “جاڭا جول قاشان بىتەدى ەكەن؟” دەپ سۇرايدى. ءبىز بۇل ساۋ­الدى ەلىمىزدىڭ كولىك ينفرا­قۇرلىمىن دامىتۋ كوميتەتى وب­لىستىق باسقارماسىنىڭ باستىعى ە. جۇنىسوۆكە جەتكىزگەنبىز. “با­تىس ەۋروپا-باتىس قىتاي” اۆتو­بانىنىڭ جامبىل وبلىسىنان وتەتىن بولىگى 2012 جىلدىڭ جەل­توقسان ايىندا پايدالانۋعا بەرىلەدى” دەدى ول سەنىمدى تۇردە. ەندەشە, جولاۋشىعا جول بولسىن تىلەگەن جولشى اعايىن­دار­دىڭ جۇ­مى­سىنا تەك قانا ءسات­تى­لىك ءتى­لە­ي­ىك, اعايىن. كوسەمالى ساتتىباي ۇلى, جامبىل وبلىسى.