ءتۇبى ءبىر تۇركى ەكەنىمىزدى ەسكەرسەك
جۇما, 18 قاڭتار 2013 7:51
وزبەكستانداعى اعايىندار قازاق ەلىنىڭ لاتىن ءالىپبيىنە كوشۋ باستاماسىن تولىق قۇپتايدى دەگەن سەنىمدەمىن ءوز باسىم. الايدا, ءبىر ەسكەرەرلىگى, ءوزبەك ەلىندە الدىن الا دايىندىقتىڭ جەتكىلىكسىزدىگىنەن لاتىن الىپبيىنە كوشۋ كەزىندە كوپتەگەن قيىندىقتار كەزدەستى. ال قازاق مەكتەپتەرى بۇگىنگە دەيىن كيريلليتسانى پايدالانۋدا. ونىڭ سەبەبى, قازاق جانە وزبەك ەلدەرىندە وقۋلىقتاردىڭ ەكى ءتۇرلى الىپبيمەن شىعۋىنا بايلانىستى بولىپ وتىر. الداعى كەزدە وزبەكستانداعى قازاق مەكتەپتەرىنىڭ تاعدىرى نە بولماق؟ ەكى ەل باسشىلارى ءجيى كەزدەسۋدە. سول كەزدەسۋلەردە وسى ماسەلە ۇمىت قالماسا دەيمىز. بارلىق قازاق ءبىر الىپبيگە كوشەتىن كۇن الىس ەمەس. بىراق, بۇگىنگى جاستاردى ۇمىتپايىق.
جۇما, 18 قاڭتار 2013 7:51
وزبەكستانداعى اعايىندار قازاق ەلىنىڭ لاتىن ءالىپبيىنە كوشۋ باستاماسىن تولىق قۇپتايدى دەگەن سەنىمدەمىن ءوز باسىم. الايدا, ءبىر ەسكەرەرلىگى, ءوزبەك ەلىندە الدىن الا دايىندىقتىڭ جەتكىلىكسىزدىگىنەن لاتىن الىپبيىنە كوشۋ كەزىندە كوپتەگەن قيىندىقتار كەزدەستى. ال قازاق مەكتەپتەرى بۇگىنگە دەيىن كيريلليتسانى پايدالانۋدا. ونىڭ سەبەبى, قازاق جانە وزبەك ەلدەرىندە وقۋلىقتاردىڭ ەكى ءتۇرلى الىپبيمەن شىعۋىنا بايلانىستى بولىپ وتىر. الداعى كەزدە وزبەكستانداعى قازاق مەكتەپتەرىنىڭ تاعدىرى نە بولماق؟ ەكى ەل باسشىلارى ءجيى كەزدەسۋدە. سول كەزدەسۋلەردە وسى ماسەلە ۇمىت قالماسا دەيمىز. بارلىق قازاق ءبىر الىپبيگە كوشەتىن كۇن الىس ەمەس. بىراق, بۇگىنگى جاستاردى ۇمىتپايىق.
شەكارالاس وڭتۇستىك قازاقستان وبلىسىندا ءبىزدىڭ بالالار ءۇشىن كاسىپتىك ماماندىق بەرەتىن كوللەدج, گيمنازيالار اشۋ جونىندە قر ءبىلىم جانە عىلىم ءمينيسترى ب.جۇماعۇلوۆ دۇنيەجۇزى قازاقتارىنىڭ IV قۇرىلتايىندا ۋادە بەرگەن ەدى. وسى ماسەلە دە تەز شەشىمىن تاپسا دەيمىز. سوندىقتان الەمدەگى بارشا قازاق تەك قانا ءبىر الىپبيگە كوشسە, وتە قۋانارلىق ءجايت بولار ەدى.
تۇركى ەلدەرىنىڭ ءبىر-بىرىمەن قارىم-قاتىناسى جاقسارۋى ءۇشىن دە بىرىڭعاي الىپبيگە كوشۋ تىم ماڭىزدى ەكەندىگىن ۇمىتپاساق دەيمىن…
تۇرسىمات قالباەۆ,
وزبەكستانداعى قازاق مادەني
ورتالىعىنىڭ بۇرىنعى توراعاسى,
تاريحشى, دەربەس زەينەتكەر.
