بەس جىلدا – 50 بالاباقشا, 30 مەكتەپ
سارسەنبى, 16 قاڭتار 2013 7:17
تاۋەلسىز ەلىمىزدىڭ تۇعىرلى سيمۆولىنا اينالعان استانا قالاسىن ءاربىر قازاقستاندىق ءوزىنىڭ باس قالاسى رەتىندە ماقتان تۇتادى. ەلىمىزدە جۇرگىزىلگەن سوڭعى الەۋمەتتىك زەرتتەۋلەر قورىتىندىسى بويىنشا, ەل ازاماتتارىنىڭ 93 پايىزى ونى رەسپۋبليكامىزدىڭ قارقىندى دامىپ كەلە جاتقان ەكونوميكاسىنىڭ نەگىزگى لوكوموتيۆى دەپ تۇسىنەدى. جاھاندىق ايتۋلى باسقوسۋلاردىڭ ورتالىعىنا اينالعان ەلوردامىز سونىمەن ءبىرگە, ەلىمىزدىڭ قالالارىنىڭ ىشىندە تۇرعىندارىنا الەۋمەتتىك-تۇرمىستىق قولايلى جاعداي جاساۋ ماسەلەسىندە ۇلگى تۇتارلىق اۋقىمدى جوبالاردى ءجۇزەگە اسىرىپ كەلەدى.
سارسەنبى, 16 قاڭتار 2013 7:17
تاۋەلسىز ەلىمىزدىڭ تۇعىرلى سيمۆولىنا اينالعان استانا قالاسىن ءاربىر قازاقستاندىق ءوزىنىڭ باس قالاسى رەتىندە ماقتان تۇتادى. ەلىمىزدە جۇرگىزىلگەن سوڭعى الەۋمەتتىك زەرتتەۋلەر قورىتىندىسى بويىنشا, ەل ازاماتتارىنىڭ 93 پايىزى ونى رەسپۋبليكامىزدىڭ قارقىندى دامىپ كەلە جاتقان ەكونوميكاسىنىڭ نەگىزگى لوكوموتيۆى دەپ تۇسىنەدى. جاھاندىق ايتۋلى باسقوسۋلاردىڭ ورتالىعىنا اينالعان ەلوردامىز سونىمەن ءبىرگە, ەلىمىزدىڭ قالالارىنىڭ ىشىندە تۇرعىندارىنا الەۋمەتتىك-تۇرمىستىق قولايلى جاعداي جاساۋ ماسەلەسىندە ۇلگى تۇتارلىق اۋقىمدى جوبالاردى ءجۇزەگە اسىرىپ كەلەدى.
ەگەمەن قازاقستاننىڭ ساۋلەتتى ەلورداسى شىن ماعىناسىندا باقىتتى بالالىقتىڭ ورتالىعى بولىپ سانالادى. بۇل ءۇشىن مەملەكەتىمىز قولدان كەلگەننىڭ ءبارىن جاساۋدا. مەملەكەت باسشىسىنىڭ باستاماسىمەن جاس استانالىقتاردى مەكتەپ جانە بالاباقشالارمەن تولىق قامتاماسىز ەتۋ ماقساتىندا كەشەندى جۇمىستار جۇزەگە اسىرىلدى. 2012 جىلى عانا استانا قالاسىندا 5 مەكتەپ جانە 7 بالاباقشا بوي كوتەردى. بۇل مەكتەپ جانە مەكتەپ جاسىنا دەيىنگى مەملەكەتتىك مەكەمەلەردەگى بالالار سانىن ءتيىسىنشە 4500 جانە 1530 ورىنعا دەيىن ارتتىرۋعا مۇمكىندىك بەردى.
ەل شەجىرەسىنىڭ تاريحىنا اينالعان 2012 جىلى ءبىلىم بەرۋ سالاسى بويىنشا 37 جاڭا نىسان جوبالارى بەلگىلەندى. ونىڭ ءىشىندە 13 جوبا بويىنشا ءتيىستى ەكسپورتتىق وڭ باعا الىنىپ, 24 جوبا 2013 جىلى جۇزەگە اسىرىلاتىن بولدى. 2012 جىلدىڭ قورىتىندىسى بويىنشا «ءبىلىم بەرۋ نىساندارىن دامىتۋ» باعدارلاماسىن جۇزەگە اسىرۋ ءۇشىن 9,693 ملرد. تەڭگە ءبولىندى. ونىڭ ىشىندە 7,862 ملرد. تەڭگە رەسپۋبليكالىق بيۋدجەتتەن ماقساتتى ترانسفەرتتەر ەسەبىنەن ءبولىنسە, 1,831 ملرد. تەڭگە جەرگىلىكتى بيۋدجەتتەردەن قاراستىرىلدى.
قازىرگى تاڭدا ءسانى مەن سالتاناتى جاراسقان باس قالامىزدا 4900 ورىندىق 5 جاڭا مەكتەپ, 1680 ءبۇلدىرشىنگە لايىقتالعان 7 بالاباقشا قۇرىلىسى جۇرگىزىلۋدە. قۇرىلىس قارقىنى وسى باعىتىنان تايمايتىن بولسا, ەلوردامىز ءۇشىن اۋاداي قاجەت بۇل ءبىلىم نىساندارى ۇستىمىزدەگى جىلى تولىق پايدالانۋعا بەرىلمەك. سونىمەن بىرگە, بيىلعى جىلى قالامىزدا تاعى دا 7 جاڭا مەكتەپ جانە 12 بالاباقشا قۇرىلىسى قولعا الىنباق. بۇل نىساندار 2014 جىلى جاس استانالىقتار ءۇشىن ەسىگىن ايقارا اشپاق. استانا قالاسى اكىمدىگىنىڭ العا قويعان كەشەندى جوسپارلارى بويىنشا, 2017 جىلى وتەتىن بۇكىلالەمدىك ەكسپو كورمەسىنىڭ جالاۋى جەلبىرەگەنگە دەيىن ەلوردادا سۋ جاڭا 50 بالاباقشا جانە 30 مەكتەپ بوي كوتەرەتىن بولادى.
ەلوردامىزدا جىلدان-جىلعا زاماناۋي تەحنولوگيالارعا ساي جابدىقتالعان وزىق مەديتسينالىق ورتالىقتار قاتارى كوبەيىپ كەلەدى. سونىمەن بىرگە, مەملەكەت باسشىسىنىڭ باستاماسىمەن جۇزەگە اسىرىلعان «100 اۋرۋحانا» باعدارلاماسى شەڭبەرىندە ءبىرقاتار نىساندار بوي كوتەردى. ءوتكەن جىلى باس قالامىزدا زامان تالابىنا ساي 2 دەنساۋلىق ساقتاۋ مەكەمەسى سالىنىپ, پايدالانۋعا بەرىلدى. اتاپ ايتقاندا, ءبىر اۋىسىمدا 250 بالا قابىلدايتىن ەمحاناسى بار 350 توسەكتىك قالالىق كوپ سالالى بالالار اۋرۋحاناسى, وڭتۇستىك-شىعىس شاعىن اۋدانىندا 350 ەرەسەكتەردى جانە 150 بالالاردى قابىلدايتىن كەشەندى امبۋلاتوريالىق ەمحانا ەسىگىن ايقارا اشتى.
جالپى العاندا, 2012 جىلى استانا قالاسى اكىمدىگىنىڭ قۇرىلىس باسقارماسى 18 دەنساۋلىق ساقتاۋ مەكەمەسىنىڭ جوباسىن جاسادى. ونىڭ ىشىندە 10 جوبانى ءجۇزەگە اسىرۋ جۇمىسى قولعا الىنسا, قالعان 8 جوبا ۇستىمىزدەگى جىلى ءىس جۇزىنە اسىرىلاتىن بولادى. «دەنساۋلىق ساقتاۋ نىساندارىن دامىتۋ» باعدارلاماسىن جۇزەگە اسىرۋعا 2012 جىلى 10,320 ملرد. تەڭگە قارجى ءبولىندى. ونىڭ ىشىندە 9,384 ملرد. تەڭگە رەسپۋبليكالىق بيۋدجەتتىڭ ماقساتتى ترانسفەرتتەرى ەسەبىنەن, 936 ملن. تەڭگە جەرگىلىكتى بيۋدجەتتەردىڭ ەسەبىنەن ءبولىندى.
2013 جىلى استانا قالاسىندا جاڭادان 6 دەنساۋلىق ساقتاۋ نىسانى بوي كوتەرمەك. ال 2014 جىلدىڭ سوڭىنا تامان سول جاعالاۋدا امبۋلاتوريالىق-ەمحانالىق كەشەن جانە 500 توسەكتىك تۋبەركۋلەزگە قارسى ەم قولداناتىن ديسپانسەر پايدالانۋعا بەرىلەدى. استانا قالاسى اكىمدىگىنىڭ العا قويعان كەشەندى جوسپارى بويىنشا تورتكۇل دۇنيە نازارى استاناعا اۋاتىن 2017 جىلى باس قالامىزدىڭ تۇرعىندارى ستاتسيونارلىق مەديتسينا مەكەمەلەرى جانە ەمحانالىق نىساندارمەن تولىق قامتاماسىز ەتىلەتىن بولادى.
جىلقىباي جاعىپار ۇلى,
«ەگەمەن قازاقستان».
