ايماقتار • 19 تامىز، 2019

الماتى اكىمى مۇعالىمنىڭ مارتەبەسىن كوتەرۋ جانە ولارعا قولداۋ كورسەتۋ شارالارى تۋرالى ايتتى

45 رەتكورسەتىلدى

بۇگىن، 19 تامىزدا الماتىدا ءبىلىم جۇيەسى قىزمەتكەرلەرىنىڭ فورۋمى ءوتىپ جاتىر.

الماتى اكىمى باقىتجان ساعىنتاەۆ قالانىڭ ءبىلىم سالاسىن دامىتۋدىڭ پەرسپەكتيۆالارى جانە ءبىرىنشى كەزەكتەگى مىندەتتەر تۋرالى ايتتى.  فورۋمدا مۇعالىم ماماندىعىنىڭ ماڭىزى جانە ەلىمىزدىڭ لايىقتى ازاماتتارىن تاربيەلەۋدەگى پەداگوگتىڭ ەرەكشە ميسسياسى تۋرالى ءسوز قوزعالدى. وسكەلەڭ ۇرپاققا ساپالى ءبىلىم مەن ونەگەلى تاربيە بەرۋدى جاقسارتۋ ماسەلەلەرى كەڭىنەن تالقىلاندى.

«مەكتەپ – جەكە تۇلعانى جانە ولاردىڭ بويىندا تۋعان ەلىنە دەگەن شىنايى سۇيىسپەنشىلىكتى قالىپتاستىراتىن كيەلى ورىن. ءبىلىم وشاعىندا ءدارىس الاتىن وقۋشىلاردىڭ بولاشاعى زور ءارى ولار باقىتتى بولۋلارى ءتيىس»،  دەدى باقىتجان ساعىنتاەۆ قالانىڭ مۇعالىمدەر قاۋىمداستىعى الدىندا سويلەگەن سوزىندە.

اكىم ءوزىنىڭ سوزىندە پەداگوگيكالىق جوعارى وقۋ ورىندارى مەن كوللەدجدەردى ءبىتىرىپ، الماتىنىڭ مەملەكەتتىك مەكتەپتەرىندە ەڭبەك جولدارىن ەندى باستايتىن بارلىق جاس ماماندارعا بىررەتتىك ماتەريالدىق كومەك بەرۋ جونىندە شەشىم قابىلدانعانىن ايتتى. بيىلعى جىلى 700 جاس مۇعالىم بيۋدجەتتىك قارجىنىڭ ەسەبىنەن 20 ايلىق ەسەپتەگى كورسەتكىش كولەمىندە گرانت الاتىن بولادى.

«بۇل شاعىن كومەك، دەگەنمەن وسىناۋ العاشقى قادامنىڭ قالانىڭ پەداگوگيكالىق قاۋىمداستىعىنا قولداۋ كورسەتۋدىڭ ماڭىزدى سيمۆولى بولاتىندىعىنا مەن سەنىمدىمىن»، دەپ اتاپ ءوتتى الماتى اكىمى.

سونىمەن قاتار، ۇزدىك ءبىلىم ۇيىمدارىن 800 ايلىق ەسەپتىك كورسەتكىش بويىنشا جىل سايىنعى ءداستۇرلى ماراپاتتاۋ جالعاسادى. ال، بۇگىن جەڭىمپاز 24 ميلليون تەڭگە كولەمىندە جۇلدە الاتىن بولادى.

ايتا كەتەرلىگى، قالانىڭ ۇزدىك پەداگوگيكالىق ۇجىمدارىنا جىل سايىن اقشالاي سىيلىقتار بەرىلەدى.

2020 جىلدان باستاپ قالا اكىمىنىڭ شەشىمى بويىنشا مەگاپوليستىڭ ەرەن ەڭبەك ەتىپ، ساپالى ءبىلىم بەرگەن ۇزدىك پەداگوگتارىنا الماتى اكىمىنىڭ ارنايى گرانتى تاپسىرىلادى. ونىڭ ەرەجەسىن، نوميناتسياسىن، كريتەريلەرىن ازىرلەۋ جانە كىمگە بەرىلۋى ءتيىس ەكەنىن انىقتاۋ وقىتۋشىلاردىڭ وزدەرى جۇكتەلەدى.

مۇعالىم ماماندىعىنىڭ مارتەبەسىن ءارتتىرۋ ۇشىن قالادا اۋقىمدى اقپاراتتىق ناۋقان ۇيىمداستىرىلادى، ونىڭ بارىسىندا باق شاھاردىڭ ۇزدىك پەداگوگتارى، ۇزدىك وقۋ پراكتيكالارى مەن كەيستەرى تۋرالى جازاتىن بولادى. بۇل شارا قوعام ءۇشىن ءبىلىم جۇيەسىن دامىتۋدىڭ دۇرىس ۆەكتورىن قالىپتاستىرۋعا ىقپال ەتەدى.

الماتى اكىمى جاڭادان قولعا الىناتىن ءارى جىل سايىن وتەتىن «Úzdىk ustaz» («لۋچشي پەداگوگ») بايقاۋى جانە ونىڭ قورىتىندىسى 2020 جىلدان باستاپ مۇعالىم كۇنى قارساڭىندا شىعاتىنى تۋرالى حاباردار ەتتى. جەڭىمپازدارعا ىنتالاندىرۋ سىيلىعى رەتىندە پاتەر، اۆتوموبيل جانە باسقا دا باعالى سىيلىقتار بەرىلەدى. «مۇعالىم – ءبىلىم سالاسىنداعى باستى تۇلعا، سوندىقتان قوعام ءۇشىن اسا ماڭىزدى ماماندىقتىڭ مارتەبەسىن كوتەرۋگە ءتيىسپىز»،  دەپ اتاپ ءوتتى ب. ساعىنتاەۆ.

قازىرگى كەزدە الماتىدا 32 مىڭعا جۋىق مۇعالىم بار.

 

الماتى

                                                                        

سوڭعى جاڭالىقتار

ۇقساس جاڭالىقتار