الماتى قالالىق پوليتسيا دەپارتامەنتىنىڭ اقپاراتىنا سايكەس, شاھارداعى تۇرعىن ءۇي اۋلالارى مەن قوعامدىق نىساندار اۋماعىنا ورناتىلعان بەينەكامەرالاردىڭ ارقاسىندا بوتەننىڭ مۇلكىن ۇرلاۋ قىلمىسى ەداۋىر ازايىپ وتىر. ستاتيستيكالىق دەرەكتەر بويىنشا پاتەر توناۋ – 2,3 ەسەگە, اۆتوموبيل ۇرلىعى – 2,9%, ۇيالى تەلەفون ۇرلىعى – 48,1%, كولىك اينالارىن ۇرلاۋ – 4,3% -عا, قالتا ۇرلىعى – 3,4 ەسەگە, كولىك ىشىنەن زات ۇرلاۋ – 13,5%, ءتۇستى جانە قارا مەتالدى ۇرلاۋ 21,7%- عا ازايىپتى.
ماماندار قىلمىستىڭ الدىن الۋ ماقساتىندا IT تەحنولوگيالاردىڭ مۇمكىندىگىن بەلسەندى پايدالانۋدا. بۇگىندە قالادا 120 مىڭعا جۋىق بەينەباقىلاۋ كامەراسى بار دەسەك, ولاردىڭ 90%-ى بيۋدجەتتەن تىس قارجىعا ورناتىلعان. بەينەتاسپاعا جازىلعان ماتەريالداردى قولدانۋ ناتيجەسىندە سوڭعى ءۇش جىلدا پاتەر ۇرلىعى 2,9 ەسە تومەندەپتى.
قوراسىز قوي باعىپ, وتاۋىنا ق ۇلىپ سالماعان جۇرت بۇگىندە جەكە مۇلكىنىڭ قاۋىپسىزدىك ماسەلەسىنە الاڭداماي تۇرا المايدى. قالا اۋماعىنداعى پاتەر ۇرلىعىنىڭ ازايۋىنا تۇرعىنداردىڭ ءوز دۇنيە-مۇلكىنە ىقتياتپەن قاراپ, ءتۇرلى اقىلدى كامەرالار ورناتۋى مەن كۇزەت مەكەمەلەرىنىڭ قىزمەتىنە جۇگىنۋى سەپ بولىپ وتىر.
الماتى
