ىنتىماقتاستىقتىڭ جاڭا كەزەڭى
جۇما, 14 ماۋسىم 2013 2:34
ءماجىلىس توراعاسى نۇرلان نىعماتۋلين باستاعان دەلەگاتسيا انكارادا وتكەن تۇركىتىلدەس ەلدەر پارلامەنتتىك اسسامبلەياسىنىڭ (تۇركپا) جيىندارىنا قاتىسىپ قايتتى, دەپ حابارلادى وسى پالاتانىڭ ءباسپاسوز قىزمەتى.
5 جىل بۇرىن تۇركيادا تۇركپا قۇرۋ تۋرالى تاريحي كەلىسىمگە قول قويىلعان بولاتىن. قازاقستان پرەزيدەنتى نۇرسۇلتان نازارباەۆتىڭ باستاماسىمەن قۇرىلعان اسسامبلەيا قازىرگى ۋاقىتتا تۇركىتىلدەس ەلدەردى ءبىر ارناعا بىرىكتىرەتىن بەدەلدى ۇيىمعا جانە از ۋاقىتتا, بىراق وتە جاۋاپتى كەزەڭدە باۋىرلاس مەملەكەتتەردى جاقىنداستىرۋدا, جالپى, مەملەكەتارالىق بايلانىستى دامىتۋدا وزىندىك ورنى بار بىرلەستىككە اينالدى.
جۇما, 14 ماۋسىم 2013 2:34
ءماجىلىس توراعاسى نۇرلان نىعماتۋلين باستاعان دەلەگاتسيا انكارادا وتكەن تۇركىتىلدەس ەلدەر پارلامەنتتىك اسسامبلەياسىنىڭ (تۇركپا) جيىندارىنا قاتىسىپ قايتتى, دەپ حابارلادى وسى پالاتانىڭ ءباسپاسوز قىزمەتى.
5 جىل بۇرىن تۇركيادا تۇركپا قۇرۋ تۋرالى تاريحي كەلىسىمگە قول قويىلعان بولاتىن. قازاقستان پرەزيدەنتى نۇرسۇلتان نازارباەۆتىڭ باستاماسىمەن قۇرىلعان اسسامبلەيا قازىرگى ۋاقىتتا تۇركىتىلدەس ەلدەردى ءبىر ارناعا بىرىكتىرەتىن بەدەلدى ۇيىمعا جانە از ۋاقىتتا, بىراق وتە جاۋاپتى كەزەڭدە باۋىرلاس مەملەكەتتەردى جاقىنداستىرۋدا, جالپى, مەملەكەتارالىق بايلانىستى دامىتۋدا وزىندىك ورنى بار بىرلەستىككە اينالدى.
قىرعىز رەسپۋبليكاسى جوعارعى كەڭەسىنىڭ توراعاسى اسىلبەك جەەنبەكوۆ: «بۇل ۇيىمنىڭ نەگىزىن قالاعان نۇرسۇلتان ءابىش ۇلى نازارباەۆ. تۇركپا قۇرۋ تۋرالى شەشىم ۋاقىت تالابىنان تۋىندادى. ءبىز بىرىگۋىمىز كەرەك. ارينە, ءار مەملەكەتتىڭ مۇمكىندىگى ارقيلى. بىراق, ءبىزدىڭ بىرگە بولۋىمىز, ءبىر-بىرىمىزگە كومەكتەسۋ كەرەكتىگىمىز ەشقانداي داۋ تۋدىرمايدى», دەگەن ويىن ورتاعا سالدى. ازەربايجان ميللي مەدجليسىنىڭ توراعاسى وكتاي اسادوۆ تا قىرعىزستاندىق ارىپتەسىنىڭ پىكىرىنە ورتاقتاسا كەلىپ, ءبىزدىڭ پارلامەنتتەردىڭ ەندىگى ماقساتى اسسامبلەيانى دامىتۋ ەكەنىن اتاپ كورسەتتى. ءتورت ەلدىڭ پارلامەنت وكىلدەرى وزدەرىنىڭ 5 جىلدىق جۇمىس قورىتىندىلارىن شىعارىپ قانا قويماي, بولاشاققا ارنالعان ماڭىزدى جوسپارلاردى دا تالقىلادى.
ولاردىڭ قاتارىندا قاۋىپسىزدىك, يننوۆاتسيا, مادەنيەت جانە ءبىلىم سالالارىنداعى ىنتىماقتاستىقتى ودان ءارى دامىتۋ ماڭىزدى ورىنعا يە.
تۇركيا تۇركپا توراعالىعىن قابىلداعان ەل رەتىندە, پارلامەنتارالىق ۇنقاتىسۋدى دامىتۋعا كۇش سالاتىن بولادى. وعان جيىن بارىسىندا العاشقى قادام جاسالىپ, نۇرلان نىعماتۋلين مەن دجەميل چيچەك قازاقستان پارلامەنتى ءماجىلىسى مەن تۇركيا ۇلى ۇلتتىق جينالىسى اراسىندا ىنتىماقتاستىق تۋرالى مەموراندۋمعا قول قويدى.
– ءبىز قازاقستانمەن بارلىق سالادا ىنتىماقتاستىقتى نىعايتۋعا رازىمىز. اسىرەسە, پارلامەنتارالىق دەڭگەيدە. ءبىزدىڭ ۇقساستىقتارىمىز وتە كوپ جانە نۇرسۇلتان نازارباەۆ تەك قازاقستان پرەزيدەنتى عانا ەمەس, جالپى تۇركى الەمىنىڭ كوشباسشىسى, – دەدى دجەميل چيچەك.
قازاقستان مەن تۇركيا ەلدەرىنىڭ سپيكەرلەرى بۇل مەموراندۋمنىڭ ەكىجاقتى زاڭ شىعارماشىلىق قىزمەتىندە جانە پارلامەنتارالىق بىرلەستىك اياسىندا جاڭا ءمۇمكىندىكتەرگە جول اشاتىنىنا سەنىم ءبىلدىردى.
نۇرلان نىعماتۋلين ءوز كەزەگىندە وسى سان قىرلى قۇجات ءبىزدىڭ ەلدەرىمىزدىڭ ستراتەگيالىق جوسپارلارىن پارلامەنتارالىق دەڭگەيدە جۇزەگە اسىرۋعا جول اشادى. ياعني تۇركىتىلدەس ەلدەر پارلامەنتتەرىنىڭ زاماناۋي وزەكتى ماسەلەلەردى بىرلەسىپ شەشۋ مۇمكىندىكتەرىنىڭ زور ەكەندىگىن كورسەتىپ وتىر. بۇل تاعى ءبىر مارتە قازاقستان پرەزيدەنتى نۇرسۇلتان ءابىش ۇلى نازارباەۆتىڭ تۇركپا قۇرۋ يدەياسىنىڭ ماڭىزدىلىعىن دالەلدەيدى. ءبىزدىڭ ماقساتىمىز – ىنتىماقتاستىعىمىزدىڭ ءتيىمدىلىگىن ودان ءارى ارتتىرا ءتۇسۋ ءۇشىن وسى ۇيىمنىڭ الەۋەتىن بارىنشا كەڭىنەن پايدالانۋ, دەدى.
تۇركپا شارالارى اياسىندا نۇرلان نىعماتۋلين ءبىرقاتار ەكىجاقتى كەزدەسۋلەر وتكىزدى. پارلامەنتارالىق ىنتىماقتاستىقتى نىعايتۋ جايى ءماجىلىس سپيكەرى نۇرلان نىعماتۋليننىڭ قىرعىزستان جوعارعى كەڭەسىنىڭ توراعاسى اسىلبەك جەەنبەكوۆپەن بولعان كەزدەسۋىندە دە ءسوز بولدى. ال ازەربايجان ميللي مەدجليسىنىڭ توراعاسى وكتاي اسادوۆپەن نۇرلان نىعماتۋلين تۇركپا-نىڭ الەۋەتىن تۇركىتىلدەس مەملەكەتتەردىڭ ءوزارا ءتيىمدى قيمىل-ارەكەتى جولىندا پايدالانۋ مۇمكىندىكتەرىن تالقىلادى.
تۇركپا-نىڭ كەزەكتى بەسىنشى جالپى وتىرىسى كەلەر جىلى باكۋدە وتەدى. ال بۇل جولعى پارلامەنتشىلەر باسقوسۋى انكارا دەكلاراتسياسىن قابىلداۋمەن اياقتالدى.
