سىرتقى ساياسي باسىمدىقتار
سەيسەنبى, 11 ماۋسىم 2013 2:12
كەشە سىرتقى ىستەر مينيسترلىگىندە 29 مامىردا استانا قالاسىندا وتكەن مەملەكەت باسشىلارى دەڭگەيىندەگى جوعارى ەۋرازيالىق ەكونوميكالىق كەڭەسى وتىرىسىنىڭ قورىتىندىسىنا ارنالعان دوڭگەلەك ۇستەل ءوتتى.
ءىس-شارانى سىرتقى ىستەر, ەكونوميكا جانە بيۋدجەتتىك جوسپارلاۋ مينيسترلىكتەرى ۇيىمداستىردى. دوڭگەلەك ءۇستەل جۇمىسىنا پرەمەر-مينيستردىڭ ورىنباسارى قايرات كەلىمبەتوۆ, سىرتقى ىستەر ءمينيسترى ەرلان ىدىرىسوۆ, ەلىمىزدە اككرەديتتەلگەن ديپلوماتيالىق ميسسيا باسشىلارى مەن حالىقارالىق ۇيىمداردىڭ وكىلدەرى, سونداي-اق مۇددەلى مينيسترلىكتەر مەن ۆەدومستۆولار باسشىلارى, «اتامەكەن وداعى» ۇلتتىق ەكونوميكالىق پالاتاسىنىڭ وكىلدەرى قاتىستى.
سەيسەنبى, 11 ماۋسىم 2013 2:12
كەشە سىرتقى ىستەر مينيسترلىگىندە 29 مامىردا استانا قالاسىندا وتكەن مەملەكەت باسشىلارى دەڭگەيىندەگى جوعارى ەۋرازيالىق ەكونوميكالىق كەڭەسى وتىرىسىنىڭ قورىتىندىسىنا ارنالعان دوڭگەلەك ۇستەل ءوتتى.
ءىس-شارانى سىرتقى ىستەر, ەكونوميكا جانە بيۋدجەتتىك جوسپارلاۋ مينيسترلىكتەرى ۇيىمداستىردى. دوڭگەلەك ءۇستەل جۇمىسىنا پرەمەر-مينيستردىڭ ورىنباسارى قايرات كەلىمبەتوۆ, سىرتقى ىستەر ءمينيسترى ەرلان ىدىرىسوۆ, ەلىمىزدە اككرەديتتەلگەن ديپلوماتيالىق ميسسيا باسشىلارى مەن حالىقارالىق ۇيىمداردىڭ وكىلدەرى, سونداي-اق مۇددەلى مينيسترلىكتەر مەن ۆەدومستۆولار باسشىلارى, «اتامەكەن وداعى» ۇلتتىق ەكونوميكالىق پالاتاسىنىڭ وكىلدەرى قاتىستى.
وتىرىستى اشقان ە.ىدىرىسوۆ ەۋرازيالىق ينتەگراتسيالىق ۇدەرىستىڭ ماسەلەلەرى ەلىمىزبەن بىرگە شەت ەلدەردىڭ دە جوعارى قىزىعۋشىلىعىنا يە ەكەندىگىن, سونداي-اق ساراپشىلار مەن باقىلاۋشىلاردىڭ ءارتۇرلى پىكىر ءبىلدىرۋى مەن ينتەگراتسيالىق ۇدەرىستەردىڭ دامۋىنا بەرگەن باعالارىن اتاپ ءوتتى. «وسىعان بايلانىستى, ماقساتىمىزدى ايتىپ, كوزقاراسىمىزدى ءبىلدىرۋ ماڭىزدى دەپ سانايمىز. سوندىقتان «ءبىرىنشى دەرەككوزىنەن» اقپارات الۋعا مۇمكىندىك بەرگەن ءجون», دەدى سىرتقى ىستەر ءمينيسترى.
ق. كەلىمبەتوۆ جينالعان قاۋىمعا ەۋرازيالىق كەڭىستىكتەگى ينتەگراتسيا ماسەلەلەرى ءجونىندەگى جۇمىستاردىڭ ءناتيجەلەرى تۋرالى اڭگىمەلەدى. ول كەدەن وداعىنىڭ جۇمىسى مەن ءبىرتۇتاس ەكونوميكالىق كەڭىستىكتىڭ قۇرىلۋى, سونداي-اق تاياۋ بولاشاقتا ەۋرازيالىق ەكونوميكالىق وداقتىڭ قۇرىلۋى ەلىمىزدىڭ سىرتقى ساياساتىنداعى باستى باسىمدىقتار, دەپ اتاپ كورسەتتى.
استانا قالاسىندا ءوتكەن مەملەكەت باسشىلارى دەڭگەيىندەگى جوعارى ەۋرازيالىق ەكونوميكالىق كەڭەس وتىرىسىنىڭ قورىتىندىسىنان كەيىن مەملەكەت ۇكىمەتتەرىنە ناقتى تاپسىرمالار بەرىلدى, دەپ اتاپ ءوتتى پرەمەر-ءمينيستردىڭ ورىنباسارى. ۇكىمەتتەردىڭ جۇمىسىنىڭ باستى ماقساتى – ءار ەلدىڭ ناقتى جۇيەمەن ەكونوميكالىق دامۋىنا جاعداي تۋعىزۋ. ءسويتىپ, ەلدەردىڭ ءال-اۋقاتىن جانە سەرىكتەستىك باسەكەلەستىگىن ارتتىرۋ ماڭىزدى ەكەندىگىنە توقتالدى.
جيىن سوڭىندا قايرات كەلىمبەتوۆ ديپلوماتيالىق كورپۋس وكىلدەرى تاراپىنان قويىلعان سۇراقتارعا تولىمدى جاۋاپتار قايىردى.
نۇرباي ەلمۇراتوۆ,
«ەگەمەن قازاقستان».
