سايلاۋعا جوعارى جاۋاپكەرشىلىك قاجەت

سەيسەنبى, 11 ماۋسىم 2013 2:09

قوستانايدا قازاقستان رەسپۋبليكاسىنداعى اۋداندىق ماڭىزداعى قالالار, اۋىلدىق – وكرۋگتەر, اۋىلدىق وكرۋگتەرگە كىرمەيتىن كەنتتەر مەن اۋىل اكىمدەرىن سايلاۋدى ۇيىمداستىرۋ مەن وتكىزۋ ماسەلەلەرى جونىندەگى سەمينار-كەڭەس بولىپ ءوتتى.

سەيسەنبى, 11 ماۋسىم 2013 2:09

قوستانايدا قازاقستان رەسپۋبليكاسىنداعى اۋداندىق ماڭىزداعى قالالار, اۋىلدىق – وكرۋگتەر, اۋىلدىق وكرۋگتەرگە كىرمەيتىن كەنتتەر مەن اۋىل اكىمدەرىن سايلاۋدى ۇيىمداستىرۋ مەن وتكىزۋ ماسەلەلەرى جونىندەگى سەمينار-كەڭەس بولىپ ءوتتى.

وعان قازاقستان رەسپۋبليكاسى ورتالىق سايلاۋ كوميسسياسىنىڭ حاتشىسى باقىت مەلدەشوۆ, ورتالىق سايلاۋ كوميسسياسى ۇيىمداستىرۋ ءبولىمىنىڭ مەڭگەرۋشىسى ناتاليا ۆيشنياكوۆا, اۋدان, قالا اكىمدەرى, اۋداندىق, قالالىق ءماسليحاتتاردىڭ حاتشىلارى, اۋداندىق, قالالىق اكىم اپپاراتىنىڭ جەتەكشىلەرى, اۋداندىق, قالالىق سايلاۋ كو­ميس­سيالارىنىڭ توراعالارى مەن حاتشىلارى, وبلىستىق سايلاۋ كوميسسياسىنىڭ مۇشەلەرى, سون­داي-اق وبلىستىق پروكۋراتۋرا, ىشكى ىستەر دەپارتامەنتىنىڭ, سا­لىق دەپارتامەنتىنىڭ, ەكونوميكا جانە بيۋدجەتتىك جوسپارلاۋ مەن مەملەكەتتىك قىزمەت ىستەرى ءجو­نىن­دەگى اگەنتتىك باسقارماسىنىڭ وكىل­دەرى قاتىستى. سەمينار-كەڭەستە ب.مەلدەشوۆ سايلاۋدىڭ ماڭىزى مەن ۇيىمداستىرۋ, وتكىزۋ رەتى تۋرالى ەگجەي-تەگجەيلى ايتىپ بەردى. باسقوسۋدا جەرگىلىكتى جەرلەر­دە وتەتىن سايلاۋدىڭ بارىنشا مولدىرلىگىن قامتاماسىز ەتۋ قاجەتتىگى اتاپ كورسەتىلدى.
قازاقستان رەسپۋبليكاسى پرە­زي­دەنتىنىڭ «اۋداندىق ماڭىزداعى قالالار, اۋىلدىق وكرۋگتەر, اۋىل­دىق وكرۋگكە كىرمەيتىن كەنتتەر مەن اۋىلدار اكىمدەرى سايلاۋىن ءوت­كى­زۋدىڭ بىرقاتار ماسەلەلەرى تۋ­را­لى» جارلىعىنا سايكەس, قوس­تا­ناي وبلىسى اۋماعىندا 245 اۋىل اكىمى سايلانادى. سايلاۋ 2013 جىل­دىڭ 7 تامىزىندا وتكىزىلەدى دەپ بەل­گى­لەن­گەن. وسى ماسەلە بويىنشا وبلىستا ءبىر­نەشە سەمينار-كەڭەستەر وتكىزىلەدى.
انتونينا ماركوۆا باسقاراتىن وبلىستىق سايلاۋ كوميسسياسىنىڭ بۇرىنعى سايلاۋلارداعى بىلىك­تى­لىگىن ب.مەلدەشوۆ جوعارى باعا­لادى. ول جاۋاپكەرشىلىگى مول الداعى سايلاۋ دا تابىستى وتەتىنىنە سەنىم ءبىلدىردى.
ءنازيرا جارىمبەتوۆا,
«ەگەمەن قازاقستان».
قوستاناي.