مەموراندۋمعا قول قويىلدى
بەيسەنبى, 6 ماۋسىم 2013 1:22
«نۇر وتان» حالىقتىق-دەموكراتيالىق پارتياسىنىڭ باتىس قازاقستان وبلىستىق فيليالى توراعاسىنىڭ ءبىرىنشى ورىنباسارى كەنجەباي نىعمەت پەن باتىس قازاقستان وبلىسى ىشكى ىستەر دەپارتامەنتىنىڭ باستىعى ماحامبەت ابيساتوۆ ءوزارا ىنتىماقتاستىق تۋرالى مەموراندۋمعا قول قويدى.
بەيسەنبى, 6 ماۋسىم 2013 1:22
«نۇر وتان» حالىقتىق-دەموكراتيالىق پارتياسىنىڭ باتىس قازاقستان وبلىستىق فيليالى توراعاسىنىڭ ءبىرىنشى ورىنباسارى كەنجەباي نىعمەت پەن باتىس قازاقستان وبلىسى ىشكى ىستەر دەپارتامەنتىنىڭ باستىعى ماحامبەت ابيساتوۆ ءوزارا ىنتىماقتاستىق تۋرالى مەموراندۋمعا قول قويدى.
مەموراندۋم – «نۇر وتان» حالىقتىق-دەموكراتيالىق پارتياسى مەن باتىس قازاقستان وبلىسى ىشكى ىستەر دەپارتامەنتىنىڭ اراسىنداعى ۇزاق مەرزىمدى زاڭدى قارىم-قاتىناسىن بىلدىرەتىن العاشقى قۇجات. وسىلايشا, ەكى قۇرىلىم دەموكراتيالىق قالىپتاسۋدى ىسكە اسىرۋ, سىبايلاس جەمقورلىق كورىنىستەرىنە قارسى كۇرەسۋ جانە وسى سيپاتتاعى ازاماتتاردىڭ جۇگىنۋلەرىن قاراۋ جۇمىسىن جەتىلدىرۋ ءۇشىن ءوزارا ءىس-قيمىل جاساسۋ جانە كۇشتەردى بىرىكتىرۋ تۋرالى بىرىڭعاي كەلىسىمگە كەلىپ وتىر.
مەموراندۋمعا قول قويۋ سالتاناتىنا «نۇر وتان» حدپ وبلىستىق فيليالى جانە بقو ءىىد باسشىلىعى, بقو ءىىد جانىنداعى قوعامدىق كەڭەس مۇشەلەرى, وبلىستىق ءماسليحات دەپۋتاتتارى قاتىستى. «ادامدار مەن ازاماتتاردىڭ كونستيتۋتسيالىق قۇقىقتارى مەن بوستاندىعىن قورعاۋ, قوعامدىق ءتارتىپتى ساقتاۋ, سونداي-اق, سىبايلاس جەمقورلىققا قارسى كۇرەس ارەكەتتەرىن جاقسارتۋ جانە دامىتۋ ماقساتىندا وسىناۋ مەموراندۋمعا قول قويىلدى», دەدى ك.نىعمەت.
وسى مەموراندۋمدى ىسكە اسىرۋ بويىنشا جول پوليتسياسى باسقارماسىندا «نۇر وتان» حدپ پارتيالىق باقىلاۋ بەكەتى اشىلىپ, وبلىس جانە قالا تۇرعىندارىنىڭ جۇگىنۋلەرىنە ارنالعان جاشىك ورناتىلدى. بۇل جاشىكتى پارتيانىڭ بەكىتىلگەن قىزمەتكەرى عانا اشا الادى. كەلىپ تۇسكەن حاتتار اپتا سايىن الىنىپ, قارالاتىن بولادى. كەستەگە سايكەس ءار اپتانىڭ سارسەنبىسى كۇنى ساعات 15.00-دەن 17.00-گە دەيىن جول پوليتسياسى باسقارماسىنىڭ عيماراتىندا وبلىستىق ءماسليحات دەپۋتاتى اسحات يمانعاليەۆ پەن پارتيالىق باقىلاۋ بەكەتى ازاماتتاردى قابىلداۋ جۇرگىزەدى. قازىرگى ۋاقىتتا «نۇر وتان» حدپ جانە بقو ءىىد-ءنىڭ بىرلەسكەن ءىس-شارالار جوسپارى دايىندالۋدا, دەپ حابارلادى بقو ءىىد ءباسپاسوز قىزمەتى.
